තාවකාලික රැකියා වීසා මත ඔස්ට්‍රේලියාවට පැමිණීමට අවසර ලබා දෙන විදෙස් ශ්‍රමිකයින්ගේ ප්‍රමාණය කප්පාදු කළ යුතු බවට ඔස්ට්‍රේලියාවේ විපක්ෂය වන කම්කරු පක්ෂය පවසයි.
පසුගිය වසරේ මැද භාගයේ පටන් මේ දක්වා ඔස්ට්‍රේලියාව තුළ මිලියන 2 කට අධික තාවකාලික වීසා ලාභීන් සිටින බව ආගමන කටයුතු පිළිබඳ කම්කරු පක්ෂයේ නියෝජිතවරිය වන Kristina Keneally පවසයි.
පසුගිය වසර කිහිපය මුළුල්ලේම සංක්‍රමණිකයින් විසින් සිදුකරන රැකියා ඔස්ට්‍රේලියානු පුරවැසියන්ට සහ ස්ථිර පදිංචි ලාභීන්ට සිදු කළ හැකිව තිබූ බව ඇය පෙන්වා දෙයි.
මේ අතර තාවකාලික වීසා ලාභීන් පිළිබඳ කම්කරු පක්ෂයේ ස්ථාවරය විටින් විට වෙනස් වන බව ඔස්ට්‍රේලියානු මධ්‍යම රජයේ ආගමන කටයුතු පිළිබඳ වැඩ බලන අමාත්‍ය Alan Tudge පැවසීය.
Opposition Home Affairs spokeswoman Kristina Keneally. Source: AAP
තාවකාලික වීසා ලාභීන් ට ද සුබසාධන දීමනා ලබා දිය යුතු බවට මීට පෙර කම්කරු පක්ෂය තර්ක කරන්නට වූ නමුත් තාවකාලික වීසා ලාභීන් කප්පාදු කරන ලෙසට දැන් ඔවුන් පවසන බව ආගමන කටයුතු පිළිබඳ වැඩ බලන අමාත්‍ය Alan Tudge සඳහන් කළේය.
