Ntsiab lus tseem ceeb:
- Raws li Henley Passport Index hais ces Japan yog lub teb chaws zeeg ib uas nws tej pej xeem muaj peev xwm mus ncig tau193 lub teb chaws yam tsis tas thov visa siv li.
- Australia tau zum 8, thiab nws tej pej xeem muaj peev xwm mus ncig tau 185 lub teb chaws yam tsis tas thov visa siv.
- Tsuas muaj 42 lub teb chaws uas tej neeg Australia uas muaj Australia tej passport siv thiaj yuav tau thov visa siv ua ntej yuav mus tau rau tej teb chaws no xwb.
Koj puas xav paub tias haiv neeg twg tej passport thiaj yog cov passport uas muaj fwj chim tshaj plaws?
Yog tham txog Australia ces kuj yog lub teb chaws tau zum yim (98) raws li tej xov xwm tshiab tau los ntawm , thiab Japan yog lub teb chaws tau zum zoo tshaj plaws ua tsib (5) lub xyoos sib law liag lawm, uas nws tej pej xeem yeej muaj peev xwm mus ntoj ncig tau ntawm 193 lub teb chaws yas tsis tas thov visa siv li.
Henley & Partners yog lub tuam txab sab laj tawm tswv yim txog cov kev nqes peev rau cov kev tsiv teb tsaws chaw ntawm London yog tus teeb txheeb tau tej xov xwm tshiab no, thiab siv tej xov xwm tau los ntawm lub koom haum International Air Transport Authority (IATA) coj los piv rau 199 lub teb chaws uas tsis tas thov visa siv ntawm 227 lub teb chaws tej passports.
Xyoo 2023, Singapore thiab thiab South Korea tej passports ces yog cov muaj fwj chim tshaj plaws ua zum ob (2) hauv ntiaj teb no, hos Germany thiab Spain ces yog ob lub teb chaws uas tau zum 3 tib yam.
Japan topped the latest Henley Passport Index. Source: SBS
The Henley Passport Index ranks the Afghan passport as the least powerful. Source: SBS
Tej teb chaws uas neeg Australia muaj peev xwm ntoj ncig tau yam tsis tas thov visa siv
Muaj 185 lub teb chaws uas muaj peev xwm mus ncig tau yam tsis tas thov visa siv li, los sis yog cov teb chaws uas lawv muaj peev xwm thov tau ib daim visa siv, thov tau ib daim ntawv mus xyuas txheeb ze, los yog thov tau ib daib ntawv ntoj ncig electronic siv electronic travel authority (ETA) lub caij lawv lawv mus txog ntawm lub teb chaws ntawd raws li Henley Passport Index tau qhia.
Yeej muaj 49 lub teb chaws ntawm Europe txij li Portugal mus txog Poland thiab United Kingdom (Aaskiv -UK) thiab lub teb chaws Ukraine uas tseem muaj tsov rog ntawd los yeej tso cai rau neeg Australia mus ncig tau lub teb chaws no yam tsis tas thov visa siv li.
Thiab kuj yeej tseem muaj tej teb chaws ntau tshaj 10 tawm lub ntawm cheeb tsam Oceania (plawv thiab sab teb ntawm hiav txwv Pacific) uas muaj tej teb chaws li New Zealand, Fiji, French Polynesia thiab cov teb chaws ntau lub tib yam ntawm cheeb tsam Carribean li Barbedos, Cayman Islands thiab Jamaica los kuj yog cov teb chaws uas neeg Australia mus ncig tau yam tsis tas thov visa siv thiab.
Ntxiv ntawd los yeej muaj 19 lub teb chaws ntawm cov teb chaws Americas li Argentina, Brazil, and Mexico, thiab 12 lub teb chaws ntawm nriam av Africa li teb chaws Botswana, Morocco, thiab Tunisia ces yeej pub neeg Australia mus ncig tau yam tsis tas thov visa siv li thiab.
Tsis as li no los neeg Australia yeej muaj peev xwm mus ncig tau 10 lub teb chaws ntawm cheeb tsam Asia yam tsis tas thov visa siv li Hong Kong, Malaysia thiab Philippines, thiab 6 lub teb chaws ntawm cheeb tsam Middle East uas muaj Israel thiab Qatar nrog tib si thiab.
Hos cov teb chaws li Cambodia, Egypt, Lebanon, Paraguay, thiab Samoa ces yog cov teb chaws ntau tshaj 40 lub hauv ntiaj teb uas thaum neeg Australia mus txog rau tej teb chaws no lawm
ces lawv muaj peev xwm thov tau ib daim visa los yog ib daim ntawv mus xyuas tau lawv tej txheeb ze, thiab neeg Australia kuj muaj peev xwm thov tau cov ETAs siv thaum lawv mus rau cov teb chas li United States (America -USA), Canada, Pakistan thiab Sri Lanka thiab.
Tej teb chaws uas neeg Australia yuav tau thov visa siv
Muaj 42 lub teb chaws uas tej neeg Australia uas muaj passport Australia siv los yog thov ntawv tso cai ua ntej ntawd tus tsoom fwv lub teb chaws ntawd kom thov tau ib daim visa siv thaum yus mus txog. Thiab muaj tej teb chaws no ntau tshaj ib nrab yog cov teb chaws Africa uas muaj cov teb chaws Ghana, Kenya thiab South Sundan nrog.
2 lub teb chaws li Cuba ntawm cheeb tsam Caribbean thiab Nauru ntawm cheeb tsam Oceania thiaj yog 2 lub teb chaws uas Australia tej neeg ntoj ncig yuav tau thov visa siv - hos ntawm cheeb tsam Asia ces muaj 10 teb chaws uas yuav tau thov visa siv suav cov teb chaws li Afghanistan, Suav tuam tshoj thiab North Korea (Kaus Lim qaum teb) nrog thiab.
Tej neeg Australia uas npaj yuav mus ncig ntawm cov teb chaws li Azerbaijan, Russia, los yog Turkey ntawd yuav tsum tau thov visa siv, tib yam li tej yuav mus ncig rau teb chaws Syria los yog Yemen ntawm cheeb tsam Middle East los yog cov teb chaws Chile thiab Suriname ntawm cov teb chaws Americas thiab.
Cov teb chaws uas neeg Australia nyiam mus ncig tshaj plaws
Indonesia yog lub teb chaws uas neeg Australia nyiam mus ncig tshaj plaws raws li tej xov xwm tshiab tau los ntawm lub koom haum Australian Bureau of Statistics (ABS) tau qhia.
New Zealand thiab United States (America - USA) yog lub teb chaws zum ob thiab zum peb uas neeg Australia nyiam mus ncig tshaj plaws, tsis tas li ntawd los UK (Aaskiv), Singapore, India, Fiji, Thailand (Thaib teb), Italy thiab Cob Tsib (Vietnam) los kuj yog cov teb chaws ntawm 10 lub uas neeg Australia nyiam mus ncig tshaj plaws thiab.
India thiab Cob Tsib (Vietnam) thiab yog 2 haiv neeg uas teev tseg tias kom tej neeg Australia yuav tsum thov kom tau visa ruaj tso mam mus ntoj ncig tau rau lawv tej teb chaws.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm
,, , thiab los yog download thiab kom koj mloog tau SBS Hmong.
