- Toe tatala Niu Sau Uelese ma fautuaga ia faaeteete mai le Premier
- Faalauiloa seisi campaign fou a Vitoria e faatatau i tui puipui
- Aga'i ese le palemia, Scott Morrison mai nofoaga faanofoesea
Niu Sau Uelese
Ua faamauina i Niu Sau Uelese cases fou e 496 ma tagata e toavalu ua maliliu E toalua tagata maliliu lipotia mai i nofoaga faanofoesea.
Ua aveesea aiaiga o vavao sa feagai ma le setete i le mae'a o aso e 106, ma ua mafai nei ona toe tatala fale toleni, cafes, faleaiga, faleoloa ma fale 'otiulu.
Fai mai le Premier, Dominic Perottet e tatau i pisinisi uma pe a mafai ona faamautu o lo'o sa'o faamatalaga o tui puipui o lo'o tuuina atu e tagata.
O aiaiga o le vavao ua o'o atu ai i le pe a ma le tasi le piliona le tupe alu a le setete i le vaiaso ma ua faailo foi e le premier le faaitiitia o tagata faigaluega.
Na ia taua o lo'o galulue nei ma le faigamalo a le Feterale e tuutuu mai i luma le aso e toe tatala ai tuaoi faavaomalo.
'E le mafai ona nonofo ai faapea i lenei pito o le lalolagi, e manaomia ona toe faafoi mai tagata Ausetalia i le atunuu", faamatalaga lea a le premier.
Vitoria
Faamauina i Vitoria, cases fou e 1,612 ma tagata e toavalu ua maliliu. E 677 tagata o lo'o taofia i maota gasegase, 133 o i latou o lo'o i le ICU ma le toa 94 o lo'o faaaoga le masini faamanava.
81,000 tui puipui na tufatufaina i le setete i le aso Sa.
Unaia e pulega o le setete tagata talavou ia faamautinoa e faia tui puipui o o latou aiga.
O le minisita o le Soifua Maloloina, Martin Foley na ia faaalia o tui puipui a le mRNA, le Moderna ma le Pfizer o le a avanoa mai mo tagata i soo se matua i Vitoria. O le setete ua o latou faailoa seisi campaign fou mo le faia o tui puipui, "Vaccine is the ticket", ao lumanai ai fuafuaga mo le toe tatalaina o le setete,
Saili se nofoaga e fai ai tui puipui lata ane ia oe
ACT
Ua faamauina i le ACT cases fou e 32. E 97.8 pasene o tagata e tai 12tausaga ma sili atu, ua mae'a nei ona faia tui puipui muamua
Kiliki ina ia faatonu sou avanoa mo se tui puipui i le asō
Le 24 itula talu ai i Ausetalia
- Leai se case o le koviti 19 e faamauina i Kuiniselani.
Faanofoesea, faimalaga, nofoaga mo le faia o siaki ma peimeni o le faama'i
O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.
Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.
- Talafou ma Faamatalaga i le silia ma le 60 o gagana ile
- Taiala talafeagai mo lou setete poo le teritori: , , , , , , .
- Faamatalaga e faatatau ile .
Asiasi ile auaunaga ua faaliliuina a le NSW Multicultural Health:
Fesootaiga
Nofoaga mo le faia o siaki i setete ma teritori:
Faamatalaga mo peimeni o le faama'i i setete