ܐܤܝܹ̈ܐ ܒܹܐܡܵܪܵܐ ܝܢܵܐ ܐܘܼܤܬܪܵܠܝܵܐ ܒܸܕ ܚܲܙܝܵܐ ܠܕܝܲܪܬܵܐ ܕܛܦܵܝܵܬܹ̈ܐ ܒܝ̣ܕ ܦ̮ܠܘܼ ܘܙܝܲܕܬܵܐ ܕܥܒ̣ܲܪܬܵܐ ܓܘܿ ܒܝ̣ܼܬ ܟܪ̈ܝ̣ܗܹܐ ܓܘܿ ܤܸܬܘܵܐ ܟܲܕ ܐܘܼܚܕܵܢܹ̈ܐ ܡܲܒܨܘܿܪܹܐ ܝܢܵܐ ܠܩܲܘܕܹ̈ܐ ܘܟܝܘܼܠܹ̈ܐ ܕܐܲܡܝ̣ܢܘܼܬܵܐ ܚܘܿܠܡܵܢܲܝܬܵ
.ܫܘܼܠܛܵܢܵܐ ܐܘܼܤܬܪܵܠܵܝܵܐ ܥܲܡ ܢܸܤܝܹ̈ܐ ܗܲܡܘܼܢܹܐ ܝܢܵܐ ܕܒܘܼܟܼܪܵܢܵܐ ܝܠܵܗ ܜܝ ܐܘܼܪܚܵܐ ܟ̰ܡ ܪܹܐܫܵܝܬܵܐ ܩܵܐ ܡܦܲܪܨܵܪܬܵܐ ܕܟܘܼܪܗܵܢܵܐ ܟܲܕ ܬܸܪܘܲܝ ܢܝ̣ܫܲܢܩܹ̈ܐ ܕܲܡܝܵܢܹܐ ܝܢܵܐ ܕܟܘܿܦ̮ܝ̣ܕ19, ܦ̮ܠܘܼ ܘܫܩܲܠܬܵܐ ܕܩܲܪܬܵ
ܦܝ̣ܫܬܵܐ ܝܠܵܗ ܛܠܸܒܬܵܐ ܡ̣ܢ ܥܵܡܘܿܪܹ̈ܐ ܐܸܢ ܢܵܚܝ̣ܪܲܝܗ ܒܸܓ̰ܪܵܝܐ ܝܠܵܗ, ܫܥܲܠܬܵܐ ܝܲܢ ܥܲܓ̰ܵܙܬܵܐ ܓܘܿ ܒܵܠܘܼܥܬܵܐ, ܨܲܢܓ̰ܘܼ ܓܘܿ ܦܲܓ݂ܪܵܐ, ܡܵܕܥܲܪܬܵܐ ܝܲܢ ܦܠܵܚܬܵܐ ܕܐܲܩܠܵܐ. ܕܫܲܩܠܝ̣ ܠܒܘܿܚܪܵܢܵܐ RT-PCRܐܘ RAT.
ܛܲܦܝܵܢܹ̈ܐ ܒܟܘܿܦ̮ܝ̣ܕ 19ܘܵܠܝ̣ܠܵܗ ܕܥܲܒ̣ܕܝ̣ ܠܦܪܵܫܓܵܢܵܐ ܩܵܐ 7 ܝܵܘܡܹ̈ܐ.
ܫܘܼܕܵܥܹ̈ܐ ܐ݇ܚܪ̈ܢܹܐ ܕܟܘ̇ܦ̮ܝ̣ܕ 19ܒܸܚܒ̣ܵܫܵܐ ܝܢܵܐ
· ܐܝ̣ܩܘ̣ܬܵܐ ܒܢܵܦܵܤ
· ܫܲܪܫܵܝܬܵܐ
· ܥܲܓ̰ܵܙܬܵܐ ܓܘܿ ܥܘܼܩܒܪܬܵܐ
· ܬܵܠܵܩܬܵܐ ܙܘܿܢܵܢܵܝܬܵܐ ܕܡܲܡܵܚܬܵܐ ܝܲܢ ܛܥܲܡܬܵܐ
· ܓܒ̣ܵܠܬܵܐ ܕܠܸܒܵܐ ܘ ܬܵܠܵܩܬܵܐ ܕܐܸܫܛܵܒ̣
ܡܘ̣ܕܝ̣ ܐܸܢ ܐܸܬܠܘܿܟܼܘܿܢ ܫܘܼܕܵܥܹ̈ܐ ܐܝ̣ܢܵܐ ܡܪܲܝܡܵܢܹܐ ܝܬܘܿܢ ܓܘܿ ܒܘܼܚܪܵܢܵܐRT-PCR RAT/؟
ܡܲܠܵܠܵܐ ܡܢ ܡܸܪܹܗ ܠܵܐ ܝܠܵܗ ܪܸܚܩܵܐ ܕܗ̇ܘ ܦܲܪܨܘܿܦܵܐ ܐܸܬܠܹܗ ܡܲܪܥܵܐ ܕܢܵܦܵܤ ܡܐܝܟܼ ܦ̮ܠܘܼ ܝܲܢ ܩܲܪܬܵܐ.
"ܘܵܠܝܠܵܗ ܕܦܲܝܫܝ̣ܬܘܿܢ ܓܘܿ ܒܲܝܬܵܐ ܘܡܵܢܝܸܚܹܐܬܘܿܢ ܗܲܠ ܗܲܝܓܵܐ ܕܫܘܿܕܵܥܘ̇ܟܼܘܿܢ ܬܲܠܩܝ̣ ܕܠܵܐ ܡܵܬܦܝ̣ܬܘܿܢ ܩܵܐ ܐ݇ܚܹܪ݇ܢܹܐ. ܐܲܡܝ̣ܢܵܐܝ̣ܬ ܦ̮ܠܘܼ ܩܵܠܘܼܠܬܵܐ ܘܩܲܪܬܵܐ ܥܝܵܕܲܝܬܵܐ ܟܹܐ ܦܲܪܩܝ̣ ܒܓܵܢܲܝܗ ܕܠܵܐ ܗܸܟ̰ ܒܲܤܵܡܬܵܐ"
ܗܲܕܟܼܵܐ ܐ݇ܡܸܪܸܗ ܡܲܠܵܠܵܐ ܘܒܟܬܲܒ̣ܬܵܐ ܩܵܐ SBS .
"ܡܵܨܝ̣ܬܘܿܢ ܕܦܪܩܝ̣ܬܘܿܢ ܡ̣ܢ ܫܘܼܕܵܥܹ̈ܐ ܒܡܲܢܝܲܚܬܵܐ, ܫܬܵܝܬܵܐ ܕܵܝܘܿܒ̣ܹ̈ܐ ܘܦܪܝ̣ܫܵܐܝ̣ܬ ܡܝ̣ܵܐ, ܫܩܵܠܬܵܐParacetamolܠܡܲܒܨܵܪܬܵܐ ܕܨܲܢܓ̰ܘ̣ ܘܚܲܡܚܵܡܬܵܐ ܘܕܲܪܡܵܢܹܐ ܡܲܟܠܝ̣ܵܢܹܐ ܕܡܵܠܝܵܨܬܵܐ" ܗܲܕܟܼܵܐ ܡܸܪܹܗ ܡܲܠܵܠܵܐ.
ܫܘܼܠܛܵܢܵܐ ܕܐܘܼܤܬܪܵܠܝܵܐ ܒܐܹܡܵܪܝܠܹܗ ܕܥܵܡܘܼܪܹ̈ܐ ܘܵܠܝ̣ܠܵܐ ܕܬܲܦܩܝ̣ ܝܵܢ ܗܲܡܙܸܡܝ̣ ܥܲܡ ܐܤܝܲܝܗ (GP) ܗ̇ܘ ܡܵܨܹܐ ܕܡܦܲܪܨܸܦ ܩܵܐ ܦ̮ܠܘܼ ܒܦܵܟܲܪܬܵܐ ܥܲܠ ܫܘܼܕܵܥܹ̈ܐ ܝܲܢ ܡܵܫܸܚ ܠܢܲܚܝ̣ܪܵܐ.
ܒܘܼܟܼܪܵܢܵܐ ܕܕܸܡܵܐ ܐܲܦ ܟܹܐ ܓܵܠܸܚ ܩܵܐ ܦ̮ܠܘܼ.
ܫܘܼܕܵܥܹ̈ܐ ܕܦ̮ܠܘܼ ܘܩܸܫܝܘܼܬܲܝܗ ܘܒܠܸܫܵܢܵܐ ܐܸܢܠܝ̣ܤܵܝܵܐ ܒܚܒ̣ܵܫܵܐܝܢܵܐ:
ܦܲܪܨܘܿܦܵܐ ܬܸܦܝܵܐ ܒܝ̣ܕ ܦ̮ܠܘܼ ܒܝ̣ܕ ܪܵܥܸܫ ܒܪܓܲܕܬܵܐ ܘܫܒ̣ܘܼܩ ܡ̣ܢ ܫܘܼܕܵܥܹ̈ܐ ܡܘܿܕܟܼܸܪܹܐ ܒܥܸܠܸܠ
ܦܪ̈ܨܘܿܦܹܐ ܚܘܼܬ ܩܸܢܛܵܐ ܕܥܒ̣ܲܪܬܵܐ ܓܘܿ ܒܲܝܬ ܟܪ̈ܝ̣ܗܹܐ ܐܝ̣ܢܵܐ:
ܫܵܒ̣ܪܹ̈ܐ
ܗܵܢܝ̣ ܕܐܝ̣ܢܵܐ 65 ܫܸܢܹ̈ܐ ܘܒܘܼܫ ܓܘܿܪܹ̈ܐ
ܚܲܝܵܢܹ̈ܐ ܐܒܘܼܪܝ̣ܓ̰ܘܼܢܵܝܹ̈ܐ ܘܓܲܙܵܪܝܵܬܹ̈ܐ ܕܬܘܿܪܝ̣ܤ ܤܬܪܵܝܬ
ܒܛܝ̣ܢܵܬܹ̈ܐ
ܦܲܪܨܘܿܦܹܐ ܒܡܲܪ̈ܥܹܐ ܢܲܓܝ̣ܪܹ̈ܐ
ܩܫܝ̣ܛܹ̈ܐ
ܡܬܲܢܬܸܢܵܢܹ̈ܐ
ܠܵܐ ܡܛܘܿܥܡܹ̈ܐ
ܛܸܦܠܹ̈ܐ
ܦܪܵܤܬܵܐ
ܦ̮ܠܘܼ ܟܹܐ ܦܵܪܸܤ ܒܐܘܼܪܚܵܐ ܕܗܲܕܵܡܹ̈ܐ ܕܒܵܝܬܘܼܬܵܐ, ܕܘܿܟܬܵܐ ܕܦܘ̣ܠܚܵܢܵܐ, ܩܸܢܛܪ̈ܘܼܢܹܐ ܕܫܒ̣ܪܹ̈ܐ ܘܡܵܕܪܵܫܝܵܬܹ̈ܐ.
ܐܵܗܵܐ ܩܸܢܪܛܘܿܢ ܒܹܡܵܪܵܐܝܠܹܗ ܦܲܪܨܘܿܦܵܐ ܬܸܦܝܵܐ ܡܘܿܡܟܸܢ ܝܠܵܗ ܕܡܲܬܦܹܐ ܠܡܲܪܥܵܐ ܩܵܐ ܐ݇ܚܪܢܹܐ ܐܢ ܗܵܘܝ̣ ܗܲܠ ܬܪܝܢ݇ ܡܲܬܪܹ̈ܐ ܪܸܚܩܵܐ.
ܡܲܬܦܲܝܬܵܐ ܟܹܐ ܒܲܪܝܵܐ ܐܝܡ̇ܢ:ܦܲܪ̈ܨܘܿܦܹܐ ܕܒܸܓܪܵܫܵܐܝܢܵܐ ܠܢܵܦܵܤ ܠܢܵܛܘܿܦܝܵܬܹ̈ܐ ܕܪܘ̣ܩܹܐ ܡܸܢ ܫܥܲܠܬܵܐ ܘܬܦܲܬܵܐ ܕܦܲܪܨܘܿܦܹܐ ܬܸܦܝܹܐ ܘܒܩܘܼܪܒܵܝܘܼܬܵܐ
· ܦܲܪܨܘܦܹܐ ܕܦܸܩܝܵܬܵܐ ܝܢܵܐ ܒܢܵܚܝ̣ܪܹ̈ܝܗ, ܥܲܝܢܵܬ̈ܝܗ ܘܦܘܿܡܵܝܗ ܡܒܬ݇ܪ ܒܸܩܝܵܬܵܐܝܢܵܐ ܫܛܵܚܵܐ ܡܠܘܼܟܸܢܵܐ ܒܝܲܕ ܦ̮ܵܝܪܘܿܤ
ܡܵܢܵܥܬܵܐ
ܡܛܲܥܡܬܵܐ ܝܠܵܗ ܗ̇ܝ ܐܘܼܪܚܵܐ ܒܘܿܫ ܪܹܐܫܵܝܬܵܐ ܠܡܲܟܠܲܝܬܵܐ ܕܬܦܵܝܬܵܐ ܒܟܘܼܪܗܵܢܵܐ.
ܫܘܼܠܛܵܢܵܐ ܕܐܘܼܤܬܪܵܠܝܵܐ ܒܹܡܵܪܵܐܝܠܹܗ ܕܥܲܡܵܐ ܘܵܠܝܠܵܗ ܕܫܵܩܠܝ̣ ܠܛܘܼܥܵܡܵܐ ܟܲܕ
ܐܘܼܪܚܵܬܹ̈ܐ ܐ݇ܚܪܹܢܹܐ ܠܡܲܟܠܲܝܬܵܐ ܕܦ̮ܠܘܼ ܐܝ̣ܢܵܐ:
ܟܠܝ̣ܡܘܿܢ ܒܪܸܚܩܵܝܘܼܬܵܐ ܡ̣ܢ ܫܲܒ̣ܪܹ̈ܐ, ܡܲܕܪܫܝܵܬܹ̈ܐ,ܫܵܘܦܵܐ ܕܦܘ̣ܠܚܵܢܵܐ ܝܲܢ ܫܵܘܦܹ̈ܐ ܐ݇ܚܪܹܢܐ ܕܡܘܿܡܟܵܢ ܝܠܵܗ ܕܦܲܪܤܝ̣ ܠܬܦܲܝܬܵܐܗܲܠ ܐܝ̣ܡܢ ܒܤܝ̣ܡܹܐܝܬܘܿܢ
ܡܟܵܤܲܝܬܵܐ ܕܦܵܬܵܐ ܐܝ̣ܡܢ ܒܸܫܥܵܠܵܐ ܝܬܘܿܢ ܝܲܢ ܒܸܬܦܵܬܵܐܝܬܘܿܢ,ܥܝܵܕܵܐܝ̣ܬ ܬܲܡܹܙܘܼܢ ܠܐܝ̣ܕܵܬܵܘܟܼܘܿܢ
· The information provided in the article is generic in nature and based on the current health advice from the Australian Department of Health and other health authorities. Please consult your GP for specific information.