Khaub thuas ces yeej yog ib cov mob cuam tshuam txog cov kev ua pa, tej hlab ntsws, qa thiab raj qhov ntswg. Txawm li cas los tej khaub thuas feem ntau ces kuj hauj lwm xwb, tab sis tej zaum kuj muaj peev xwm ua rau tej me nyuam yaus thiab tej laus mob sab heev los kuj tau thiab.
Zoo li cia li tsis muaj khaub thuas ntawm Australia rau lub caij xub thawj ntau xyoo uas muaj tus kab mob COVID-19 kis coob heev thaum uas tau muaj nom tswv cov kev txwv coj los tswj zej tsoom cov kev noj qab haus huv kom tej neeg tsis txhob tau nyob sib ze ua ke. Txij xyoo 2022 los, ces kuj tau rov qab pib muaj tej caij khaub thuas thiab tau muaj neeg kis coob heev ntxov dua xyoo 2020 lawm.
Thiab kuj yog tej yam nyuaj heev tsis muaj peev xwm yuav twv tau tias seb lub caij khaub thuas no yuav sib kis muaj ceem npaum li cas rau lub tsam thawj nod ntawm lub xyoo no, tab sis tej zaum peb kuj pom qee yam ntawm cov teb chaws sab qaum ntuj lawm tias zoo li cas lawm. Nyob rau thaj chaw ntawd ces yeej tau pib muaj lub caij kis khaut thuas ntxiv dua tej ib txwm muaj rau lub caij 3 xyoos los no lawm (uas muaj neeg kis coob heev rau thaum ntxov lub 1 hlis ntuj tsis yog yav lig rau lub 2 hlis los yog 3 hlis ntuj lawm), tsis tas li ntawd los kuj tau muaj xov xwm qhia tias muaj neeg kis coob thiab raug coj mus kho ntawm tsev kho mob ntau dua tsaib no thiab.
Tsis tas li ntawd los yeej tau muaj cov kev taw qhia kom tej neeg mus hno tshuaj tiv thaiv khaub thuas txhua xyoo thiab, tab sis tam sim no kuj muaj ntau yam tshuaj vaccines coj los siv lawm. Ntxiv nod yog tej tsim nyog peb paub txog tej tshuaj yuav coj los siv xyoo no uas muaj coj los hno rau sawv daws lub hli no.
Hos siv dab tsi los tsim cov tshuaj vaccine tiv thaiv khaub thuas?
Tej tshuaj no los kuj zoo li lwm yam tshuajLike other vaccines, influenza vaccines work by “training” the immune system on a harmless component of the influenza virus (known as an antigen), so it can respond appropriately when the body encounters the real virus.
Tsis tas li ntawd los kuj muaj ntau yam kab mob khaub thuas yeej pauv hloov tas mus li vim tej gene tau hloov ncau tshiab lawm, uas tseem muaj tej gene hloov tus kab mob SARS-CoV-2 (uas yog tus virus ua rau muaj tus mob COVID). Ces tej tej tshuaj vaccine thiaj raug ntiaj teb lub koom haum tswj kev noj qab haus huv (World Health Organization-WHO) txheeb ob zaug twg ib xyoos, thiab mam li xaiv tej tshuaj vaccine kom haum raws li cov kev kwv yees tias seb ho yuav muaj hom khaub thuas twg kis rau cim khaub thuas tom ntej no.
Tag nrho tej tshuaj hno tiv thaiv khaub thuas uas siv ntawm Australia tam sim no ces yeej muaj peev xwm tiv thaiv tau plaub yam kab mob khaub thuas (quadrivalent vaccines). . Ces ze ze rau yav pem suab no thiaj xav tias ntshe yuav siv cov tshuaj vaccine hno tiv thaiv khaub thuas pe hom lawm xwb.
Tej tshuaj vaccine tshiab uas hno tiv thaiv khaub thuas no ho txawv li cas?
Muaj 8 hom tshuaj flu vaccines (tshuaj vaccine hno tiv thaiv khaub thuas) siv ntawm Australia xyoo 2024 no. Uas muaj tej tshuaj vaccine egg-based (Vaxigrip Tetra, Fluarix Tetra, Afluria Quad, FluQuadri and Influvac Tetra), thiab cov tshuaj vaccine cell-based flu vaccines (Flucelvax Quad), adjuvanted vaccines (Fluad Quad) and high-dose vaccines (Fluzone High-Dose Quad).
Nyuam qhuav tsis ntev los no xwb, thiaj siv tej txheej txheem muaj ntsis sib xws los tsim tej tshuaj hno tiv thaiv khaub thuas xwb. Thiaj txij thaum tau tsim tau cov tshuaj influenza vaccine siv rau lub caij xyoo 1940s ces feem ntau yeej yug tej kab mob no ntawm tej qe ces mam li cais tawm, coj mus laum kom tej kab mob no tsis muaj zog, ces mam muab tu kom huv ces mam coj los tsim ua tshuaj vaccine uas yeej tseem siv ntau heev tam sim no.
Txawm li cas los , .
Tej zaum khaub thuas yuav ua rau muaj tej yam ntxwv mob sab dua rau tej laus neeg dua. Source: The Conversation / Jelena Stanojkovic/Shutterstock
Thiab lwm lub tswv yim uas yuav pab kom tib neeg cov immune system lees paub tej kab mob no ces yog siv cov tshuaj vaccine tiv thaiv ntau yam kab mob dua. Piv txwv li cov tshuaj Fluzone High-Dose Quad – uas kuj yog lwm yam tshuaj uas muaj peev xwm coj los siv hno rau tej laus neeg – uas yog ib yam tshuaj vaccine muaj cov tshuaj no ntau tshaj tej tshuaj vaccine ib txwm hno txog li plaub koob. Thiab yeej muaj ntau cov kev tshawb fawb qhia tias cov kev siv cov tshuaj no yuav zoo dua cov kev hno tej tshuaj vaccine tiv thaiv khaub thuas uas ib txwm hno (uas tsis muaj cov adjuvant xyaw) coj los tiv thaiv kom tsis txhob raug coj mus kho ntawm tsev kho mob los yog kom tsis txhob muaj lwm yam mob cuam tshuam rau tej laus neeg.
Lwm cov tuam txhab tsim tej tshuaj no los kuj tau kho dua tej txheej txheem tsim tej tshuaj no lawm thiab. Ces tej tshuaj Cell-based vaccines li Flucelvax Quad, thiaj siv cov txheej txheem cell-based thiab tsis siv cov txheej txheem yug kab mob hauv tej qe coj los tsim lawm. Hos lwm cov tshuaj vaccines uas tseem tsis tau muaj coj los siv ntawd yeej siv lwm cov technologies sib txawv thiab. Yav tag los mas tej teeb meem uas muaj rau cov kev tsim tej tshuaj vaccine uas yug tej kab mob rau tej qe mam siv coj los tsim ua tshuaj vaccine siv no mas yeej siv tsis tshua tau hauj lwm zoo. Ces cov kev siv lwm txoj xub ke los tsim tej tshuaj no thiaj yuav pab kom paub tseeb tias yuav tsim tau tej tshuaj zoo dua rau yav pem suab.
Tsim nyog kuv ua dab tsi xyoo no?
Vim yeej muaj ntau yam cim qhia tias ntshe yuav pib muaj lub caij khaub thuas ntxov xyoo no dua txhua xyoo, ces tej zaum thiaj yuav yog tej yam nyab xeeb tshaj plaws rau yus yog yus hno tshuaj vaccine kom ntxov. Qhov no yog ib qho tseem ceeb heev hais tsi ntsees rau tej neeg uas yuav kis tau yooj yim thiab yog kis tau lawm yuav mob sab heev li teu laus (hnoob nyoog 65 xyoos los yog siab tshaj ntawd), tej neeg uas muaj ntau yam mob uas yeej mob los ntev tsis txawj zoo tu qab, tej me nyuam yaus (6 hli mus txog 5 xyoos) thiab tej neeg txum tim Aboriginal thiab Torres Strait Islander. Tsis tas li ntawd los yeej xav kom tej poj niam muaj me nyuam mus hno tej tshuaj tiv thaiv kab mob khaub thuas (Influenza vaccines) no coj los pov puag yus thiab yus tus me nyuam uas tau xeeb rau lub caij ntau hli thaum tseem ntxov ntawd thiab.
Yeej muaj tej tshuaj hno tiv thaiv khaub thuas rau tej neeg siv ntawm tej chaw kho mob (GP clinics) thiab tej khw muag tshuaj, ua ke no los kuj muaj ntau cov chaw hauj lwm kuj muaj cov program hno tshuaj rau lawv tej neeg ua hauj lwm thiab. Yog li ntawd yog tham txog tej neeg uas yuav kis tau tus khab mob khaub thuas no yooj yim ces uas tsoom fwv Australia pab them thiab hno tau raws li cov program hno tshuaj vaccine rau zej tsoom (National Immunisation Program).
Yog tham rau tej laus neeg lawm, ces yeej tau muaj cov kev taw qhia kom lawv hno tshuaj vaccine tiv thaiv kab mob COVID thiab kab mob khaub thuas (Influenza) thiab hno tej tshuaj vaccine tiv thaiv kom tsis txhob ntsws los yog tsis txhob mob daim npluag qhwv hlwb txha los yog tej tshuaj vaccine tiv thaiv ua qoob sawv hlwv dej (Shingles). Thiab feem ntau ces yeej muaj peev xwm hno tej tshuaj vaccines no rau lub caij yus mus ntsib tej kws kho mob, tab sis xav kom yus nrog yus tus khws kho mob tham seb tsim nyog yus hno hom twg.
Puas yuav ua rau muaj lwm yam mob cuam tshuam yog hno tej tshuaj no?
Txhua yam tshuaj hno tiv thaiv khaub thuas muaj peev xwm ua rau mob caj npab thiab qee zaus ces tsuas muaj tej yam ntxwv li ib txwm muaj xws li ua npaws kaub taub hau thiab nkees nkees. Tej yam ntxwv no ces yog tej yam uas yeej xav tias yuav muaj thaum hno tej tshuaj no thiab yog tej yam qhia tias siv tau cov tshuaj no zoo coj mus pab yus cov immune system, thiab feem ntau mas yeej tsuas muaj tej yam ntxwv mob no hauj sim ib ntus xwb. Thiab kuj yuav ib nyuag muaj tej yam ntxwv mob no ntau zog yog hno cov tshuaj vaccine tiv thaiv khaub thuas uas tim cov adjuvants los yog hno cov tshuaj vaccine uas muaj zog dua.
Tsis tasl li ntawd los txhua yam tshuaj suav tej tshuaj vaccines nrog, kuj yuav muaj peev xwm ua tau rau ib tug neeg tsis haum fab, qaug, nriaj tom qab tau hno tej tshuaj tiv thaiv khaub thuas lawm. Tsis tas li ntawd los txhua tus neeg hno tshuaj vaccine yeej tau kawm thiab xyaum thiab yeej paub tias yog fab/tsis haum tshuaj lawm yuav pab tus neeg ntawd li cas. Tsis tas li ntawd los tej neeg uas noj tsis haum qe tsim nyog sab laj tej no nrog yus tus kws kho mob, tab sis feem ntau mas, raws li tau muaj tej kev tshawb fawb qhia ces yeej tau txais kev nyab xeeb rau cov kev hno ib hom tshuaj vaccine tiv thaiv kab mob khaub thuas twg (suav cov tshuaj vaccine uas yug tej kab mob ntawm qe mam coj los tsim ua tshuaj siv nrog tib si).
Hos yog tias thaum hno tej tshuaj no tsis haum thiab muaj teeb meem loj tuaj ces yuav ua rau muaj cov yam ntxwv mob Guillain-Barré syndrome, uas yog ib co mob uas muaj teeb meem rau lub paj hlwb thiab tej hlwb txha nrob qaum uas tsuas tshwm sim muaj tsawg tsawg heev xwb (txhua txhua ib tug ntawm 1 million tus neeg twg uas hno tshuaj vaccine xwb). Thiab yeej xav tias yuas tsis tshua muaj tej kev tsis haum tshuaj no tom qab tau hno tshuaj tiv thaiv khaub thuas los yog tom qab kis tau tus kab mob khaub thuas no lawm.
Allen Cheng tau txais nyiaj pab cuam los ntawm lub koom haum National Health and Medical Research Council thiab lub tuam chav Australian Department of Health and Aged Care. Nws yog ib tug tub koom siab ntawm lub koom haum Australian Technical Advisory Group on Immunisation.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
