सदनको स्वीकृति सँगै साउथ अस्ट्रेलिया गर्भपतनलाई कानुनी मान्यता दिने पछिल्लो राज्य हुन पुगेको छ ।
गत फेब्रुअरीमा “टर्मीनेसन अफ प्रेग्नेन्सी विधेयक” संसद्को तल्लो सदनबाट १५ का विरुद्ध २९ मतबाट पारित भएको थियो ।
नयाँ कानुन अन्तर्गत गर्भपतनलाई अपराधका दृष्टिकोणले नभई स्वास्थ्यका दृष्टिकोणले हेरिनेछ ।
२२ हप्ता ६ दिन सम्मको गर्भलाई एक चिकित्सकको रोहवरमा गर्भपतन गर्न सकिनेछन् ।
त्यस पछिको अवधिका गर्भमा भने कम्तीमा पनि एक अन्य चिकित्सक सँगको सल्लाहमा स्वास्थ्यमा असर नपर्ने अवस्थामा मात्र गर्भपतनलाई मान्यता दिइनेछ ।
स्वास्थ्यमा गम्भीर असर पर्ने अवस्थामा भने गर्भपतनलाई मान्यता दिइने छैन ।
“ऐतिहासिक दिन”
महान्यायाधिवक्ता भिकी च्यापम्यानले कानुन पास हुनु साउथ अस्ट्रेलियाली महिलाहरूका लागि ऐतिहासिक दिन रहेको बताएकी छन् ।
“यो निर्कै लामो र कुरूप यात्रा हो,अन्ततः हामीले गर्भावस्था सम्बन्धी आधुनिक कानुन पाएका छौ,गर्भपतनलाई अब अपराध नभई स्वास्थ्यका दृष्टिकोणबाट हेरिनेछ ।” उनले भनिन् ।
अधिकारवादी संस्था फेयर एजेन्डाले कानुन पास भए सँगै सबै मानिसहरूले चाहेको बेला र चाहेको जस्तो स्वास्थ्य सेवा प्राप्त गर्ने बताएको छ ।
ह्युमन राईट ल सेन्टरले साउथ अस्ट्रेलियामा कानुन पारित हुनुको मतलब अब केवल वेस्र्टन अस्ट्रेलियाले मात्र गर्भपतनलाई अपराध संहिता अन्तर्गत हेरिरहेको हुने बताएको छ ।
“वेस्र्टन अस्ट्रेलियाले साउथ अस्ट्रेलियालाई पछ्याउँदै,समयमै प्रजनन स्वास्थ्य सेवामा आईपर्ने सबै अबरोधहरुलाई हटाई अन्य क्षेत्रमा झैँ अधिकार प्रदान गर्ने समय आएको छ । ” संस्थाकी प्रवक्ता मोनिक हुर्लेले भनिन् ।
