Phunghrampi remh ding, ram ngeitu miphun hna caah phunghram remh ding in an chuahpi mi cu Australia ram mi tam deuh nih an cohlang lo.
Kan hnu zarh cawn niruk ni ah khan phunghram remhnak ding Referendum thimfung thlaknak cu tlamtling tein a lim cang.
Asinain, phunghram remh dingin an chuahpi mi cu ramkulh kip le Northern Territory ah ‘No’ thimfung thlak mi nih teinak an hmuh caah remh lo a si lai.
ACT ramthen lawnglawng ah ‘Yes’ thimfung thlak mi nih teinak a hmuh.
Thimfung an thlakmi a phichuak a theih dih hnu ah, thimfung thlaknak hmunhma pawl an zoh than i an hmuh khawh mi cu hihi a si.
Thimfung an thlaknak an hlathlai than tikah ram ngeitu miphun tam deuh nih phunghram remh ding in an chuahpi mi kha an rak cohlan.
Queensland
Queensland ramkulh chung, Kennedy pengkulh ah ram ngeitu miphun zatuak 16% tluk khua an sa.
Kennedy Pengkulh khua mi chungin zatuak 19% lawng nih yes thimfung an thlak.
Asinain, YES thimfung an thlak mi zoh tikah a tam deuh cu ram ngeitu miphun an si.
Mornington Tikulh hi ram ngeitu miphun an tam ngaingai nak a si. An milu relnak zoh tikah zatuak 80% tluk hi ram ngeitu miphun an si i zatuak 78% nih yes thimfung an thlak. Queensland ramkulh chungah Yes thimfung a tam biknak hmun zong a si.
Yarrabah ah ram ngeitu miphun zatuak 96% tluk khua an sa, cun zatuak 76% tluk nih Yes thimfung an thlak.
Domadgee khua hi khua kiang ngaingai ah a um mi a si, ram ngeitu miphun zong an tam ngaingai ve. Zatuak 66.09 tluk nih yes thimfung an thlak ve.
Similarly, in the Division of Leichardt, 65.3 per cent of residents in the electorate voted no, but communities with high Indigenous populations swung to yes.
Pengkulh dang tete zongah ram ngeitu an tam nak hmun ah cun yes thimfung thlak mi hi a tam deuh theo.
Leichardt le Hope vale pengkulh hna zongah Yes thimfung thlak mi nih teinak a hmuh.
Cun, an I tluk ngaingai nak hmun zong an rak um ve. Coen pengkulh le Kowancyama hna cu an I tluk ngaingai. Thimfung rel tikah zatuak 1 silole 2 hleiin a I hla lo.
Western Australia
Western Australia ah No thimfung an thlak mi hi zatuak 63.5% a si.
Durack pengkulh hi No thimfung a thla mi an tam bik nak hmun a si, thimfung a thlak kho mi chungin zatuak 72.2 nih No an thlak.
Durack pengkulh chung I ram ngeitu miphun an tam deuh nak khua cheukhat hna zoh tikah an mah le milu zat ning in cun mi tam deuh nih yes an rak tanh deuh timi kan hmuh khawh.
Fitzroy crossing ah ram ngeitu miphun hi zatuak 80% tluk an um, I zatuak 60.1% nih yes thimfung an thlak.
Hall Creek ah ram ngeitu miphun hi zatuak 70 tluk an si, zatuak 52.2% tluk nih yes an thlak cun Wyndam ah zatuak 60% tluk an um I cuchungah zatuak 60% nih yes an tlak ve.
Halls Creek in the Kimberley had strong support for the Voice to Parliament. Source: AAP / Richard Wainwright/AAP Image
Northern Territory
Northern Territory thimfung rel tikah zatuak 60.5% nih no an thlak ve. Rampi milu dihlak thimfung ah rel chih a si.
Lingiari hi ram ngeitu miphun an tam ngaingai nak hmun pakhat a si ve, ram ngeitu miphun an milu hi zatuak 40% tluk an si.
Lingiari ah thimfung an tlak mi zoh tikah No thimfung hi 55.7% a si, cun Yes thimfung hi 44.3% a si.
Purple statistics show support for a yes vote in remote polling booths in remote communities in the Northern Territory. Credit: Anthony Green
Ram ngeitu miphun tam deuh nih cun phunghram remh dingah an hnatla ko nain, an miphun an tlawm deuh caah thimfung an ngeih mi nih an duhnak a tlinter kho lo timi a lang.
