Key Points
- O taua 'ustralian Wars e fa'ato'a talafeagai ona aloa'ia ina ua talia le finauga ne tete'e ma manumalo i le 'Terra Nullius.
- O taua Australian Wars na tauina i 'ele'ele uma o le atunu'u, mai le taimi na taunu'u ai va'a muamua o papalagi i le 1788 e tau i le ogatotonu o le 1930.
- O fa'amaumauga ma molimau mai le 'ele'ele ua iloa ai o ni taua saua ma tele le toto na fa'amaligiina ai.
LAPATA'IGA: O lenei lomiga ma potekasi e iai ni vaega e ono fa'atiga lagona i nisi.
Ina ua taunu'u i laufanua o le atunu'u lea ua tatou fa'aigoaina nei o Ausetalia, na ia fa'aaogaina le 'upu 'Terra Nullius', e fa'aigoa ai le atunu'u na ia tau iai. O le uiga o lea 'upu, e leai se tasi e pule ai. Peita'i, i le taimi na taunu'u ai Kuki, e faitau selau itu'aiga o tagata muamua Aboriginal ma atumotu o le Torres Straits ua faitau afe tausaga o nonofo i nei 'ele'ele. O lana fa'a'upuga na vave ona tu'uina ai tagata muamua i lalo o le pule e le aiga tupu o Peretania.
O le mafua'aga lea o taua le , o ni taua ne tele le toto na fa'amaligiina ai i le va o tagata muamua ma papalagi na amata ona foafoa ai le atunu'u ua tatou fa'aigoaina o Ausetalia. O se tala fa'asolopito lea fa'ato'a amata ona aloa'ia.
o se tama'ita'i Arrernte ma Kalkadoon e iai sona pito papalagi. Na ia tusia ma pu'eina le ata “The Australian Wars”, o lo'o fa'amatala ai taumafaiga a tagata muamua e puipuia o latou fanua ma 'ele'ele mai le faoa fa'amalosi e papalagi.
O taua nei na tauina i Ausetalia, ma o taua na foafoa ai le atunu'u ua tatou aumau ai nei.Rachel Perkins, Filmmaker.
na tauina i le atunu'u atoa, mai lava i le taimi na taunu'u ai va'a muamua o papalagi i le 1788, e tau mai i le 1930 ma ona tupu, ae o nei taua e le'i a'oa'oina i mata'upu o a'oga pe na va'ai iai o ni taua e o'o mai i le fa'ai'uga o le senituri 20.
o se tasi e fa'apitoa lona tomai i le tala fa'asolopito, ae maise le tala fa'asolopito o taua. I le taimi na faia'oga ai i le tala fa'asolopito i le 1966, e le'i iai ni fa'amatalaga i tagata muamua i tusi talafa'asolopito.
“Pe na ona fa'alua ona iai se fa'amatalaga i tagata muamua, ae le maua fo'i i le vaega o le index o tusi."
Fa'aaliga o le The Australian Wars:
Na saunoa Prof Reynolds e mafua lea ona o le va'ai iai a tagata lautele o taua le Frontier Wars e le o se taua e pei o isi taua, sa tele ina va'ai iai o le itu'aiga guerrilla war.
“Na tele ina va'ai iai o se taua e la'ititi ma le'i faia i se malae e tasi ae salalau solo, ma e le'i fusia i le fa'auigaina masani o se taua. E le'i iai ni togiga fa'afitafita po'o ni savali fitafita .... e le'i ofi i le va'aiga fa'alemafaufau a tagata lautele i se taua e pei ona masani ai, peita'i e matua manino, o le taua le mea na faia."
, o seisi e lava lona silafia i le Australian Frontier Wars. Na ia saunoa o le va'aiga i taua nei i le va o tagata muamua ma papalagi, na fa'aseseina ina ua fa'atusa i le taua muamua ma le taua lona lua o le lalolagi.
Peita'i o taua na e le masani ai i le tala fa'asolopito o tagata.
“I le taimi na tupu ai na latou fa'aigoaina o le taua. O fa'amaumauga uma a le malo kolone na fa'aigoaina o le taua, ae na nenefu le va'ai iai a tagata i le senituri 20 ma le 21. 'E le taumate fo'i e iai ma manatu fa'apolitiki e te'ena ai e nisi o ni taua," saunoa ai Dr Clements.
O finauga fa'apolitiki nei e maua i fete'ena'iga i le fa'auigaina fa'aletulafono o le ‘Terra Nullius’ ma tulafono a Peretania. O tagata Aboriginal na va'ai iai o tagata i lalo o le pule a le aiga tupu po'o le malo Peretania, o lona uiga, a fa'apea mai o se taua, ua toe tau lava le Malo Kolone ma ona tagatanu'u," saunoa ai Rachel Perkins.
“Peita'i na fa'aaoga e Peretania lana militari e fa'amalosi ai lana pule i tagata i le atunu'u,"
Frontier conflicts took place across the nation. Source: Supplied / Australian War Memorial Source: Supplied
Mabo ma le fa'ato'ilaloina o le 'Terra Nullius'
O taua Australian Wars na fa'ato'a aloa'ia ina ua lu'i i le fa'amasinoga le uiga o le ‘Terra Nullius’ ma aumai ai le fa'ai'uga i le 1990 i le tagi na fa'aulu ma ua fa'aigoaina o le Mabo decision.
“E tau mai i le taimi lena, o le manatu ta'atele na iai, e le pule tagata muamua Aboriginal i ni fanua, o lona uiga o se taua e le mafai ona fa'apea mai o se taua po'o ai e ona le pule i fanua, ona e le'i iai se mea e ta'u o se pule i se fanua. Ae talu mai le fa'ai'uga a le fa'amasinoga i le 1992, na suia ai le va'ai i taua nei, ona ua atagia ai na tauina i mafua'aga masani o taua - o le pule i fanua ma 'ele'ele," saunoa ai Prof Reynolds.
Na saunoa Dr Clements e faigata ona talia le tulaga na silasila ai le Malo Kolone Peretania i le pulea e tagata muamua o fanua ma 'ele'ele.
“I le fatu ma le ogatotonu o le manatu na faavae ai faigamalo kolone a Peretania i Ausetalia, o se talitonuga sese. E le pei o isi atunu'u na sosolo iai faigamalo kolone a Peretania, e le'i aloa'iaina e le malo kolone le pule tutasi a tagata muamua i o latou fanua ma 'ele'ele. O le mafua'aga lea o le leao o ni feagaiga, leai se taumafaiga e feutaga'i ma tagata muamua, ma e o'o mai i aso nei, o lo'o tu sameme ma leai se tulaga manino i aia tatau a tagata muamua i o latou fanua."
Ma o le le mafai ona feutaga'i, na mafua ai ma taua ma le toto maligi.
o lo'o iai molimau o tagata muamua na maliliu i taua nei - o nisi i auala sili ona saua ma fa'atauga.
Na saunoa Rachel Perkins:
O le to'atele o tagata Aboriginal ua masani i talatu'u mai auga tupulaga ua mavae. O tala tu'ugutu ma tu'utaliga nei mai tua'a i fanau i auga tupulaga. Na ou fa'alogo i faiga saua na faia i lo'u great grandmother, etc.Rachel Perkins, Filmmaker.
Rachel Perkins - The Australian Wars Credit: Dylan River/Blackfella Films
O le Black War
“I le Black Wars e to'atele atu tagatanu'u Tasmania na maliliu ai nai lo tagata Tasmania na maliliu i taua i Korea, Malaysia, Indonesia, Vietnam, atoa ai vaega'au tausi filemu," Rachel Perkins.
Na fa'aalia e Dr Nicholas Clements o le taua lea na molimauina ai nisi o faiga sili ona saua na fa'apopoleina ai le pulega o le kolone.
Na o'o ina manatu ai nisi e toe tu'ua le kolone.Dr Nicholas Clements, Australian Historian.
Ae na fa'aauau ma malo ai papalagi ma to'ilalo tagata muamua o Tasmania.
O le isi mafua'aga o le saua o le taua, ona o le ta'atele ai o feusua'iga fai fa'amalosi.
“O le mafua'aga o le saua tele o le taua lenei ona o feusua'iga fai fa'amalosi na faia e papalagi i le itupa o teine ma tamaita'i," Dr Clements.
“Toetoe lava ina soloia atoa le aofa'i o tagata muamua i Tasmania i le taua lenei."
Eddie Mabo with his legal team. Source: SBS Credit: National Museum of Australia
Tau le afi i le afi
I nisi o vaega o le atunu'u na fa'avaeina ai se vasega o leoleo i tagata muamua ma fa'aigoaina o le Native Police, o se itu'aiga vaega'au.
“Na fa'aaoga fitafita o tagata muamua e pei o se vaega'au a leoleo. O le vaega lenei na titinaina le mau tete'e a tagata muamua." Professor Reynolds.
Na tu'uina iai la'ei o togiga, fana ma solofanua, ma na saunoa Dr Clements na fa'aaogaina fo'i e leoleo papalagi e maua mai ai le poto ma le malamalama i sa'iliga i le vaomatua.
“E i le va o le 60,000 ma le 80,000 tagata muamua i Queensland na maliliu ai ona o le galuega a leoleo militari nei o tagata muamua."
A nineteenth century engraving of an aboriginal camp - Marmocchi Source: Getty Source: Getty
“Pe na auai iai ou tua'a pe leai, o tatou uma ua tatou nonofo ma aumau i fanua ma 'ele'ele o tagata Aboriginal, o fanua ma 'ele'ele na gaoia. Ae tatau ona tatou talia le tala fa'asolopito o le auala na mafua ai," Dr Clements.
Nowhere was resistance to white colonisers greater than from Tasmanian Aboriginal people, but within a generation only a few had survived the Black War. Source: The Conversation / Robert Dowling/National Gallery of Victoria via The Conversation Source: The Conversation / Robert Dowling/National Gallery of Victoria via The Conversation
This content was first published in September 2022.
