Cozah Nih Thlennak An Tuah Mi Pawl Cu July Nikhat In Nunter An Si Cang Lai

Ni hlawh kaihnak, pensen kum thlennak, Superannuation kong thlennak le hngakchia zohkhennak kong thlennak hna cu July 1 in nunter dih an si cang lai.

A number of cost-of-living relief measures will come into effect on 1 July. Source: SBS / Karin Zhou-Zheng

Kum dongh lei kan phanh, kum thar a hun I thok than deng cang tik ah zei bantuk thlennak dah um hnga ti ruah lo awk a tha lo. Cozah nih thlennak an tuah ding mi pawl a tanglei ah ka rak langhter lai.

Superannuation

Rian ngeitu nih riantuan tu rian tuannak in a dinh te tik caah a khon piak mi superannuation caah tangka a chiah piak mi cu zatuak 10.5% in zatuak 11% ah chap a si cang lai.

Ni Hlawh Kaihnak

Rian tuantu ni hlawh kaih a si lai. An ni hlawh cu zatuak 5.75% kaih a si lai.

Minung pakhat nih nazi pakhat ah $23.23 nak tam a hmuh hrim hrim lai tinak a si, zarhkhat ah $882.80.

Tar zohkhenhnak a tuah mi cheukhat cu an ni hlawh zatuak 15% an kaih hna lai.

Pensen Kum

Pensen kum cu kum 67 ah an kaih. Pensen bawmhnak an sok khawh nak ding caah kum 67 le thla ruk an tlin a hau cang lai.

Kum khua upa a si cang mi nih an I tlaih mi Seniors Healthcare Card hmuh khawhnak kum zong kaih chih ve a si.

Hngakchiak zohkhennak

Kum khat chungah chungkhar nih phaisa an hmuh mi $80,000 nak tlawm a si ah cun hngakchia zohkhennak ah an chiah mi man chungin zatuak 90% tluk cozah nih a liam piak hna lai.

Rian a cawngmi hna bawmhnak

Victoria ramkulh chungah rian a cawng lio mi hna kha an mawtaw registration man pek a hau ti lai lo. Registration man $865 cu Victoria cozah nih a liam piak dih hna lai.

- With AAP.