Tshuav sij hawm li ob limtiam lawm xwb, ces yeej yuav muaj tej neeg Australia coob heev mus tawm suab ntawm tej chaw tawm suab thoob teb chaws seb puas pom zoo muaj suab sawv cev rau neeg txum tim hauv tsev tsoom fwv.
ces tej neeg Australia thiaj yuav raug nug kom tawm suab Yes los yog No rau ib lo lus nug tias: Tsab cai uas xav thov kho: yog kho Australia tej txhooj cai tswj haiv los lees paub Australia tej neeg txum tim li los teeb tsa pawg neeg ua suab sawv cev rau cov neeg txum tim Aboriginal and Torres Strait Islander. Es koj puas pom zoo rau cov kev thov hloov kho no?
Tab sis tsis yog txhua tus yuav muaj peev xwm mus tawm suab rau hnub tawm suab, ces sai sai no Australia lub koom haum tswj dej num xaiv tsa Australian Electoral Commission's (AEC) thiaj yuav npaj tej chaw tawm suab no rau tej neeg uas tsis muaj peev xwm mus tawm suab rau hnub tawm suab xub mus tawm suab ua ntej.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
Nod yog tej uas tsim nyog koj paub txog.
Kuv muaj peev xwm mus tawm suab ntxov rau cov Voice to Parliament referendum thaum twg thiab qhov twg?
Yeej muaj tej chaw tawm suab ntxov qhib ntawm tej xeev Victoria, Western Australia, Northern Territory, thiab Tasmania rau hnub zwj Hli (Monday) tim 2 lub 10 hli ntuj xyoo 2023 rau tej neeg mus tawm suab thaum ntxov.
Hos ntawm tej xeev li NSW, Queensland, South Australia thiab ACT ces, lawv yuav qhib rau hnub zwj Quag (Tuesday) tim 3 lub 10 hli ntuj xyoo 2023. Tos ho sib txawv ib hnub los vim tseem yog hnub public holiday rau hnub zwj Hli (Monday) ntawm ib co xeev, ces thiaj tsis muaj peev xwm yuav qhib tej chaw tawm suab siv rau hnub ntawd.
Koj muaj peev xwm txheeb tau tej chaw los yog txheeb tau cov hnub qhib thiab sij hawm tawm suab
Leej twg muaj peev xwm mus tawm suab ntxov?
Tej neeg uas tsis muaj peev xwm mus tawm suab rau hnub tawm suab kho txooj cai tswj haiv - tim 14 lub 10 hli ntuj xyoo 2023 yog cov muaj cai mus tawm suab ntxov ua ntej rau ntawm tej chaw tawm suab pib txij sij hawm 8 am - 6 pm.
Thiab yog tias koj ho tsis muaj peev xwm mus tawm suab ntxov los yog mus tawm suab rau hnub tawm suab ntawd thiab,
ces koj muaj peev xwm siv cov uas yeej qhib rau koj siv txog ntua sij hawm 6pm tim 11 lub 10 hli ntuj 2023 no.
AEC hais tias nyob rau hnub tawm suab kho txhooj cai tswj haiv ntawd ces, yog tias koj:
- Nyob rau sab nraum ib lub rooj nom twg uas koj teev npe yuav xaiv nom
- Nyob nrug ntawm lub chaw xaiv nom/chaw tawm suab ntawd nrug deb tshaj 8 kilometres
- Tseem tab tom mus ntoj ncig lawm
- Tseem yuav ua hauj lwm ntawm chaw ua hauj lwm thiab tsis muaj peev xwm mus tawm suab rau hnub tawm suab
- Mob sab heev, koj cev tsis muaj zog los yog tswj tsis tau koj cov kev xav los yog nyuam qhuav yug me nyuam tsis ntev (los yog yuav tau tu thiab saib xyuas ib tug twg)
- Yog ib tug neeg mob tseem pw ntawm tsev kho mob thiab tsis muaj peev xwm tawm suab ntawm tsev kho mob
- Tsis muaj peev xwm mus rau ntawm tej chaw tawm suab vim yuav tau koom cov kev ntseeg los yog kev teev hawm
- Tseem raug txim rau lub caij tsawg tshaj 3 xyoos los yog tseem raug nom tswv ceev tseg
- Koj los yog koj tsev neeg yuav tsis tau txais kev nyab xeeb yog tseem tshwm ntsej muag ntawm tej chaw tawm suab
Los sis yog ho muaj laj thawj zoo txaus uas ua rau koj txhawj xeeb tias tsam tsis tau txais kev nyab xeeb los yog tsis tau txais kev noj qab nyob zoo ces koj muaj peev xwm mus tawm suab ntxov los yog siv tej ntaub ntawv tawm suab xa rau hauv post office tau.
Yog tias kuv yog ib tug neeg Australia nyob txawv teb chaws ne?
Yog li ntawd ces koj yuav tau mus tawm suab rau ntawm Australia tej nom tswv txawv teb chaws ntawm lub teb chaws koj nyob ntawd li Australia tej embassies los yog high commission.
Thiab yog tias koj ho tsis muaj peev xwm mus tau rau tej chaw no, los koj yeej muaj peev xwm siv tau cov postal vote thiab.
Uas koj muaj peev xwm xa cov postal vote no rau Australia tej embassy los sis tej high commission uas txais tej ntawv no los yog xa international mail los tau. AEC hais tias yuav tsum xa tej ntawv tawm suab no tsis pub qeeb tshaj 13 hnub tom qab hnub tawm suab lawm kom thiaj raug suav nrog cov kev tawm suab no; yog li thiaj xav kom koj sau kom tiav thiab muab xa rov qab kom sai npaum li sai tau.
Thiab koj muaj peev xwm txheeb tau tias tej embassies thiab tej high commissions
Puas yog kuv yuav tsum tau mus tawm suab rau cov kev tawm suab kho txhooj cai tswj haiv seb puas pom zoo teeb tsa pawg neeg ua suab rau neeg txum tim hauv tsev tsoom fwv?
Cov kev tawm suab no yog tej yam koj yuav tsum tau mus tawm suab; yog tias koj yog ib tug pej xeem Australia hnoob nyoog 18 xyoo los yog siab tshaj ntawd thiab yeej teev zwm npe xaiv nom, ces koj yuav tsum mus tawm suab.
Yog tias koj tsis mus tawm suab, ces koj yuav tau txais ib daim ntawv ceeb toom hu ua "non-voter notice" ntawm lub koom haum AEC uas yuav kom koj tshab txhais tias vim li cas koj thiaj tsis mus tawm suab.
Yog AEC txiav txim siab tias koj tej lus tsis muaj qab hau txaus, ces koj yuav tau txais ib daig ntawv raug nplua nyiaj $20.
Kuv puas muaj peev xwm teev zwm npe kom thiaj muaj cai tawm suab?
Tsis muaj cai - vim rau qhov lub sij hawm teev zwm npe thiab qhia koj tej xov xwm tshiab twg tag sij hawm rau hnub tim 18.09.2023 lawm.
Txawm li cas los los tej zaum koj twb yeej muaj npe teev zwm rau ib co kev xaiv tsa nom tswv teb chaws dhau los lawm thiab.
Txheeb tau tej xov xwm txog 2023 Indigenous Voice to Parliament referendum tau thoob plaws ntawm SBS Network, suav First Nations tej lus tawm tswv yim ntawm NITV nrog kom koj thiaj totaub ntxaws thiab pab koj txiav txim siab.
Txheeb tau kom koj thiaj nyeem tau cov zaj xov xwm, saib tau tej videos thiab mloog tau tej xov xwm kaw ua suab (podcasts) ua cov hom lus thiab ntawv ntau tshaj 60 hom, los yog mus saib thiab nyeem tau tej xov xwm tshiab tshiab thiab tej kev tshuaj ntsuam, los yog tej documentaries nrog rau tej kev lom zem ntau yam dawb ntawm
