Ntsiab lus tseem ceeb:
- Tsoom fwv yuav pib siv cov kev them nyiaj super rau tej nyiaj them rau tej niam txiv thaum yug me nyuam tshiab txij nrab xyoo 2025 no.
- Ua yuav them 12 feem pua ntxiv rau cov nyiaj super.
- Thiab tseem yuav muaj xov xwm ntau ntxiv tuaj qhia txog tej hauj lwm no rau cov nyiaj puag xyoo lub 5 hlis ntuj no.
Tej neeg uas tau tej nyiaj them los ntawm nom tswv rau lub caij so yug me nyuam tshiab yuav yog cov yuav tau nyiaj superannuation them ntxiv rau lawv raws li tsoom fwv ib tsab cai tshiab uas xav thov tsim los siv.
Ces thiaj yuav muaj tej cuab yig txog li 180,000 yim rau ib lub xyoos twg yuav tau cov nyiaj paid prental leave payments us yuav pib siv txij li tim 1 lub 7 hli ntuj xyoo 2025 uas yuav them nyiaj 12 feem pua ntxiv rau lawv tej nyiaj superannuation.
Tsoom fwv yeej tseem tsis tau qhia tias yuav siv nyiaj npaum li cas los pab cov hauj lwm no tab sis kuj tau qhia tias yeej yuav muaj xov xwm ntxaws qhia rau lub caij nws coj nws tej nyiaj puag xyoo los qhia rau lub tsib hlis ntuj no.
Tau muaj cov kev pauv hloov li cas rau cov parental tsis ntev los no lawm?
Kuj tau muaj kev pauv hloov rau tej parental leave no uas yuav muab ob co kev them nyiaj tam sim no los ua tib co uas tus niam los yog txiv muaj peev xwm koom siv so txog 20 limtiam kom siv tau cov kev so no nthuav dav thiab siv tau yooj yim tshaj qub ntxiv rau tej leej txi tshiab kom tau cov paid leave no. Tsis tas li ntawd los kuj yuav nce lub sij hawm so no mus ua 26 limtiam rau xyoo 2026 thiab.
Tsoom fwv yeej tau thov yuav them nyiaj superannuation ntxiv rau cov parental leave payment ua ntej cov kev xaiv tsa tsoom fwv teb chaws xyoo 2022, tab sis kuj tau tso tseg tsab cai no ntau hnub ua ntej yuav txog hnub xaiv tsa.
Tsoom fwv pawg neeg uas nrog xyuas kom poj niam muaj vaj huam sib luag rau cov kev khwv nyiaj (Women’s Economic Equality Taskforce) tau taw qhia kom them nyiaj super ntxiv rau cov nyiaj parental leave ua ntej yuav txog lub caij qhia nws cov nyiaj puag xyoo lub 5 hlis ntuj xyoo 2023, txawm li cas los tsoom fwv tau qhia tias lub caij ntawd nws tseem tsis tau muaj nyiaj.
Lub 10 hli ntuj ces pab nom Greens tus nom kis xeev siab Larissa Waters txhawb nqa kom them tej nyiaj no, vim nws pab nom xav kom pab tau tej poj niam ntawm Australia zoo dua vim lawv yog cov neeg so tsis ua hauj lwm uas tau nyiaj superannuation tsawg dua txiv neej.
Tej koom haum Unions yeej tau txhawb nqa los tau ntau xyoo kom hloov, tab sis kuj cav hais tias tsim nyog yuav them cov paid parental leave no tib yam li tej nyiaj ua hauj lwm.
Zej tsoom ho xav li cas rau tsab cai no?
Katy Gallagher uas yog tus nom lis dej num poj niam tau hais tias tsoom fwv cov nyiaj super uas them ntxiv rau cov paid parental leave no yog ib cov kev nqes peev tseem ceeb coj los pab daws tej poj niam cov kev tseem tau nyiaj super tsawg dua txiv neej.
Tsoom fwv Albanese uas yog tus tsoom fwv ntawm pab nom Labor ntawd yeej kub siab tiag txog cov kev ua tib zoo xyuas kom tej poj niam tau txais kev pab cuam thaum lawv yuav tau tu lwm tus thiab yuav tau ua hauj lwm. Thiab yeej muaj xov xwm qhia meej lawm tias — tej poj niam yeej tau thov so los yug thiab tu me nyuam ces thiaj ua rau lawv tsis tau nyiaj super txaus siv thaum lawv so tsis ua hauj lwm lawm tsawg dua tej txiv neej tej nyiaj super txog li 25 feem pua diam.Minister for Women Kathy Gallagher.
Amanda Rishworth uas yog tus nom lis laj fai pab cuam zej tsoom tau qhia tias cov kev them tej nyiaj no yog ib kauj ruam tseem ceeb xub kub siab txog ''poj niam cov kev tau txais vaj huam sib luag, pab kom saib tej hauj lwm tu lwm tus rau nqe zoo tshaj qub ntxiv thiab pab kom tej poj niam muaj feem koom ua hauj lwm zoo tuaj ntxiv.''
"Thiab pab kom tej neeg tsis txhab xav tias cov kev thov so tsis ua hauj lwm los tu saib xyuas lwm tus thiab cov kev siv Paid Parental Leave tsis yog ib cov welfare payment – tab sis yog ib co txiaj ntsim tsim nyog tau ntawm tej chaw ua hauj lwm li tej annual leave los yog sick leave.''
Yuav tau cov nyiaj paid parental leave no ntau npaum li cas?
Ob limtiam twg ces yeej tau cov nyiaj paid parental leave ntawm Australia $812.45, thiab yog tham txog tej nyiaj tsim nyog khwv tau yam tsawg (Minimum wage) ces, yeej tau txhawb nqa kom tej tswv lagluam pab them ntxiv.
Thiab yeej muaj tej tswv lagluam 6 tus ntawm 10 tus twg yeej them cov nyiaj paid maternity leave ntxiv rau tsoom fwv tej nyiaj no, tab sis kuj muaj cov kev sib txawv txav deb rau tej nyiaj them thiab cov kev yuav them ntev npaum li cas.
Australia yeej tseem poob qab lub koom haum Organisation for Economic Cooperation and Development (OECD), uas muaj 38 lub teb chaws uas lagluam zoo, uas yeej them cov leave no ntawm tus zauv nrab txog 61 weeks — uas tej leej niam thov so tau 53 weeks thiab tej txiv so tau 8 limtiam — raws li lub koom haum OECD no tej xov xwm Family Databse qhia.
Leej twg thiaj muaj cai siv cov paid parental leave?
Tsoom fwv yeej them nyiaj rau tej cuab yig uas ib xyoos twg khwv tau nyiaj tsawg dua $350,000 los yog tej neeg ntiag tug uas kwv tau nyiaj tsawg dua $169,000 ib lub xyoos twg.
Yog tias ib yig twg tab tom khwv tau nyiaj ntau dua $350,000 tab sis ib tug neeg ntawm tsev neeg ntawd khwv tau nyiaj tsawg dua $169,000 ces lawv yog cov muaj cai thov tau cov nyiaj no.
Thiab yog tias ib tug neeg ntiag tug twg ho khwv tau nyiaj ntau tshaj $169,000 los lawv yeej tseem muaj cai thov tau cov nyiaj no thiab yog tias lawv tsev neeg khwv tau nyiaj tsawg dua $350,000.
Thiab yuav tau siv cov paid parental leave no tom qab yug tau tus me nyuam ntawd los yog coj tus me nyuam saws los tu thiab ob tug niam txiv muaj peev xwm sib faib siv cov hnub so 100 hnub.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
