Nyob teb chaws Australia no yog koj tau Medicare siv ces yuav tau txais txiaj ntsim ntau yam rau koj. Vim koj siv tau ntau cov kev kho mob dawb xwb tsis tau them dab tsi los yog tsuas tau them me ntsis xwb los yog tseem tau them tej nqe tshuaj pheej yig dua tau siv cov kev kho mob ntau yam tom zej tsoom tej tsev kho mob thiab.
Leej twg muaj cai thov tau siv?
Koj yuav tsum yog tus neeg tuaj nyob rau teb chaws Australia thiaj yuav thov tau Medicare card siv thiab koj yuav tsum yog cov neeg zoo li no:
- Yog ib tug pej xeem neeg Australian los yog pej xeem neeg teb chaws New Zealand,
- Yuav tsum yog tug neeg nyob ruaj permanent resident (losyog cov nyob Australia ruaj tab sis mus txawv teb chaws lawm rov qab los-returning residents),
- Yuav tsum yog tus neeg tseem thov kom tau cov permanent visa nyob tau ruaj thiab muaj cai ua hauj lwm hauv teb chaws Australia los sis muaj ib tug niam ib tug txiv los yog ib tug txwj nkawm los yog ib tug me nyuam uas yog pej xeem neeg Australia los yog yog cov neeg nyob ruaj hauv Australia thiab yog pej xeem neeg teb chaws New Zealand tuaj nyob hauv Australia.
- Tau tsoom hwv tej tuam chav tej ntaub ntawv pov puag (Ministerial order),
- Los sis yog cov neeg nyob ntawm Australia ib cov pov txwv.
Thiab koj yuav thov tau Medicare card siv yog tias koj yog cov neeg ntawm cov teb chaws uas tau pom zoo fab kev tswj kev noj qab haus huv nrog teb chaws Australia (Reciprocal Care Agreement country) uas tam sim no Australia tau pom zoo nrog 11 lub teb chaws uas muaj teb cov teb chaws UK, Belgium thiab Italy nrog rau lwm lub teb chaws thiab.
Txheeb xyuas tau cov npe teb chaws thiab tej zwj ceeb pub koj siv tau ntawm no.
A man walks into a Medicare and Centrelink office at Bondi Junction on March 21, 2016 in Sydney, Australia. Source: Getty
Yuav teev zwm npe li cas kom thiaj thov tau siv:
Koj yuav tsum tau sau daim ntawv ntawm no , uas koj yeej muaj peev xwm download tau ntawm lub tuam chav pab zejtsoom Department of Human Services (DHS) lub vam sab (website ) los yog nrhiav tau ntawm ib lub chaw Medicare nod tau .
Thaum koj sau daim ntawv no tiav lawm, ces koj yuav tsum xa rau los yog coj mus rau lub chaw nrog rau tej ntaub ntawv uas lawv hais kom koj nrhiav ntawd. Tab sis kuj yuav siv tej ntaub ntawv txawv nyob ntawm seb koj yog pej xee, los sis cov neeg nyob ruaj los yog cov neeg thov visa tuaj nyob xwb.
Ho yuav mus thov nyiaj rov qab li cas yog koj them thaum koj siv cov kev kho mob lawm:
Thaum koj thov Medicare siv, ces koj muaj peev xwm link rau koj phaub ntawv khaws nyiaj siv (bank account) tau. Feem ntau ces koj yeej muaj peev xwm thov tau cov nyiaj no kiag ntawm cov kws kho mob chaw hauj lwm, thiab li 2-3 hnub tom qab ces lawv yuav xa rau koj phau account lawm.
Yog ho thov (claime) tsis tau thaum koj mus ntsib kws kho mob kiag ces koj xa ntawv rau lawv, los yog mus thov hauv los sis siv Medicare cov app ntawm no tau tib yam.
Hank Jongen ua syog tus kis hais lus sawv cev rau lub tuam chav pab zej tsoom no hais tias “Yog koj downlaod Medicare cov app siv rau koj lub xov tooj ntawm tes lawm, ces koj yeej muaj peev xwm siv koj lub xov tooj claim los tau."
"Thiab yog koj siv cov app no ces koj yeej muaj peev xwm siv koj lub xov tooj yees tau cov receipts uas DHS xav tau thiab koj yuav tsum tau muab rau lawv ces koj yeej upload tau rau lawv tau thaum koj siv Medicare app no thiab."
Overview of Medicare app-Department of Human Serivces-Australian Government Source: Australian Government
Cov kev pab cuam txhais lus yog koj tsis paub ntawv Askiv zoo:
Koj siv tau Medicare tus zauv xov tooj 132 011 hu nug tau ntau yam cuam tshuam txog Medicare 24 teev tau ntawm no
Yog koj xav tau neeg txhais lus ces hu rau lub koom haum txhais ntaub ntawv thiab txhais lus tus xov tooj 131 450 tau.
Cov neeg tsiv teb tsaws chaw (migrants) ne?
Yeej muaj neeg coob heev li cov neeg thov cov working-holiday visa los yog student visas tsis muaj cai thov tau cov Medicare no siv.
Yog li Stephen Duckett ntawm lub chaw teeb txheeb Grattan Institute thiaj xav taw qhia kom cov neeg no yuav tsum tau yuav cov nyiaj tuav pov hwm tswj kev noj qab haus huv ntiag tug (Private Health Insurance) pov puag lawv tus kheej.
Nws tshab txhais ntxiv tias "Vim Medicare tsuas yog ib cov kev pab cuam tswj kev noj qab haus huv tsim rau Australia tej pej xeem thiab cov neeg tuaj nyob hauv Australia no ruaj siv xwb,"
"Yog li ntawd yog tias koj yog cov neeg tsiv teb tsaws chaw nyuam qhuav tuaj nyob tshiab hauv teb chaws Australia, ces tej zaum koj kuj yuav muaj cai siv tau Medicare thiab, tab sis feem ntau yej tsis tau siv li."
"Qhov no txhais tau tias koj yuav tsum yuav cov private health insurance kom koj tiaj muaj peev xwm them tau tej nqe siv tsev kho mob thiab kev kho mob."
Yog koj ho yog cov neeg thoj nam tawg tsov tawg rog uas tsis muaj cai siv cov Medicare, ces yeej muaj qho lu koom haum pab cuam ntawm tej xeev pab koj thiab li lub chaw pab cov neeg thoj nam no , yuav pab koj them koj tej nqe kho mob thiab.
Yog koj xav totaub kom ntxaws tshaj no ntxiv ces mus txheeb xyuas lub tuam chav pab zej tsoom (Department of Human Services-DHS) lub vam sab ntawm no tau.
Nyem ntawm no coj koj mus nyeem tau zaj xov xwm tias seb yuav mus txheeb xyuas tau koj tej xov xwm tswj kev noj qab haus huv tau li cas ntawm no.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
Mus download tau SBS Radio app tau hauv Google Play thiab App Store ntawm tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no:
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
