Ntsiab lus tseem ceeb:
- Lub koom haum Fair Work Commission yuav txheeb xyuas tej nyiaj tsim nyog yuav khwv tau tsawg tshaj plaws thaum nws mus txheeb tej ntaub ntawv uas tsoom fwv, tej lagluam thiab cov koom haum unions uas xa rau nws ntawd.
- Jim Chalmers uas yog tus nom tswj yiaj txiaj rau tsoom fwv tau hais tias yuav tau nce nyiaj hauj lwm tib yam li tej kab theem nyiaj poob nqe tab sis kuj tseem tsis tau qhia tias yuav nce cov feem pua npaum li cas thiab.
- Xav thov nce tej nyiaj hauj lwm cov feem pua txij li ntawm 2 mus txog 5 feem pua li tej koom haum unions thiab tej lagluam xav kom nce.
Tej koom haum unions thiab tej lagluam los kuj tseem muaj cov kev sib cov nyom tias tsim nyog yuav nce tej nyiaj hauj lwm minimum wages npaum li cas kom thiaj pab tau tej nuj nqes siv ua lub neej kim tuaj ntxiv no me ntsis.
Tsoom fwv teb chaws tau qhia tias yuav tau xyuas kom tej nyiaj hauj lwm ua nce ib xyoos ib zaug no haum raws li tej lagluam, uas tam sim no tus kab theem nyiaj poob nqe nyob rau ntawm 4.1 feem pua, tab sis kuj tseem tsis tau qhia kiag tias seb yuav nce cov feem pua npaum li cas kiag.
Jim Chalmers uas yog tus nom tswj nyiaj txiaj rau tsoom fwv Albanese tau qhia tias cov kev nce nyiaj hauj lwm no yog tej yam tseem ceeb yuav pab tej nuj nqes siv ua lub neej thiab nrog ua zoo xyuas kom ''tej neeg ua hauj lwm khwv tau nyiaj tsawg ntawm lub teb chaws no tsis txhob txom nyem.''
Lub koom haum Fair Work Commission cov kev los txheeb txog nws cov kev txiav txim nce nyiaj hauj lwm ib xyoos ib zaug twg no thiaj yuav ua rau muaj kev pauv hloov rau haiv neeg no tej nyiaj hauj lwm uas tsim nyog khwv tau tsawg tshaj plaws thiab cov award rates, uas muaj txog li ntawm 25 feem pua ntawm Australia tej neeg ua hauj lwm tau ntawd.
Lub koom haum Australian Council of Trade Unions (ACTU) yeej tau nqua hu kom nces tej nyiaj hauj lwm 5 feem puat, uas yuav ua rau khwv tau nyiaj ib teev twg yam tsawg li $24.39, los yog ib tug neeg ua hauj lwm full-time twg khwv tau ib xyoos twg tau txog li $48,200.
Sally McManus uas yog tus coj lub koom haum ACTU tau hais tias tej neeg khwv tau nyiaj tsawg tshaj plaws yog tej raug teeb meem tshaj plaws los ntawm cov nyiaj poob nqe thiab tej lagluam yeej muaj peev xwm them tau tej nyiaj ua hauj lwm ntau tuaj ntxiv txog li 5 feem pua no.
Thaum nyiaj poob nqe ntau ntxiv tuaj ces tej lagluam twb muaj peev xwm kho lawv tej nqe muag khoom kom lawv thiaj kwv tau nyiaj, tab sis yeej tsis tshua nce nyiaj hauj lwm yooj yim rau tej neeg ua hauj lwm li.Sally McManus, Secretary of Australian Council of Trade Unions (ACTU).
Sally McManus uas yog ACTU tus coj tau qhia tias tej nyiaj uas khwv tau tsawg tshaj plaws raws li qhov tsim nyog khwv tau tasm sim no yeej tsis txaus coj los siv them tej nuj nqes siv ua lub neej tam sim no li. Source: AAP / Diego Fedele
Ua ke no los lub koom haum Australian Chamber of Commerce and Industry (ACCI) xav kom tsuas nce tej nyiaj hauj lwm no tsis ntau tshaj 2 feem pua xwb. Uas yuav ua rau tej neeg tsuas khwv tau cov nyiaj hauj lw ib teev twg yam tsawg li $23.69, los yog ua rau tej neeg ua hauj lwm full-time khwv tau $46,823 rau ib lub xyoos twg xwb.
Andrew McKellar uas yog tus coj lub koom haum ACCI thiaj tau hais tais tus kab theem nyiaj poob nqe los kuj hauj sim lawm thiab txij li thaum tau nce siab heev txog 7.8 feem pua xyoo 2022, thiab tib lub caij no los ''tej lagluam los kuj raug teeb meem nyuaj tshaj qub ntxiv lawm thiab.''
Peb pom tias tsuas muaj cov kev nqes peev lagluam li qub xwb, thiab ua rau tej lagluam pheej xav rau kis phem, thiab qhov tseem ceeb tshaj ces kuj pib ua rau tsis tshua xav tau neeg ua hauj lwm lawm. Thiab nyuaj tshaj qub rau tej lagluam ntiav neeg ua hauj lwm, ces thiaj yog tej yam zoo dua rau tej neeg khwv tau nyiaj tsawg no tau ib txoj hauj lwm ua dua qhov pom lwm tus neeg ua hauj lwm tau nyiaj hauj lwm ntau tuaj ntxiv.ACCI secretary Andrew McKellar told ABC Radio on Tuesday.
Hos nce tej nyiaj hauj lwm tsim nyog khwv tau tsawg tshaj plaws npaum li cas xyoo 2023?
Tsaib no ces, lub koom haum Fair Work Commission no tau nce nyiaj hauj lwm ntau tshaj plaws rau lub sij hawm 40 xyoo no.
Lub koom haum no thiaj vim nws hais tias muaj neeg poob hauj lwm tsawg, khwv tau nyiaj hauj lwm tsawg thiab nyiaj poob nqe ntau heev.
Ces ntau yam ntawm tej lagluam uas siv coj los pab cov kev txiav txim siab nce nyiaj hauj lwm ib xyoos ib zaug twg no thiaj xam tej nuj nqes siv ua lub neej thiab tej kev txom nyem nyiaj txiaj siv ntawm tej cuab yig.
Ua ke no los lub koom haum no kuj ras txog tej xwm txheej tej zaum yuav muaj tau los ntawm cov kev khwv tau nyiaj ntau yuav ua rau tej nqe khoom kim uas ua rau nyiaj poob nqe, ces pheej yuav ua rau tej neeg ua hauj lwm hais kom them nyiaj hauj lwm ntau tuaj ntxiv thiab yuav ua rau tej lagluam nces nqe muag khoom kom thiaj khwv tau nyiaj thiab.
Tsoom fwv teb chaws tau qhia tias tsis tsim nyog yuav muab cov kev coj los ua lub tswv yim siv hloov lub tswv yim nce nyiaj hauj lwm uas Australia tej neeg ua hauj lwm khwv tau nyiaj tsawg tshaj plaws xav tau tab sis coj los siv ntxiv rau lub tswv yim no xwb.
Thiab yog tias yuav muaj cov kev nce tej nyiaj hauj lwm uas tsim nyog khwv tau tsawg tshaj plaws npaum li cas ntawm haiv neeg no ces yeej yuav pib siv txij li hnub tim 1 lub 7 hli ntuj mus lawm.
- Australian Associated Press koom nthuav zaj xov xwm no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
