Thiab mloog tau nws cov lus hais luv luv rau ib tsoom Hmoob thoob qab ntuj tau ntawm no:
Nruas Muas hais tias nws tau mus nrog ntau puas tus neeg sib tw audition thiab ho tau ua movies ntau yam dhau los uas muaj pob Grand Torino tau ua nrog Clint Eastwoods ntawd ces tej zaum cov xwm txheej hais los no thiaj tau pab kom nws tau mus ua tus yeeb yam (Charactor) Chien Po uas yog tus peeb zeej rog rog uas yog Mulan ib tug phooj ywg ntawd lawm.
Nruas qhia tias lawv tau mus ua Suav zaj dab neeg Mulan los los ua movie uas siv neeg ua tiag tiag tom qab lawv tau ua cov animation movies rau xyoo 1998 dhau los lawm.
Tam sim no nws tseem npaj yuav ua nws cov yeeb yam nrog ntau tus neeg, uas muaj neeg Suav, neeg India thiab nws yog ib tug Hmoob nkaus xwb uas tau mus koom ua zaj movie no thiab yeej yog ib qho zoo uas tau muaj ntau haiv neeg los koom ua vim qhia txog keeb kwm ntawm cov neeg Asian yav thaum ub uas muaj ntau haiv neeg tau sib koom ua lagluam ua luam thiab. Tub coj ntawm Disney los yeej pom zoo kom nrhiav ntau haiv neeg los sib koom ua pob movie no.
Nruas qhia tias 2 tug neeg tswj thiab ua pob movie no nrog lub tuam txhab The Walt Disney yog Donnie Yen thiab Jet Li. Tam sim no lawv tseem tab tom ua ib cov ntawm teb chaws New Zealand thiab tseem yuav mua ua pem Suav teb ntxiv, uas cia siab tias yuav tiav rau xyoo 2019, thiab coj los tso rau sawv daws tau saib rau hnub tim 27 lub 3 hlis ntuj xyoo 2020.
Nruas Muas xav qhia rau ib tsoom Hmoob tias yog koj xav ua movie nrog Hollywood los yog xav ua movie ces yuav tau kawm, xyaum thiab nug cov neeg txawj, nug nws los tau nws yeej txaus siab yuav qhia thiab pab li qhov nws pab tau, tab sis nws yuav tsis muaj peev xwm coj tau ib tug neeg twg mus kom cov director ua movie ntawm Hollywood ntiav lawv ua movie, tsuas yog yus yuav tau npaj yus tus kheej kom tshaj lij, kom txawj thiab thaum yus paub thiab ua tau lawm ces yus thiaj yuav mus ua tau nrog luag lwm tsav neeg xwb.
Nruas Muas qhia tias nws kuj xav koom nrog 2 kwv tij Abel Vang thiab Burly Vang los ua movie rau yav pem suab kom coj Hmoob cov kev ua movie mus tau rau hauv Hollywood thiab mus tau ib kauj ruam rau yav pem suab, coj los ua kev txhawb siab thiab txhawb dag zog kom Hmoob kub siab los ua tej movie los sis ua dab tsi los tau yuav tsum rau siab ua kom txawj ua kom tau tiag tiag ces thaum kawg yeej yuav muaj chaw txawb chaw rau.
Kawg no Nruas kuj tau ua tsaug rau ib tsoom Hmoob thoob qab ntuj thiab nws tej phooj ywg uas tau nrog nws zoo siab thiab nws cia siab tias sawv daws yuav npaj cia siab tos saib pob yeej yaj duab no rau thaum hnub tim 27 lub 3 hlis ntuj xyoo 2020 uas coj los tso tawm rau ntiaj teb saib ntawd. #
Listen to SBS Radio Hmong program at on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from and from or you can download news in Hmong and English, and also listen to Hmong podcasts at .
Besides, you can follow us, click like, share and comments at #SBSHmong website at .
Call to have a chat with SBS Radio Hmong Program on + 61 3 9949 2259 or sent your comments to .
