Hnub ANZAC Day tseem ceeb li cas rau neeg tsiv teb tsaws chaw?

Yog tham txog hnub ANZAC Day rau ntau tus neeg tsiv teb tsaws chaw lawm ces yog ib lub cim qhia txog tej tub rog ntoo koos mom cau pliaj ua tau sib tua ntawm Gallipoli xyoo 1919. Txawm li cas los lub caij 100 xyoo dhau los no daim duab no kuj tau maj mam pauv hloov lawm thiab. Hnub ANZAC Day ces yog ib hnub uas hais neeg Australia uas coj ntseeg ntau yam kab lis kev cai sib txawv nco txog tej qub tug rog ntawm ntau kob tsov rog sib txawv.

Veterans march during the Anzac Day parade in Sydney. Source: AAP

Hnub ANZAC Day ces tej neeg Australia thoob teb chaws nco txog tej neeg tau ua tsov rog, thiab tej tug rog Australia thiab New Zealand uas tau ploj qaug.

Tab sis tau ntev los lawm ces kuj tau ras los ua ib hnub tseem ceeb rau tej neeg ntawm lwm tog ntawm tej tshav rog lawm thiab.

Tam sim no ces tau mus taug kev rau hnub tim 25 lub 4 hlis ntuj thiab yeej qhib rau txhua tus tub rog tsis hais poj niam txiv neej thiab lawv tej xeeb leej xeeb ntxwv mus koom.

Sankar Nadeson yog ib tug neeg Australia caj ceg neeg India thiab ua hauj lwm nrog tej zejzog neeg pawg tsawg ntawm lub koom haum Returned and Services League Victoria and Legacy ntawm Melbourne.

Txawm nws tau loj hlob ntawm teb chaws Askiv thiab tau rhais paj yeeb liab (poppies) txij li thaum nws tseem yau rau hnub Remembrance Day, thiab nws yeej ib txwm tsis muaj kev sib cuam tshuam dab tsi ntawm nws tsev neeg tej keeb kwm nrog hnub ANZAC li.

Txog rau thaum uas nws tau pib ua hauj lwm nrog tej poj ntsuam uas lawv tej txiv tau ua tub rog thiab nruam sim lawm ces nws mam paub tias hnub ANZAC yog ib hnub uas muaj ntau tsav neeg coj ntseeg ntau yam kab lis kev cai koom, thiab nws mam li nug txog nws zwj dab neeg xwb.

Nws hais tias ''Kuv tau nug kuv tus phauj thiab nws kuj tau hais tias, yog mas koj yawg yeej tau mus koom ua tsov rog nrog Askiv tej tub rog ntawm Malaysia thiab kuv yeej tsis paub txog tej no tiag tiag li. Thiab kuv yeej tsis muaj dab tsi cuam tshuam nrog ANZAC tej dab neeg li los yog ib yam dab neeg dab tsi txog cov kev ua tsov rog li ntawm Askiv tej tub rog los yog Australia tej tu rog nrog kuv tej keeb kwm los yog nrog kuv tsev neeg li.''

Australia lub koom haum pej tuam qub tub rog (Australian War Memorial) hais tias yeej muaj neeg Australia txog li 420,000 tus neeg uas coj ntseeg ntau yam kab lis kev cai sib txawv tau mus koom tsov rog ntiaj teb zeeg ob. Ua yeej muaj Australia tej neeg txum tim, tej neeg Australia caj ceg neeg Askiv, neeg Asia, neeg Greek thiab tej neeg Australia uas tuaj ntawm cov teb chaws sab qaum teb Europe.

Thiaj yeej muaj tej neeg tsiv teb tsaws chaw neeg Suav ze txog li ntawm 200 tus tau mus koom ua tsov rog ntiaj teb zeej ib sawv cev rau teb chaws Australia thiab.

Lub caij uas Sanka Nadeson tseem ua hauj lwm nrog lub koom haum Australia China Youth Association ntawd ces nws hais tias nws tej tub kawm yeej tsis swm nrog ntau tsav neeg coj ntseeg ntau yam kab lis kev cai uas muaj feem koom rau hnub ANZAC li.

“Yeej muaj tej tub kawm coob heev tsis ras txog los sis tsis paub txog tias muaj hnub cov neeg Suav hnub ANZAC thiab. Ces peb thiaj tau tsim ib co art work, thiab kos tej duab rau tom kev rau hnub Chinese ANZACS, thiab Billy Sing daim duab kuj yog ib daig uas yog ib tug neeg tua phom sniper tseem ceeb rau lub caij tsov rog ntiaj teb zeeg ib thiab,” raws li Nadeson hais.

Yog li ntawd cov kev qhia txog tej no thiaj tseem ceeb tshaj qhov ua rau yus cov kev paub lawm thiab.

Sankar Nadeson los kuj tau ua hauj lwm nrog zejzog neeg Sikh thiab nws hais tias thaum zej tsoom lees paub tej tub rog rov qab los tsev ces yog ib co txheej txheem pab kom kho tau haiv neeg no zoo. Nws hais tias tej tub rog Sikh los yeej tsis ua rau lawv mloog tau tias lawv yog tej neeg txawv uas lwm tus tsis paub ntawm teb chaws Australia thiab.

Sankar Nadeson ntseeg tias cov kev lees paub nws tej qub tug rog ua rau tej neeg zejzog Sikh mloog tau tias lawv muaj peev xwm koom ua tau lub neej nrog Australia tej zejzog thiab.

Nws hais tias “Muaj tej thaum ces yus yeej lees paub tias yus txawv lawm tus ntawm tej zej zog feem coob, tab sis yeej muaj ntau yam uas pab kom muaj txoj kev koom npoj thiab pab kom tej neeg tau sib sau ua ke, thiab ua rau yus mloog tau tias yus kuj yog ib tug neeg Australia, qhov no yog qhov ua rau yus mloog tau tias lub teb chaws Australia no zoo li cas. Yog li ntawd tej zejzog Sikh thiaj lees paub tias lawv yeej muaj kev sib cuag nrog lub zejzog no thiab.''

Mr Nadenon cov kev tau ua hauj lwm nrog ntau cov zejzog sib txawv thiaj ua rau nws paub txog tias ho muaj ntau yam tswv yim los npaj dab tsi rau hnub no thiab ho qhia txog lawv tej kab lis kev cai li cas.

Nws hais tias, “Ntawm tej neeg Sikh tej kab lis kev cai, ces lawv yeej kub siab tiag tiag, vim lawv yej muaj tej kev cai txog tej tub rog, ua ke no los yeej ib txwm muaj kev ua kev zoo siab ntau yam sib txwv. Tsis tas li ntawd los tseem muaj tej zejzog Maori thiab. Kuv kuj pom muaj ntau yam ntawm lub zejzog no, tsis yog lawv tej nplooj suab ntawm lawv tus chij xwb tab sis yeej muaj tej neeg txum tim Maori tej kab lis kev cai, thiab tej neeg New Zealand uas tsis yog cov neeg txum tim ntawd koom thiab.''

Txheeb tau ntau yam xov xwm ntxiv txog Australia hnub ANZAC Day tej kev cai ntawm no: https://www.awm.gov.au

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.