Key Points
- آسټرالیا د هغو هیوادونو په لیست کې شاملیږي چې د حکومتونو لخوا کارونې وسايلو کې ټیک ټاک منع کوي.
- د دې اقدام هدف د ایپ لخوا رامینځته شوي امنیتي خطرونه محدودول دي.
- د لوی څارنوال لارښوونه به ژر چې عملي کیږي.
د ټولنیزو رسنیو اپلیکیشن TikTok د امنیتي اندیښنو له امله د هغې کارونه د آسټرالیا د حکومتي وسایلو څخه منع شوی دی.
لوی څارنوال مارک ډریفوس د سه شنبې په ورځ په یوه بیان کې په ټیک ټاک بندیز تایید کړ.
"نن ما د لوی څارنوالۍ څانګې سکرتر ته اجازه ورکړه چې د محافظتي امنیت پالیسۍ چوکاټ لاندې لازمي لارښود صادر کړي ترڅو د کامن ویلت څانګو او ادارو لخوا صادر شوي وسایلو کې د ټیک ټاک ایپ منع کړي."
ښاغلي ډریفوس وویل، "لارښوونه به څومره ژر چې کيږي عملي او تطبیق شي. معافیت به یوازې ځينو قضيو ته په کتو ورکول کيږي."
'ډیر مایوسه کوونکی'
لی هینټر، د ټیک ټاک آسټرالیا او نیوزیلینډ عمومي مدیر وویل ، شرکت د دې پریکړې سره "خورا مایوسه" دی.
ښاغلي هنټر په یوه بیان کې وویل، "[پریکړه] د سیاست له مخې شوې او حقايق په نظر کې ندي نيول شوي. موږ هم مایوسه یو چې TikTok، او په ملیونونو آسټرالیایان چې دا کاروي، د رسنیو له لارې د دې پریکړې څخه د زده کړې لپاره پاتې شوي.
دا ټول سره له دې چې د حکومت سره د رغنده ښکیلتیا لپاره مونږ په وار وار سره حکومت سره خبرو کولو وړانديز هم کړی ترڅو د هغوی انديښنو ته ځواب ووايو."
"یو ځل بیا، موږ ټینګار کوو چې هیڅ داسې شواهد شتون نلري چې وړاندیز وکړي چې ټیک ټاک په هیڅ ډول د آسټرالیا لپاره یو امنیتي خطر ندی او باید د نورو ټولنیزو رسنیو پلیټ فارمونو سره پر وړاندې په بل نظر ونه کتل شي."
LISTEN TO
آيا مونږ ټولنيزو رسنيو پر سمې کارونې پوهيږو؟
SBS Pashto
22/02/202112:18
امنیتي اندیښنې
د TikTok په اړه اندیښنې د چين ملي قوانینو له مخې د چین حکومت لخوا د معلوماتو راټولولو او لاسرسي احتمال پورې اړه لري چې ياد هيواد کولی شي شرکتونه دې ته اړ کړي چې معلومات وسپاري.
د ویکټوریا لومړي وزیر ډینیل انډریوز ، چې له ۱۰۰،۰۰۰ څخه ډير ټيک ټاک پیروان لري ، دمخه تایید کړې چې هغه به خپل حساب حذف کړي ، مګر هغه ته تر دې دمه د اسټراليا ملي امنيت ته ګواښ په اړه د ياد اليکيشن کارونې په اړه معلومات ندي ورکړي.
هغه خبریالانو ته وویل چې د هغه حکومت به د ملي امنیت په مسلو کې د خپلو فدرالي رهبري تعقیب کړي.
امريکا، انګلستان، کاناډا او نيوزيلينډ هم پر دولتي وسايلو کې د ټک ټاک پر کارونې بنديز لګولی.
