Vim li cas sawv daws thiaj mus nyob ntawm Queensland

Tiag tiag mas tsis yog txhua leej txhua tus yuav mus nyob, tab sis raws li tau muaj xov xwm txheeb pej xeem uas txheeb 5 xyoos twg ib zaug uas tau qhia rau xyoo 2021 ntawd ces, muaj neeg neeg coob coob tuaj ntxiv ntawm Australia no tau tau tsiv mus nyob xeev Queensland ntau tshaj lwm lub xeev lawm.

Net interstate migration to Queensland was considerably higher in Queensland than any other Australian state or territory in the five years to 2021. Source: SBS

Ntsiab lus tseem ceeb:

• Tej xov xwm txheeb pej xeem yeej qhia tias muaj neeg tsiv mus nyob coob tuaj ntxiv ntawm xeev Queensland lawm.
• Muaj neeg coob tshaj 107,500 tus ntawm lwm lub xeev mus nyob lub xeev no.
• Muaj xov xwm qhia tias muaj neeg coob heev ntawm ib lub xeev tau mus nyob ntawm lub xeev no.

Xov xwm txheeb pej xeem qhia tias muaj neeg tau tsiv ntawm txawv xeev mus nyob rau lub xeev Queensland ntau tshaj mus nyob rau lwm lub xeev rau lub sij hawm 5 yoos los no txog rau xyoo 2021.

Thiaj ua rau lub xeev tshav ntuj heev no muaj pej xeem coob tuaj ntxiv vim muaj neeg tsiv ntawm Tasmania thiab ACT mus nyob rau lub sij hawm 5 xyoos los txog rau xyoo 2021, ces thiaj ua rau 2 lub xeev no yog cov xeev uas muaj neeg tsiv mus nyob rau lwm qhov ntau tuaj ntxiv ntawm teb chaws Australia no.

Queensland tej pej xeem uas muaj coob tuaj ntxiv no yog cov neeg uas tsiv txawv xeev mus nyog ntau tshaj 10 npaug piv rau tej uas mus nyob rau xeev ACT - li ntawm 107,000 piv rau 10,600. Hos Tasmania ces tsuas muaj pej xeem coob tuaj ntxiv txog li 15,300 tus xwb.

Interstate migration of people in Australia 2016-2021. Source: SBS / Census 2021, ABS

Aude Bernard uas yog ib tug neeg kawm txog pej xeem ntawm tsev kawm qib siab University of Queensland tau hais tias, tej neeg cov kev xitsiv mus nyob lwm lub xeev hauv teb chaws Australia no yeej tsis yog tej yam xwm txheej tshiab dab tsi.

Raws li nws tau hais ces "Queensland yog lub xeev ntawm Australia uas muaj neeg nyiam mus nyob txij li xyoo 1970s lawm thiab ua ntej ntawd - ces tej kev tsiv mus nyob rau lub xeev no thiaj yog tej xwm txheej uas uas ib txwm muaj xwb."

Mas Bernard tau hais tias vim tus nqe tsev pheej yig, huab cuab, thiab txoj kev ua lub neej yog tej uas ua rau muaj neeg mus nyob.

Nws tau hais tias “Kuv xav tias tej neeg ras txog tias nroog Brisbane yog ib thaj chaw uas tej zaum yuav muaj cib fim ua tau lub neej - thiab muaj lagluam zoo. Tseem muaj ntau yam koom txoos thiab muaj tej lagluam uas tej neeg muaj peev xwm nrhiav tau hauj lwm ua, thiab kuj ua tau hauj lwm ntawm tsev tau yooj yim me ntsis lawm thiab.''

Mvuaj cib fim ntau yam thiab ua tau lub neej yus nyiam

Matthew Poon yog ib tug neeg yees duab thiab nws tsev neeg los kuj tau tsiv ntawm Perth rau lub 8 hli ntuj tsaib no mus nyob rau Brisbane lawm, thiab nws tau hais tias nws nyiam cov kev hloov no.

Ib co laj thawj tseem ceeb ces yog nws tus poj niam hu ua Illiona Quek, xav mus ua dua cov hauj lwm tshiab rau tej lagluam nyiaj txiaj.

Illiona Quek and Matthew Poon moved their family to Brisbane from Perth in 2021. Source: Supplied / Matthew Poon

Nws t tau hais tias "Nws xav nrhiav cib fim kom tau hauj lwm zoo ua tuaj ntxiv vim nws yeej tsis muaj ntau txoj kev xaiv rau nws thaum tseem nyob ntawm Perth li. Vim muaj cib fim zoo ntau yam ntawm Brisbane, Sydney thiab Melbourne."

Txawm li cas los thaum kawg ces nkawv ho nyiaj Brisbane dua, yog li Mr Poon tus poj niam thiaj li caij dav hlau mus ntsib tej tswv lagluam uas seb puas muaj hauj lwm ua ces nws kuj nrhiav tau 3 txoj hauj lwm uas xav kom nws mus ua thiab.

x

Ms Quek tsis yog tib tug neeg tshiab uas mus nyob rau lub xeev uas nws tau txoj hauj lwm tam li yog tus investment manager.

Nws tau hais tias ''Ib nrab ntawm tej neeg ua hauj lwm ces yeej yog tej neeg tsiv ntawm Sydney thiab Melbourne mus nyob rau lub caij muaj kab mob kis thoob teb chaws no."

Lwm yam uas ua rau tej neeg xav mus nyob

Nkawv tsev neeg los kuj nyiam nyob ntawm xeev Queeland.

Nkawv kuj yuav tau ib lub aprtment ntawm ib lub zos hauv plawv nroog Briabane thiab twb teev nkawv ob tug me nyuam npe kawm ntawv ntawm ib lub teej kawm nyob ze nkawv lub tsev lawm.

Txawm tias Mr Poon tau hais tias nkawv lub tsev ib nyuag kim dua yog piv rau tej nqe tsev zoo tib yam yog yuav ntawm Perth, los yeej pheej yig dua yog piv rau cov kev yuav tsev ntawm Melbourne thiab Sydney yog nkawv txiav txim siab mus nyob tiag.

Nws tau hais tias muaj ntau yam zoo pab yus ntawm Brisbane zoo dua tej ntawm Perth, hais tsi ntsees txog tej public transport network los yog tej nom tswv zos, thiab me nyuam yaus tej chaw ua si.

Mr Poon tau hais tias "Tsis tas li ntawd los kuj tseem muaj ntau yam yus ua tau ze ntawm ib puag ncig ntawm tej chaw yus nyob ntawm Brisbane yog piv rau Perth thiab."

Nws nyiam hnav ris luv rau lub caij ntuj no ntawm Queensland thiab nws hais tias nws tej ntxhais los kuj tau txais ntau yam txiaj ntsim thiab.

Yog huab cua sov npaum li cas ces yuav tsis ua rau tej me nyuam mob kiav txhab - ua pob khaus tawv nqaij - li lawv pheej mob ntawm peb tsev ntawm xeev Western Australia (WA).

Mr Poon yog ib tug neeg sib cuag tau nrog lwm tus thiab yog ib tug neeg yees dua ywj pheej uas nto npe ntawm Perth tau hais tias kuj muaj hauj lwm rau nws ua ntau tuaj ntxiv tom qab tau npaj nws tus kheej ntawm thaj chaw tshiab lawm.

Nws tau hais tias nws tau siv lub caij yuav tau npaj nws tus kheej no los tu thiab saib xyuas nws tej me nyuam thiab los pab dej num hauv lub cuab yig.

Txawm li cas los tsev neeg no kuj tseem tsis tau txiav txim siab tias ho yuav nyob ntev npaum li cas ntawm Brisbane thiab.

Txawm Mr Poon xav rov qab mus nyob nrog nws tej txheeb ze ntawm Perth, tab sis Brisbane cov kev yuav ua lub nroog tswv cuab tswj cov kev sib tw 2032 Olympics no kuj yog tej yam ua rau nkawm niam txiv no xav nyob ntxiv thiab.

Lub xeev uas muaj neeg tsiv tawv coob tshaj plaws

Kuj tau muaj tej xov xwm teev txog tej neeg cov kev tsiv ntawm ib lub xeev mus nyob txawv xeev kuj qhia tias lub xeev twg muaj neeg tsiv mus nyob Queeland coob dua.

New South Wales (NSW) yog lus muaj neeg coob tshaj 102,200 tsiv mus nyob.

Ashley Fell uas yog ib tug social researcher ntawm McCrindle tau hais tias tej nqe vaj tse kim, tsheb daig thiab tsis muaj tej haus paus txhim kho zoo siav ntawm NSW tau ua rau tej neeg tawm ntawm lub xeev no mus lawm.

Nws tau hais tias "Tsheb daig, thiab lub sij hawm tos ntau yam ntev heev ntawm NSW thiab muaj ntau zaus ces tej nqe tsev ntawm Sydney no yeej kim txog 14 npaug ntawm tej nyiaj uas tej neeg khwv tau ib xyoos twg thiab, ces thiaj muaj ntau yam laj thawj ua rau tej neeg tsiv tawm ntawm NSW mus lawm."

Xeev Northern Territory (NT), Victoria (VIC), Western Australia (WA) thiab South Australia (SA) ces yog cov xeev uas muaj neeg tsiv tawm mus nyob txawv xeev coob, cov xeev neeg tsiv tawm coob tshaj plaws ces muaj txog li 13,400 leej hos lub xeev uas neeg tsiv tawm tsawg tshaj plaws ces muaj txog 1,600 tus neeg xwb.

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm  Facebook, Googlepodcasts, Spotify, thiab Apple podcasts los yog download SBS Audio App  thiab SBS Hmongpodfollow kom koj mloog tau SBS Hmong.