Leej twg yog Scott Morrison? Coj koj mus ntsib thiab sib fim kom ho swm thiab paub txog tus neeg no uas tau los ua Australia tus thawj pwm tsav tshiab tam sim no lawm.
Scott Morrison tau los uas Australia tus coj zum 6 rau lub sij hawm 10 lub xyoo no.
Tom qab tau muaj cov xwm txheej pauv hloov rau Australia cov laj fai kum xeeb los tau ib lub plua (week) no, ces Scott Morrison uas yog Australia tus pwm tsav tswj tsoom hwv tej nyiaj txiag rau tsoom hwv Turnbull txij xyoo 2015 los tau sib tw thiab muaj neeg tawm suab rau nws 45 lub suab nrog 40 lub suab rau Peter Dutton uas yog tus pwm tsav Home's Affairs dhau los ces thiaj ua rau Scott Morrison tau los ua tus coj ntawm pab nom Liberal thiab tau los ua Australia tus thawj pwm tsav tshiab, uas yog Australia tus thawj pwm tsav zum 30 lawm.
Nws tau los sib tw nrog rau Mr. Dutton rau lub plua no tom qab Mr. Dutton rau rov qab qhia rau Australia tus thawj pwm tsav Malcolm Turnbull tias nws xav rov qab los tawm suab dua zaum 2 ntxiv seb puas muaj neeg feem coob pom zoo txhawb nqa nws los ua tus coj ntawm pab nom Liberal Party rau hnub Tuesday dhau los. Tab sis hnub ntawd Mr. Scott Morrison yeej tau qhia rau cov neeg nthuav xov xwm tias nws yuav tsis los sib tw ua tus coj.
Nws tau hais tias "Kuv yeej tseem txhawb nqa kuv tus thawj pwm tsav thiab tsis xav kom tej neeg pheej nug dab tsi ntxiv lawm, thiab yog ib cov lus nug tsis muaj laij thawj dab tsi, vim thawj pwm tsav yeej paub zoo tias kuv zoo li cas lawm, thiab pej xeem Australia yeej paub zoo tias kuv txiav txim siab li cas lawm."
Scott Morrison ho yog leej twg tiag?
Scott Morrison - los yog tej neeg sawv daws paub nws lub npe ua si hu tias “ScoMo” no yeej tau loj hlob ntawm lub zos Bronte raws ntug hiav txwv ntawm nroog Sydney. Nws txiv yog ib tug hau tub ceev xwm thaib yog ib tug nom ntawm pawg nom zos.
Tab sis ntshe nws yeej muaj txoj hmoo zoo, vim nws tsuas tau los ua cov yeeb yam me yuam yaus tsis ntev rau hauv cov kev haub tau yaum hauv TV tau tsis ntev xwb.
Tom qab nws kawm tiav high school lawm ces nws kuj kawm tau honours degree rau fab txuj economic geography ntawm txhooj faj lem University of New South Wales.
Mr. Morrison twb muaj hnoob nyoog 50 xyoo thiab nws tau yuav nws tus hluas nkauj hu ua Jenny uas sib tham thiab sib nyiam thaum tseem yau los ua tab zag thaum nws muaj hnoob nyoog 21 thiab nkawv muaj 2 tug ntxhais.
Nws yog ib tug neeg coj ntseeg kev cai Christianity thiab yeej mus teev hawv tswv ntuj ntawm lub tsev teev ntuj Hillsong-style Pentecostal ntawm nroog Sydney.
Nws kuj tau ua ntau txoj hauj lwm nrog cov nom zos ntau lub los txhawb nqa Australia cov lagluam ntoj ncig (tourism industry) thiab tau los ua tus coj Australia lub koom haum txhawb nqa cov kev ntoj ncig (Tourism Australia) txij xyoo 2004 txog 2006.
Nws tau los ua tus coj ntawm xeev New South Wales pab nom Liberal Party tau 4 xyoos ua ntej nws yuav mus ua nom ntawm tsev tsoom hwv hauv tuam ceeb Canberra rau xyoo 2007, tom qab tau yeej lub rooj nom Cook nyob cov zos sab qab teb ntawm nroog Sydney uas nws yeej tseem ua nom sawv cev rau lub rooj nom no los txog tam sim no.
Scott Morrison's family at 2016 election campaign-AAP Source: AAP
Tab sis nws ho tau ua tej dej num dab tsi xwb thiaj ua rau zej tsoom paub nws zoo tuaj ntxiv?
Thaum nws tau xub xub hais lus thawj zaug thaum tau mus ua nom hauv tsev tsoom hwv, ces Mr. Morrison tau hais tias nws nyiam thiab txaus siab heev rau Mr. Kevin Rudd cov dej num uas tau tawm los sawv cev rau tsoom hwv Australia los thov txim rau Australia tej keeb cag neeg Indigenous Australians ntawm Australia lub tsev tsoom hwv uas nws nyuam qhuav pom ib hnub dhau los ntawd xwb.
Nws kuj tau nqua hu kom muaj cov kev pab cuam rau cov neeg txom nyem ntawm cov teb chaws Africa kom ntau dua tuaj ntxiv uas muaj neeg muab nws tis npe ua U2 front man thiab activist Bono.
Mr. Morrison hais tias "Cov xwm txheej puas tsuaj puas ntsoo no tau tshwm sim los ntawm ntau cov teeb meem xws li tsov rog, kev txom nyem, kab mob kev nkeeg, kev tuag tshaib tuag nqhis, kev lwg noj lwg haus coj tsis ncaj thiab cov kev phem uas tau txeeb ntau phaum neeg lub neej pem suab." Yeej muaj neeg paub Paul Hewson tam li yog Bono, thiab nws tau hais tias " Africa yog ib nrim koog teb chaws uas muaj teeb meem kub ntxhov heev yog li yog thaum muaj neeg los sau thiab teev keeb kwm tseg ces phaum neeg xeeb leej xeeb ntxwv yuav cim ntseg tias peb tau ua dab tsis thiab ho tsis ua dab tsi coj los daws tej teeb meem kub ntxhov uas tau tshwm sim ntawm nrim av (continent) Africa no."
Cov lus Mr. Morrison hais no ces yog hais rau nws tus ntxhais Abbey Rose uas Mr. Morrison thiab Jenny nkawv tso nkawv cov kab tub thiab kab ntxhais los sib tov ua me nyuam (In vitro fertilisation-IVF) thiaj tau nkawv tus ntxhais no thiab cia siab tias yuav npaj kom tau lub neej pem suab zoo tshaj rau nws thiab nws tib phaum me nyuam ntawd.
Nyob rau lub sij hawm 10 dhau los no uas nws tau ua hauj lwm hauv tsev tsoom hwv (Australian parliament), ces nws tau tswj 3 txoj hauj lwm tseem ceeb.
Xyoo 2013 nws tau los ua tus pwm tsav lis laj fai tswj cov dej num neeg tsiv teb tsaws chaw thiab pov puag ciam teb uas nws tau tsimt sab cai "stop the boats" policy () coj los tawm tsam kom txhob muaj neeg nyiag thauj tej neeg tuaj rau teb chaws Australia no thiab txhob muaj cov neeg xav tsiv teb tsaws chaw tuaj rau teb chaws Australia no.
Nyob rau thaum Federal Treasurer Scott Morrison tau los qhia nws cov nyiaj puag xyoo ua zaum 3 ces nws tau hais tias yuav kom cov neeg tawg tsov tawg rog yuav tau tos ntev 2 npaug ntxiv mam li muaj cai mus siv cov services pab nrhiav hauj lwm ua.
Xyoo 2018 no Mr Morrison tau hais kom lub koom haum tswj kev ruaj ntseg haiv (ASIO) muab cov kev txheeb xyuas cov neeg thoj nam cov kev ruaj ntseg ncua kom lawv lub caij nyoog dhau lub caij tsim nyog kom lawv tsis txhob tau cov permanent protection visas.
Tab sis Mr. Turnbull tau tawm los pov puag Mr. Morrison rau lub caij uas zej tsoom tsis txaus siab rau nws loj kawg nkaus vim cov xwm txheej tau tshwm sim no.
Mr. Turnbull hais tias " Peb yuav tsis thov txim dab tsi rau cov kev xa ib tso xo meej tseeb tshaj plaws no mus rau cov neeg uas pheej nrhiav kev thiab nyiag coj cov neeg tuaj rau teb chaws Australia no tias, yog nej xav tias nej muaj peev xwm siv cov neeg nyiag coj lwm tus tej nkoj no nyiag tuaj rau teb chaws Australia no ces nej xav yuam kev lawm. Nej yuav tsis tau tuaj rau lub teb chaws Australia no thiab nej yuav tsis tau permanent resident kom tau nyob ruaj hauv teb chaws Australia no."
Ntxiv ntawd Mr. Morrison kuj tau tswj txoj dej num tus pwm tsav lis laj fai pab zejtsoom tau 9 lub hlis ua ntej nws yuav raug teeb tsa los ua tsoom hwv Australia tus pwm tsav tswj nyiaj txiag rau lub 9 hlis ntuj xyoo 2015 ntawd.
Tab sis nws ho ua tau hauj lwm dab tsi tiav?
Xyoo 2016 uas nws raug lub chaw nthuav xov xwm Fairfax Media interview ntawd ces nws tau qhia tias, nws yeej xav los ua tus pwm tsav tswj peeb zeej thiab yeej tsis xav tias yuav los ua tus pwm tsav tswj nyiaj txiag li. Yog li ces nws thiaj tau hais kom Peter Costello uas yog Australia tus pwm tsav tswj nyiaj txiag dhau los uas ua txoj hauj lwm no ntev tshaj plaws kom ua tus qhia nws kom nws txawj thiab paub ua txoj hauj lwm no.
Nyob rau lub caij uas Mr. Morrison tseem ua tus pwm tsav tswj nyiaj txiag rau tsoom hwv Turnbull no, nws kuj tau txhawb nqa cov tswv yim lagluam coj los tsim kom kwv tau nyiaj coj los pab tsoom hwv cov teeb meem tsis muaj nyiaj txaus siv, vim yog muaj nyiaj ntau txaus rau sawv daws siv ces sawv daws yuav tau tau txiaj ntsim tib yam.
Nws hais tias "Yuav tsum ua lub pie los yog lub ncuav mog qab zig kom loj zog es thiaj txaus sawv daws noj, tsuas yog peb tsis tshua txhawj txog xeeb Western Australia pes tswg xwb vim nws yeej tau txaus lawm," thaum nws qhia txog tsoom hwv cov nyiaj puag xyoo dhau los ntawd.
“Nws tau hais ntxiv tias yog li ntawd 4 xyoos ntxiv no peb tus tsoom hwv yuav los xyuas kom nrhiav tau cov nyiaj GST (Good and Services Tax) kom txog li $6.5 billion no."
Thaum ntxov lub xyoo 2018 no nws tau thov kom pej xeem Australia tso sib thiab muaj txoj kev ntseeg siab rau nws tus tsoom hwv koom tswj (Coalition government) uas yog 2 pab nom Liberal National Party los sib koom ua tus tsoom hwv koom tswj tus tsoomhwv Turnbull ntawd thiaj tau qhia tias, coj kev thaj yeeb tiaj tus thiab ruaj ntseg yog ib yam tseem ceeb tshaj plaws.
Yog li ntawd tam sim no thiaj ua rau Australia cov lagluam nyiaj ntxeem dhau ntawm ntu nyiaj heev uas tau tshwm rau ntau phaum neeg uas peb pom no maj mam zoo zuj zus thiab ruaj khov tuaj lawm, tab sis raws li qhov tseeb tiag ces tej lagluam loj hlob huam vam tuaj no los yeej tsis yog txhua leej txhua tus yuav tau txais txiaj ntsim tib yam. Vim rau qhov tseem yuav siv caij nyoog ntev ntxiv.
Mr. Morrison hais ntxiv tias “Yog li thiaj tseem ceeb heev uas peb yuav tsum tau lis tej dej num peb npaj tseg kom tiav, vim twb ze ze rau qhov peb yuav ua tiav peb lub homphiaj lawm, thiaj xav kom peb yoog thiab ua raws tej cai peb tau npaj tseg ntawd kom tiav tso."#
Listen to SBS Radio Hmong program at on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from and from or you can download news in Hmong and English, and also listen to Hmong podcasts at .
Besides, you can follow us, click like, share and comments at #SBSHmong website at .
Call to have a chat with SBS Radio Hmong Program on + 61 3 9949 2259 or sent your comments to .
