Australia txwv tsis pub siv TikTok app rau tsoom fwv txhua cov devices

Mark Dreyfus uas yog Australia tus kws lij choj teb chaws tau tso cai rau ib cov kev taw qhia los txwv tsis pub siv Suav lub TikTok app rau txhua cov devices uas siv ntawm tsoom fwv teb chaws tej tuam chav hauj lwm.

The US, Canada and others have banned government employees from having TikTok on work devices. Source: AAP / Kiichiro Sato

Ntsiab lus tseem ceeb:

Australia koom nrog ntau cov teb chaws ntau zujzus tuaj los txwv tsis pub siv lub TikTok app ntawm tsoom fwv tej devices.
Lub hom phiaj yog los tswj kom tsis txhob muaj teeb meem tsis tau txais kev ruaj ntseg los ntawm cov kev siv lub app no.
Ces thiaj yuav siv Australia tus kws lij choj tej lus txib no kom sai npaum li qhov sai tau.

Lub social media app TikTok raug txwv tsis pub siv ntawm tsoom fwv tej xov tooj vim txhawj tsam tsis tau txais kev ruaj ntseg.

Mark Dreyfus uas yog Australia tus kws lij choj teb chaws tau qhia meej txog cov kev txwv tsis pub siv TikTok rau ib co ncauj lug rau hnub zwj Quag (Tuesday tim 04.03.2024).

Hnub no ces kuv tau tsao cai rau tus tswj lub tuam chav Attorney General Department tawm ib co cai raws li cov hauj lwm pov puag thiab tswj kev ruaj ntseg los txwv tsis pub siv TikTok app rau hauv ntau cov devices uas tsoom fwv tej tuam chav los yog tej koom haum siv. Ces thiaj yuav siv cov kev txwv no sai npaum li sai tau. Tsuas tso cai thiab sam rau qee tus siv xwb yog tias muaj cov kev tswj kev ruaj ntseg raws li qhov tsim nyog lawm.
Attorney General Mark Dreyfus.

'Yog tej yam txaus tu siab heev'

Lee Hunter uas yog tus coj lub tuam txhab TikTok ntawm Australia thiab New Zealand tau hais tias, nws lub tuam txhab no ''tu siab heev'' txog cov kev txiav txim siab no.

[Cov kev txiav txim siab no] ces tsuas yog ib co laj fai kum xeeb xwb, tsis txheeb txog qhov tseeb. Peb kuj tu siab thiab tias lub TikTok app, thiab ntau millions tus neeg Australia uas siv lub app no tsuas paub txog cov kev txiav txim siab no hauv tej chaw nthuav xov xwm xwb thiab, txawm tias peb yej tau hais tas los rov qab hais dua ntxiv tias peb yeej tuaj yeem koom tes nrog tsoom fwv los nrog xyuas tsab cai no. Thiab peb xav qhia tias yeej tsis muaj pov thawj tim khawv dab tsi yuav qhia tau tias TikTok yuav ua rau muaj teeb meem phom sij tsis tau txais kev ruaj ntseg dab tsi rau neeg Australia thiab tsim nyog hwm lub app no tib yam li lwm cov social media platforms thiab.
Statement of Lee Hunter, General Manager of TikTok Australia and New Zealand.

TikTok chief faces hostile US Congress over China ties, teen mental health concerns

Suav tuam tshoj cov kev 'tsis txaus siab'

Suav tau tsis pom zoo nrog cov kev txwv no, thiab tau qhia tias nws tau mus ''yws tsis pom zoo'' nrog Canberra txog tej hauj lwm no, thiab nqua hu kom Australia ''nrog xyuas kom Suav tej tuam txhab tau txais kev ncaj ncees, kev dawb huv, thiab tsis raug cai rau cov kev ua lagluam.''

Mao Ning uas yog tus kis ntawm Suav lub tuam chav lis laj fai pej kum tau hais tias "Suav xav tias tsis tsim nyog muaj tej kev ruaj ntseg txog tej xov xwm no coj los siv ua ib co twj los hais tshaj qhov muaj tseeg txog haiv neeg no txoj kev ruaj ntseg, thiab siv lub teb chaws no lub fwj chim rau kis yuam kev los yog txhob txwm tsub nias tej tuam txhab lagluam ntawm lwm cov teb chaws yam tsis muaj laij thawj tsim nyog xwb.''

Cov kev txhawj xeeb txog kev ruaj ntseg

Kuj muaj cov kev txhawj xeeb tias tsam TikTok yuav khaws tej neeg tej xov xwm thiab tsoom fwv Suav tuam tshoj yuav siv nws tej cai los siv tau tej xov xwm no thiab yuav kom tej tuam txhab muab tej xov xwm ntawm tej neeg siv lub app no rau nws.

Daniel Andrews uas yog Victoria tus hau xeev dhau los los yeej muaj tej neeg coob tshaj 100,000 caum nws qab hauv nws phau TikTok account thiab, los yeej tau qhia meej thaum ntxov lawm tias tej zaum nws yuav muab nws phau account lwv pov tseg, tab sis kuj tseem tsis tau muaj lus taw qhia dab tsi ntawm tsoom fwv teb chaws txog cov kev ruaj ntseg haiv li cas.

Nws kuj tau qhia rau tej neeg nthuav xov xwm tias nws tus tsoom fwv yeej yuav ua raws li tsoom fwv teb chaws ua rau tej hauj lwm tswj kev ruaj ntseg haiv thiab.

TikTok audit reveals 25 Australian federal government agencies have banned Chinese-owned app

Kuj tau muaj ib tug kws cyber security kuj tau hais tias tsim nyog zej tsoom yuav tau ua tib zoo rov qab los txheeb txog cov kev siv lub app no thiab.

Kuv kuj xav paub thiab tias seb puas tsim nyog kub siab nrog xyuas tej xwm txheej no kom nthuav dav tshaj no ntxiv. Tej no yeej tsis cuam tshuam nrog tej khoom uas Suav tsim dab tsi li sawv daws ib txwm xav, tab sis yog cov kev cav tias seb puas yog Suav tuaj tshoj tswj. Ces yeej muaj qov sib txawv ntawm tej kev siv tej twj electronics uas tsim ntawm teb chaws Suav thiab tej electronic devices uas Beijing tej cai tswj ntawd.
CyberCX chief strategy officer Alastair MacGibbon told ABC Radio National.

Australia just banned TikTok on government devices. Is it really worse than Google or Insta?

Thiaj ua rau James Paterson uas yog tus nom ntawm lwm pab nom teb chaws uas tswj cov hauj lwm kev ruaj ntseg tau hais tias Australia los yeej txhawb nqa lwm lub teb chaws li America, Askiv, New Zealand thiab Canada uas yeej tau txwv tsis pub siv lub app no ntawm tsoom fwv tej twj electronic devices lawm thiab.

Nws tau hais tias tej zaum TikTok kuj yuav muaj peev xwm nyiag soj xwm, yog li thiaj tsim nyog nrog xyuas kom pov puag tau zej tsoom kom nthuav dav tshaj no, thiab tsim nyog tej no yuav yog ib kauj ruam tom ntej uas tsoom hwv ua.

Vim peb yeej tseem tsis tau los nrog txheeb xyuas ntau yam tsis hais yuav yog cov kev phom sij uas yuav muaj rau tej neeg Australia ntau million tus tej xov xwm ntiag tug los yog lawv kev ruaj ntseg los yog pej kum haiv cov kev raus tes uas yuav muaj rau tej neeg siv lub platforms no yav tag los li. Thiab yuav t sum tau los nrog xyuas. Thiab yuav tau xub pib txheeb tsoom fwv tej devices ua ntej.
James Petterson, Opposition spokesman on Security.

'Tsua yog tej xwm txheej ua kom zej tsoom kub siab xwb'

Tab sis David Shoebridge uas yog ib tug nom kis xeev siab ntawm pab nom Greens tau hais tias tsoom fwv lub tswv yim siv tsis tau hauj lwm thiab tsis daws tej teeb meem cuam tshuam txog cov kev ruaj ntseg rau tej xov xwm.

Tej teeb meem cuam tshuam txog kev ruaj ntseg rau tej xov xwm ntawm TikTok ces yeej muaj teeb meem tib yam rau lwm cov social media platform thiab - qhov sib txawv ces tsuas yog tias peb tus tsoom fwv tsis muaj cov kev tawm tsam nrog tej tsoom fwv uas pheej tswj tej platforms ntawd kom ntshai xwb. Cov kev txwv tsis pub siv TikTok ntawm tsoom fwv tej xov tooj ces tsuas yog tej yam ua kom tej tsoom kub siab txog qhov tseeb tias txhua lub tuam txhab yeej coj tej xov xwm nws tau coj mus siv kom tau txais txiaj ntsim rau nws tus kheej xwb - tsis hais yuav yog tej social media platforms, tej health apps los yog tej games uas tej me nyuam yaus ua siv ua si ntawd li.
Senator David Shoebridge from the Greens Party.