ډیری هغه آسترالیایان چې په خپله ماشومان نلري، له نورو هېوادونو څخه داسې ماشومان چې کورنۍ نلري، په فرزندي توګه اخلي او آسټرالیا ته یې راولي.
اوس مهال آسترالیاد د نړۍ له یو شمېر هېوادونو سره د آډاپشن یا ماشوم خپلولو تړونونه لري، مګر له بهر څخه په فرزندي توګه د یوه ماشوم ترلاسه کول یو اوږده پروسه ده او قوي ژمنې ته اړتیا لري.
آسټرالیا اوسمهال د نړۍ له ۱۳ هېوادونو سره داسې تړون لري چې آسترالیایانو کولای شي له دغو هېوادونو څخه په رسمي ډول فرزندي ماشومان خپل کړي او آسترالیا ته یې راولي.
خپرې شوې شمېرې ښيي چې د ۲۰۱۹ او ۲۰۲ کلونو ترمنځ په مالي کال کې آسترالیایانو ۳۳۴ ماشومان له ۳۷ هېوادونو څخه په فرزندي توګه خپل کړي.
که چېرې دغه شمېرې له هغه وړاندې ۱۵ کلونو سره پرتله شي نو کموالی په کې په سترګو کېږي.
که چېرې تاسو غواړئ، د نړۍ له یوه بل هېواد څخه یو ماشوم خپل کړئ او په فرزندي توګه یې لوی کړئ نو تاسو ته پکار ده ترڅو په خپل ایالت او سیمې کې له مسئولې ادارې سره خبرې وکړئ.
يادې موضوع په اړه بشپړ رپوټ لرو چې دلته يې اوريدلی شئ.
