Australia mipi nih chunmang an manh mi tampi lakah a tel ve mi pakhat cu inn cawknak ding a herhmi di-paw-zit i khon khawh hi a si. Di-paw-zit caah tangka I khon bel ruahing bantuk in a rak fawi lo.
Domain nih ram pumpi huap in innkhatnak a caw mi hna min cazin an lak mi kha mipi nih hmu kho cio dingin ripawt an chuah. Cu ripawt an chuah mi chungah cun inn hmun tling cawknak ding caah zei can dah a rauh cun, inn hmun cheu cawknak ding caah zei can dah a rauh timi kha cuaithlai ttinak an tuahmi an langhter.
Hlathlainak an tuah mi nih a langhterning ah cun ramkulh cheukhat cu inn man a ning cang ngaingai nain ramkulh cheukhat cu a mah ning kelte a si rih.
Hmunkhat ah khua a sa tti cangmi, silole aa tthi-um cangmi nupa chungin kum 25- 34 kar nih inn cawknak ding di-paw-zit khon nak ding caah zei can dah an rauh hnga?
Tangka khon caan an rauhning kha a buaktlak in kan rak langhter.
A tlangpi in tangka an khon caan hi kum nga velchum hrawng a si tinak a si. Cu nih langhter mi cu 2019 lio hrawnghrang in khan tangka khon hram I thok a rak hau tinak a si.
Melbourne le Sydney khua kiang, khua te lei ah inn cawk ding bel a si khan cun 2020, a voihnihnak COVID-19 phihkharnak lio hrawng khan khon hram rak I thok a rak hau tinak.
Cozah nih inn cawk a duh mi hna caah bawmhnak a tawlrelmi a um. Inn cawknak ding caah zatuak 2% di-paw-zit ngeih ah cun inn cawk khawh dingin bawmhnak a pek lio a si.
Melbourne nak in Sydney khua chungah inn cawk a har deuh, Sydney ah cawk a duh mi belte caah cun a tlangpi in kum 8 le thla hra tluk an rau hnga.
Inn cawknak ding ca tangka khon a rauh caan:
Tangka karh a san lio caan hi inn cawknak ding tangka i khonnak ding caah caan tha a si. Khon mi tangka kha tangka karh nih a karhpi chih lai.
Brisbane le Hobart i inn cawknak ding caah tangka khon caan cu kum khat tluk in Adelaide inn cawknak ding tangka khon caan he a tlau.
Inn cawk ding kawl tikah a hmun le hma a biapi ngaingai
Inn cawk na duh a si ahcun inn man a niam nak hmun le hma kha tha tein na hlethlai a hau. Dipawzit caah tangka khon caan zong a tawi deuh lai.
Domain nih ramkulh kipah inn man a den biknak hmun cio kha ripawt chungah a langhter. Domain website ah kal law na umnak ramkulh chungah inn man a den biknak kha na kawl khawh lai.
Melbourne ah inn man a den biknak cu Melton, Bacchus Marsh, Sunbury, Tullamarine le Broadmeadow lei an si.
Khoika hmun na va um zongah dipawzit a zatnak in na khon khawh poah ahcun inn cawk cu fawi ngaingai cang.
Australia mipi nih inn leiba zeizat dah an cham?
Australia ramchung na um poah cun khoika khua na um zongah inn man peknak ding lungretheinak nih an zulh peng ko lai.
Lungreitheinak kha hrial na duh ahcun, khuate silole inn hmun cheu (unit) na cawk a hau.
Tukum donghlei ah tangka karh a tum deuh cang lai ti zumh a si, inn khatnak cawk a duh mi hna caah ruahchannak a um deuh cang tiah an chim.
