Tej tswv yim twg thiaj pab kom tau zaub mov thiab dej ruaj siv ntawm tsev?

Koj muaj peev xwm ua tau ntau yam ntawm koj tej zej zog thiab ntawm tsev kom pab koj tau tej zaub mov ruaj noj thiab tej dej siv ruaj - tsis hais yog yam koj ua tau ntau los tau tsawg li. Txheeb tej tswv yim no coj mus siv tswj koj tej zaub mov thiab tej dej kom zoo thiab tsis txhob pub nkim tej khoom noj khoom haus no. Thiab yeej tau muaj neeg tau sim siv tej tswv yim no ntawm ntau cov neeg zejzog uas tau coj mus tshaj ntawm ntawm SBS cov xov xwm kaw ua suab (SBS Audio podcast) hu ua 'Everything We Need' no lawm.

Joselyne on Community Farm credit Food Next Door Co-op - Everything We Need

Joselyne wanted to grow food when she arrived in Mildura from Burundi but it wasn't easy as she didn't own land. The Food Next Door Co-op came up with solution, matching property owners who had unused land with organic farmers. Credit: Food Next Door Co-op

Cov xov xwm kaw ua suab hu ua

Everything We Need

yeej tau qhia txog ntau cov zejzog sib txawv ntawm tej zos yaj sab ntawm xeev Victoria yeej tau nrhiav ntau yam tswv yim coj los nrog daws tej teeb meem huab cua pauv hloov ua ke.

Lub zos Mildura uas yog ib lub zos uas tej neeg muag dej kom tau nyiaj tsam thiab yog ib lub zos uas tej neeg tsim lwm yam coj los xa muag txawv teb chaws ntawd, kuj tau muaj ib co kev koom tes los pab ua tib zoo xyuas kom tau tej zaub mov noj thiab dej ruaj siv rau tej tej neeg zejzog.

Yeej muaj ntau yam tswv yim yooj yooj yim uas koj muaj peev xwm siv tej lawv tau ua los coj los pab tswj koj tej zaub mov thiab tej dej tsis kom tau noj tau siv ruaj rau ntawm qhov chaw koj nyob thiab.

Tej tswv yim pab kom koj tau zaub mov ruaj noj:

Yuav tej zaub mov ntawm koj lub zos.
Ua tib zoo txheeb seb koj yuav tej khoom noj qhov twg los thiab ho mus deb npaum li cas thiaj yauv tau los noj. Ces maj mam hloov ib yam zujzus li tig los yuav tej khoom noj kom ze zog yus thiab mam li maj mam txiav txim siab tsis txhob yuav qee yam khoom uas yuav tau mus yuav deb
Xyuas kom tsis txhob nkim yus tau zaub mov.
Cov kev npaj tswv yim los ua ib plua hno noj kuj yuav yog ib yam twj tseem ceeb - tab sis tsuas yog tej zaub mov ua koj siv oj los ua noj ntawd yog tej uas cog ntawm zos thiab tej muaj raws caij xwb. Yog li thiaj xav kom koj sim nrhiav tej uas cog ze rau ntawm koj tsev coj los hloov tej uas yuav tau yuav lwm qhov chaw los siv. Thiab yeej muaj ntau yam tswv yim los pab yus tswj tej zaub mov uas muaj peev xwm siv coj los pab tej zaub mov uas yus noj tsis tas los yog tej nkim thiab. Li siv tej tsig zaub uas yus txhem coj mus tsau khov hauv tej tub tsau khov ces mam li muab coj los hau ua kua zaub, los yog muab tej zaub hlais coj los ua mov mog thiab khaws cia tsau khov los yog khaws yus tej mov mog tsau khov cia ua cov routons tom qab los tau.
Xaiv tej txiv xyoob txiv ntoo thiab tej zaub uas zoo siv nyog xwb tsis tas yog cov zoo.
Yeej muaj tej khoom noj nkim pov tseg ntau heev vim tej neeg yuav khoom noj pheej tsis tshua xav yuav tej zaub lauj pwm uas ncaws los yog muaj ntsis khaub los yog tej txiv uas muaj cov tee dub (tab sis tej qoob loos no yeej tseem zoo noj).
Npaj thiab khaws tej zaub mov no cia thaum tseem pheej yig thiab muaj ntau.
Yus muaj peev xwm muab nyoj ua kuv txiv qab zib kom thiaj li khaws cia noj tau ntev.
Xyuas kom paub tias muaj zaub mov noj kav ntev npaum li cas ntawm yus tsev neeg yam tsis tas mus yuav khoom noj.
Yog tias yus muaj chaw dav, ces cov kev yuav ib zaug kom ntau yog ib lub tswv yim zoo pab kom yus tau txais kev yooj yim kom yus pheej tsis txhob tau mus yuav tau khoom noj no thaum tsis muaj muag hauv tej supermarket lawm - tsis tas li ntawd los kuj pab kom yus tsis txhob tau siv tej khoom thiab thawv los qhwv thiab ntim tej khoom no tsawg.
Cog tej zauv mov yus noj.
Tej txuj lom thiab tej zaub ntsuab yog tej pib tau yooj yim. Los sis yog cov kev cog paj kuj yuav pab kom muaj tej muv ntawm yus tej zejzog thiab lwm cov kab uas pab los tsaws thiab tov tej paj kom ua tau txiv thiab noob. Mus koom zejzog cov kev cog zaug thiab ho ntiav ib pav me me rau yus ua yog tias yus ho tsis muaj chaw dav yuav cog tau qoob loo ntawm tsev.
Yuav tej txiv thiab tej zaub ntawm tej neeg cog zaub uas cog me me rau tej neeg zos coj los noj.
Yuav tej qoob loo cog thiab de tau tshiab los ntawm tej khw neeg cog zaug los yog tej koom haum qoob loo. Tsis tas li ntawd los muaj tau thaum kuj muaj tej zejzog los yog tej yim neeg nyob zes yus kuj tsa kiab khw muag khoom noj thiab. Yog li thiaj xav kom yuav ib thawv kom txaus noj ib limtiam, cog tsis rau chiv thiab cog hauv zos kom yus thiaj paub tias muaj khoom noj raws caij dab tsi.
Txheeb kom paub thaj teb zes yus tshaj plaws thiab mus xyuas thaj teb ntawd.
Ntau thaj teb yeej muaj cov hnub qib rau tej neeg mus xyuas thiab tos txias tej neeg uas xav mus xyuas. Zejzog cov koom haum pab txhawb nqa cov kev cog qoob loo Community supported agriculture (CSA) kuj yog ib lub tswv yim zoo rau yus pab tej neeg cog qob loo muag rau tej zejzog noj. Thiab yog yus koom nrog lub koom haum no lawm ces yus muaj peev xwm yuav tej qoob loo cog ntawm ib thaj teb twg los yog ib co teb twg tas mus li los no.
Kom nco ntsoov xaiv tej qoob loo uas cog tsis rau chiv coj los noj thaum yus muaj peev xwm ua tau.
Tej qoob loo cog los noj uas tsis rau chiv yeej zoo rau tej ib puag ncig dua. Vim pab kom muaj tej carbon thiab tej av khaws tau dej thiab tsis ua rau muaj teeb meem rau tej tsiaj ntau yam uas nyob rau ntawm thaj chaw ntawd.
Pab tej lagluam uas tsim los tab sis tsis muaj hom phiaj khwv nyiaj li cog qoob loo los faib pub rau yus tej zejzog noj.
Ho yeem thaj los pib thiab koom cog zaub ntawm yus tej teej kawm zos thiab tej koom haum zejzog, los yog cog saum ru tsev ntawm tej tsev apartment. Thiab ho nrog tej yim neeg nyob zes yus sib tham kom sib paub thiab ho sib pauv zaub mov noj thaum cog tau ntau.

Tswv yim pab kom tau dej siv ruaj:

Xyuas kom yus paub tias tej dej yus siv ntawd tau qhov twg los.
Txheeb seb yuav ua li cas kom thiaj tau tej dej ruaj siv thiab yog tsim nyog ces yuav tau tawm tsam pov puag yog tsim ua. Thiab yog tias ho muaj tej kwj deg thiab dej ze yus, ces kuj koom nrog tej zejzog mus pab tu tej chaw ntawd kom huv si, thiab ho sab laj nrog tej nom tswv tias seb yuav ua li cas yog tsis muaj dej ntws txaus.
Siv dej ntawm tsev kom tsawg, tsis hais yus
ntiav nyob
los yog lub tsev ntawd yog yus lub uas yus yuav lawm.
Kho tej kais dej uas pheej txia dej kiag tam sim ntawd thiab yuav tej kais txuag tau dej coj los hloov tej uas tsis tshua txuag dej, piv txwv li yuav tej tshuab txhua khaub ncaws, los yog tej rooj plob uas siv dej tsawg zog coj los siv. Da dej koj sai zog thiab khaws ib lub thoob rau hauv chaw da dej cug tej dej txias thaum pib qhib kais dej cia coj mus ywg tej vaj zaub.
Npaj dej rau yus tau siv.
Yuav thoob dej los ntim dej siv los sis yog siv tej dej ntxhua khaub ncaws raws li qhov tsim nyog siv.
Av yog tej yam chaw zoo khaws tau dej.
Cov kev tso tej tsig zaug, tawv txiv faus rau hauv yus tej av yuav pab kom av ntoo dej thiab pab kaws tau cov carbon cia. Yog yus lub tsev loj, khawb kwj kem dej los yog teev dej rau ntawm thaj chaw muaj dej ntws los ntau rau kom khaws tau dej thiab kom dej tsis txhob kuav tsis txhob tshoob tej av kom tsis txhob pob txhob ntais.
Xaiv tej nroj tsuag xyoob ntoo ib txwm muaj ntawm thaj chaw ntawd kom thiaj thev qhuav, los yog huab cua kub sov zog thiab siv dej tsawg zog los ywg tej vaj zaub.
Npaj tej ntoo zom, tsig ntoo, nplooj xyoob nplooj ntoos los vov rau tej pav zaub yuav pab kom tej dej tsis txhob ua fws yaj tsawg dua. Siv cov hlua tso dej uas nrog ib tee ib tee dej tsis txhob siv cov hlua tso dej uas txuag thiab tig ywg ib puag ncig. Yog li xav kom cog tej nroj tsuag xyoob ntoo uas pab kom muaj tej kab tej ntsaum los tsaws thiab cob ntau yam. Tsis tas li ntawd los cov kev npaj ib lub tais dej rau noog haus kuj yuav pab kom tej noog ntxeem dhau cov hnub uas kub sov heev thiab.