Ntsiab lus tseem ceeb:
- RBA xav nce kab theem paj kom thiaj tswj tau tus kab theem nyiaj poob nqe.
- Tus kab theem nyiaj poob nqe nyob rau theem 7 feem pua xwb, tab sis muaj qee yam lagluam mas tus nqe tseem nce kim tshaj ntawd lawm thiab.
- RBA cia siab tias txog xyoo 2025 tus kab theem nyiaj poob nqes no yuav nqe los nyob rau ntawm 3 feem pua.
Tus kab theem nyiaj poob nqe tseem nyob tus li qub - txawm tias tau siv ntau yam tswv yim lagluam los yuam kom nqes.
Lub sij hawm peb hlis los txog rau lub 3 hlis ntuj xyoo 2023 tej xov xwm uas tau coj los qhia limtiam dhau los ntawd ces tus kab theem paj xyoo tau nqes ntawm 7.8 los ua 7 feem pua lawm.
Treasurer Jim Chalmers tau hais tias "Txawm tias tus kab theem nyiaj poob nqes uas tau ua rau muaj teeb meem rau peb loj heev ntawd tau dhau mus lawm, los ntshe tseem yuav muaj tej nyiaj poob nqe no ntev tshaj qhov peb xav tau thiab."
Tus nom tswj nyiaj txiaj rau tsoom fwv teb chaws no thiaj tau hais tias yeej tseem muaj Australia tej lagluam ntau yam tseem ntsib tej teeb meem kab theem nyiaj poob nqe uas tseem nyob tus li qub no, txawm tias lub txhab nyiaj faj seeb haiv (Reserve Bank of Australia -RBA) tau nce kab theem paj 10 txij tsaib no los thiab tsuas cheem me ntsis rau lub 4 hlis ntuj dhau los no xwb.
Yog li RBA cov kev tau txiav txim siab nce kab theem paj ntawm 3.6 mus ua 3.85 feem pua rau hnub Tuesday dhau los thiaj raug xam tias yog ib lub cim qhia tias tseem yuav kub siab tiag tiag los tswj kom tus kab theem nyiaj poob nqe no nqes ntxiv mus nyob rau theem 2 thiab 3 feem pua.
Vim li cas tus kab theem nyiaj poob nqe no thiaj pheem tseem nyob tus li qub?
Raws li zeskais (Professor) Gigi Foster uas yog ib tug paub zoo txog lagluam ntawm tsev kawm qib siab New South Wales tau hais “Ces cov sticky inflation yog thaum uas tsim nyog tus kab theem nyiaj poob nqe no yuav nqes tab sis pheej tsis nqes, thiab yeej muaj ib co laj thawj qhia tias vim li cas, rau qhov tseem muaj ib co lagluam twg pheej tseem xav muag tej khoom nqe kim, li tej tuam txhab lab khoom muag ntawd."
“Tej laj thawj uas qhia tias vim li cas thiaj pheem tseem muaj tej nqe kim li no ces twb vim yog muaj ib txhia chaw xa khoom ntawd muaj fwj chim heev. Thiab tos ho muaj tej teeb meem no ntawm Australia los twb vim yog muaj peb tej lagluam ntau yam yeej yog cov muaj fwj chim heev, thiab yeej tseem tsis tau muaj peev xwm sib tw tau ywj pheej tiag."
Ms Foster tau siv tej txhab nyiaj coj los ua ib co piv txwv uas qhia txog cov kev muaj peev xwm sib tw lagluam tsawg, vim tej neeg Australia feem coob yeej siv Australia plaub (4) lub txhab nyiaj loj xwb.
Tej txhab nyiaj yeej muaj peev xwm tsub tej nqe kim txaus uas pab kom lawv khwv tau nyiaj tsam ib xyoos twg txog li ntawm 15 los yog 16 feem pua diam.
Ces tej no thiaj li ua rau lawv tej nqe siv lawv tej txhab nyiaj kim tuaj ntxiv, txawm li cas los thaum kawg ces kuj pib rov qab pheej yig zog lawm thiab.
Nws tau hais tias tab sis thaum tej nqe pheej yig lawm, thiab vim tsis muaj cov kev sib tw no ntau, ces tej txhab nyiaj thiaj sib koom tes siv tswv yim dag kom tau txais txiaj ntsim rau lawv, kom tej nqe ntawd tsis txhob nqes los ua tej nqe pheej yig kom sai li sai tau raws li qhov tsim nyog.
Shane Oliver uas yog AMP tus chief economist hais tias kab theem nyiaj poob nqe yog ib co teeb meem tseem ceeb rau cov lagluam services.
Nws tau hais tias "Vim tej services no, ces tej kab theem nyiaj poob nqes hloov ib nyuag qeeb zog thiab ntshe yuav siv caij ntev zog mam li rov qab poob nqe ntau ntxiv thiab ntshe kuj yuav siv sij hawm ntawv zog thiab mam li rov qab nqes dua, tos ho zoo li no los twb vim yog tej nqe ntiav zog."
Mr Oliver tau hais tias kuj yog tej yam uas nyiaj poob nqe muaj cwj pwm txawv nrog tej nqe khoom uas tau kim tuaj rau lub sij hawm li ntawm yim (8) hli dhau los, vim tus kab mob kis thoob ntuj ua rau muaj tej khoom tsawg, thiab kuj muaj tej teeb meem tsov rog ntawm Ukraine cuam tshuam, tab sis tej nqe khoom os kuj tau rov qab pib pheej yig zuaj zus lawm thiab.
''Yog li ntawd tej nqes no thiaj tsis nyob tus, txawm tau nce kim tuaj los yeej rov qab pheej yig lawm thiab."
Tej nqe kho mob thiab nqe siv tsev kho mob los kuj tau nce siab kawg li lawm thiab, raws li tej xov xwm peb lub hlis los txog lub 3 hlis ntuj ntawd, ces cov nqe kawm ua ib yam hauj lwm dab tsi, kawm qib siab los yog college ntawd los kuj kim tuaj tib yam li tej nqe gas thiab lwm yam roj siv hauv cuab yig, thiab ib yig neeg twg cov kev ntoj ncig hauv teb chaws thiab tej chaw pw los kuj kim tuaj thiab.
Thaum twg tus kab theem nyiaj poob nqe uas tseem nyob tus thiaj yuav nqes?
RBA cia siab tias tus kab theem nyiaj poob nqe no yuav nqes los nyog rau ntawm 3 feem pua rau xyoo 2025 no.
Mr Oliver cia siab tias tus kab theem nyiaj poob nqe no yuav nqes ib nyuag sai dua thiab.
Nws tau hais tias “Tej zaum kuj yuav nqes qes tshaj 3 feem puas rau xyoo tom ntom no thiab, vim tej lagluam los kuj qeeb lawm. Tab sis tej zaum kuj yuav ua rau rov qab nce ntxiv los sis yuav nyob tus li qub thiab, uas tus nom tswj nyiaj txiaj rau tsoom fwv yeej tau teev txog tej no; tias ntshe yuav siv caij ntev zog mas tus kab theem nyiaj poob nqe no mam li nqe.''
Ms Foster hais tias RBA cov kev nce kab theem paj ntxiv rau hnub Tuesday ntawd yeej tsis ua rau nws ceeb dab tsi, tsuas yog los pab thiab tswj kom tej neeg tsis txhob siv nyiaj es pab kom tus kab theem nyiaj poob nqe no nqes xwb.
Nws tau hais tias “Sawv daws yeej tib tsis pom zoo. Tej koom haum uas tsuas xyuas kom tau txais txiaj ntsim rau lawv tus kheej los yeej mloog tau tias tej lagluam tsis zoo los yog tsis ntseeg siab rau tej lagluam los sis yog tsis tshua xav sim lagluam los yog tsis tshua xav nqe peev lagluam ntev rau yav tom ntej los yog los nqes peev ib yam lagluam dab tsi seb puas tau lagluam."
“Ces kuv thiaj xav tias ntshe tseem yuav muaj tej kab theem nyiaj poob nqe no ib ntus."
Ms Foster tau hais tias neeg Australia yuav tsum nco tias tam li yog cov neeg yuav khoom siv muaj peev xwm tswj tau tus kab theem nyiaj poob nqe no.
"Yuav yog tej yam zoo dua yog yus ntseeg yus tus kheej, thiab ua cov kev txiav txim siab uas yuav zoo rau yus thiab yus tsev neeg kom saib xyuas tau yus tus kheej thiab yus tej zejzog, tsis yog pheej cia siab tias tsoom fwv yuav nrog daws tej teeb meem no nkaus xwb."
Lwm cov teb chaws ho ua dab tsi los tswj nyiaj poob nqe?
America tej lagluam koj kuj muaj kab theem nyiaj poob nqe nce siab txog 9.1 feem pua rau lub 6 his ntuj xyoo 2022 thiab, tab sis tus zauv no kuj nqes los nyog ntawm 5 feem pua rau lub 3 hlis ntuj xyoo 2023 no lawm.
Thiab kuj tau muaj xov xwm cej luam qhia tias twb yog tau nce kab theem paj ntawm 0 mus ua 4.75 feem pua ces thiaj muaj peev xwm tswj tau tus kab theem nyiaj poob nqe no.
Thiaj yog cov kev nce kab theem paj ntau tshaj tej uas RBA tau nce dhau los, uas tau ua rau tej neeg tsis tshua siv nyiaj thiab ua rau lag luam tau qeeb zog lawm, ces thiaj ua rau tus kab theem paj no nqes me nts ntsis lawm.
Txawm tias Suav tuam tshoj, Hong Kong thiab Macau yog cov chaw uas muaj kab theem nyiaj poob nqe qes tshaj plaws hauv ntiaj teb no, tab sis tej economists nyiam siv tej xov xwm ntawm lwm cov teb chaws tswj hwm democracies tej lag luam coj los sib piv nrog Australia dua.
Yog peb xyuas ntawm Europe lawm, ces Switzerland kuj muaj tej kab theem nyiaj poob nqe nqes heev li ntawm 3.5 feem pua rau lub 8 hli ntuj xyoo 2022 xwb, thiab kuj tau nqes los nyob rau ntawm 2.9 feem pua ob lub hlis txuas ntxiv tom qab ntawd lawm.
Tam sim no ces nyob rau ntawm 3 feem pua lawm xwb, vim tau siv ntau yam pab li tswj tej nqe khoom, thiab muaj tej kiab khw energy ruaj khom tshaj lawm cov teb chaws feem ntau, kuj cheem tsis nce nyiaj hauj lwm, thiab cov nyiaj Franc muaj nqe tau pov puag tej nqe khoom nqus txawv teb chaws kom txhob kim tuaj.
Txawm li cas los kuj muaj lwm yam ua rau tsis muaj peev xwm yuav piv tau teb chaws Switzerland nrog ntau cov teb chaws thiab, yog tham txog tej nqe khoom uas kim los yog tej nyiaj hauj lwm nrab uas yeej kwv tau ntau heev ntawd.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
