- To'a 10,000 tagata faatagaina i le malae tutu'u mo le Melbourne Cup ae tatau ona mae'a uma tui puipui
- O'o i le 90% o tagata i NSW ua faia tui muamua ae o sauni atu le Setete e tatalaina vavao a taeao.
- Ono pesia nisi mai se tagata faigaluega i luga o le vaalele a le Virgin Airlines
Vitoria
E to'a 1,890 tagata na pesia mo le taimi muamua i Vitoria i le Koronavairusi ma le to'a lima na maliliu ai i le aso ua mavae. Mai le to'a 602 o tagata o loo togafitia i le falema'i ona o le KOVITI-19, o le to'atele lava o i latou e le'i mae'a ni tui puipui.
Ua faaalia e Premier Daniel Andrews nisi o fuafuaga a le malo setete e faata'ita'i ai le toe tatalaina o Vavao pe a 'ausia le 80% o tagata e mae'a ona faia tui puipui i Vitoria.
O se koniseti musika i Melbourne i le Aso 30 o Oketopa o le a faatagaina le 'ova i le tolu afe tagata.
O le tu'uga lauiloa le Melbourne Cup i le Aso 2 o Novema, o le a faatagaina tagata e to'a 10,000 ae tatau ona mae'a tui e lua.
New South Wales
E to'a 477 tagata na pesia i New South Wales i le aso ua mavae ma le to'a ono na maliliu i le Koronavairusi.
Ua 'ausia e NSW le 90% o tagata 16 tausaga aga'i i luga le matutua, ua mae'a tui puipui muamua.
O le 72.8% o tagata i le matutua lava ea ua mae'a tui puipui e lua.
24 itula ua mavae i Ausetalia
- Leai seisi na pesia i Queensland.
- To'a 30 tagata na pesia i le ACT, o loo suesueina le auala na pesia ai le to'a 14 o i latou nei.
- O loo faia suesuega i le ono pesia o nisi mai se tagata faigaluega i luga o le vaalele a le Virgin Airlines, o se tagata e aumau i Melbourne, ae na faigaluega i malaga i le va o Melbourne ma Adelaide, Sini ma ae o pesia i le va o le Aso 4 ma le Aso 6 o Oketopa.
Quarantine, femalaga'iga, nofoaga o tests ma le totogi pandemic disaster payment
O mataupu i le Quarantine ma le faia o tests, o matafaioi a malo Setete ma Teritori:
A e fia faimalaga i se atunu'u i fafo, e ono mafai ona e talosaga mo se faatagaga i luga o le 'upega o feso'ota'iga. mo nisi faamatalaga i auala e mafai ai ona e malaga i fafo mai Ausetalia. E iai aiaiga le tumau mo malaga faavaomalo o loo iloiloina i taimi uma e le malo ma e mafai ona e mauaina faamatalaga i luga o le website.
- Talafou ma isi faamatalaga i gagana e 'ova i le 60
- Ta'iala talafeagai mo lou Setete poo Teritori: , , , , , , .
- Faamatalaga i le le Gagana Samoa.
Asiasi i le NSW Multicultural Health Communication Service faaliliuina:
Nofoaga mo tests i lou Setete poo Teritori:
Faamatalaga i totogi pandemic disaster payment i lou Setete poo Teritori: