د ترهګرۍ ضد پولیسو یوه اوونۍ وروسته له هغه چې د سیډني په یوې کلیسا کې د ژوندنۍ ټلویزیوني خپرونې پرمهال بشپ په چړې ووهل شو، د دغه ښار پر ګڼو ملکیتونو چاپې وهلې دي.
پولیسو په یوه بیان کې ویلي: "د عامه خوندیتوب لپاره اوسمهال کوم ګواښ شتون نلري او دا د انزک ورځې له مراسمو سره هېڅ تړاو نلري."
پولیسو ویلي، د دغو چاپو په اړه لا ډېر معلومات به وروسته شریک کړي.
د تروریزم ضد ډله له ایالتي او فدرالي پولیسو او همدارنګه د آسټرالیا د استخباراتي ادارې (ASIO) او د نیو ساوت وېلز د جرمونو کمیسیون له مامورینو څخه جوړه شوې ده.
د لټون دغه امرونه د سیډني په یوې کلیسا کې د چړې له برید وروسته چې یو ۱۶ کلن هلک په کې تورن دی، عملي کېږي.
