Ilang kabahayan sa Sydney, ni-raid ng counter-terror police matapos ang stabbing attack sa simbahan

Naghahain ng mga search warrant ang mga opisyal ng NSW Joint Counter Terrorism Team kaugnay sa pananaksak ng isang obispo sa Wakeley.

The counter-terrorism squad is made up of state and federal police, as well as officials from ASIO and the NSW Crime Commission. Source: Supplied / Australian Federal Police

Ni-raid ng counter-terrorism police ang ilang kabahayan sa nakalipas na araw matapos ang pananaksak sa isang obispo habang nagbibigay ng sermon sa isang simbahan habang naka-live stream.

Isang serye ng paghahain ng mga search warrant ang isinagawa ng NSW Police sa lungsod noong nakaraang Miyerkules bilang bahagi ng imbestigasyon ng Joint Counter Terrorism Team.

"There is no current threat to public safety and no connection to Anzac Day commemorations," ayon sa pahayag ng pulisya.

Dagdag pa na mas maraming impormasyon ang ibabahagi sa mga susunod na pagkakataon.

Binubuo ang counter-terrorism squad ng mga state at federal police, gayundin ang mga opisyal mula ASIO at NSW Crime Commission.

Ito ay kasunod ng paglatag ng kasong terorismo laban sa 16-anyos na lalaki sa pag-atake nito sa Christ the Good Shepherd Church sa Wakeley noong gabi ng ika-15 ng Abril.

Ayon sa mga imbestigador, relihiyon ang motibo ng pananaksak kung saan sugatan ang Assyrian bishop na si Mar Mari Emmanuel at ang pari na si Isaac Royel bago mahuli ang umatake.

Ilang katao ang inaresto at kinasuhan dahil sa naging riot sa labas ng simabahan matapos ang insidente ng pananaksak.