Key Points
- Stadi I sowem se ol Ostrelian oli stap long list blong olgeta we oli stap sharem ol article we oli no tru
- Teknoloji I mekem hemi isi blong giaman nius blong I save kamaot olsem tru nius onlaen
- Giaman nius I save jensem tinktink blong ol pipol blong confirmem samfala bilif mo tinktink we oli gat finis
Misinfomesen hemi kam wan bigfala isiu long digital wol blong yumi tede.
Be hemi minim wanem stret?
Sushi Das hemi stap olsem Direkta blong , wan fact-checking unit insaet long RMIT Universiti, hemi se Misinfomesen hemi ol giaman infomesen we ol pipol oli sharem be oli no save se ol infomesen ia oli no tru.
"Misinfomesen hemi giaman infomesen we I no tru, mo ol man we oli sharem tu oli no save se Infomesen ia i no tru. Disinfomesen hemi ol giaman infomesen we I no tru, be ol man we oli sharem oli save se I no tru be oli sharem blong misleadim pipol. Oli save mekem olsem wan joke, o blong pushum wan politikol agenda, o blong mekem mane thru long ol onlaen clicks.”
Ol man we oli stap jekem ol facts olsem Sushi Das mo team blong hem oli review long plante content we I stap go viral long sosel media blong faenem aot ol posts we oli gat misinfomesen o disinfomesen long ol.
Oli jekem gud ol infomesen ia blong mekem sua se oli tru. Hemia blong mekem sua se ol infomesen we oli sharem wetem pablik hemi ol stret infomesen.
Ms Das I luk fulap praktis blong misinfomesen mo disinfomesen long OStrelia. Hemi se wetem ol bigfala nius, hemi save mekem blong plante kiaman infomesen I pas raon long sosel media.
Wan eksampol hemi bigfala faet blong Russia mo Ukraine. I gat misinfomesen mo disinfomesen abaotem bigfala faet ia. I gat wan nara faet long middle east. Hemia faet blong Palestine mo Israel, I gat fulap misinfomesen mo disinfomesen tu araon long faet ia. Yumi stap luk ol finansel scam tu, mo misinfomesen long saet blong helt tu.”
Efek blong Sosol Media
Dr Timothy Graham hemi wan associate Profesa blong Digital Media long Queensland University blong Technology mo hemi se sosel media algorithms hemi gat wan bigfala pat long saet blong spredem ol giaman nius mo misinfomesen.
Sosel media platfom oli mekem blong targetem pablisiti. Mo oli yusum plante ol algorithm blong mekem ol onlaen konten I base plante long wanem ol iusa oli wantem, oli mekem blong bildim ap engagement blong ol iusa.
“Ol onlaen Konten oli kamaot long wan onlaen websaet mo bae yumi luk mo laekem from hemi gat wan emotional o engaging pawa long tinktink blong yumi, even sapos hemi no tru. Ol sosel media platfom oli save sharem ol konten we I save kasem plante attensen, olsem ol funny posts. Mo ol pipol oli save sharem ol tinktink ia from hemi luk naes, o hemi funny o wan sori storian.”
Misinfomesen I save kam long fulap sos, olsem wan mistake, giaman ripot, scandal mo wan intanasonal politic o ikonomik stori blong pulum mo fosem man.
Ol Konspiresi tinktink oli gat fulap storian abaotem ol sikret plan. Long nara tinktink, misinfomesen hemi karem tugeta wan bigfala giaman o wan infomesen we hemi karem tugeta ol sikret plan.
Olsem wan eksampol, RMIT fact Lab team oli mekem plante risej long ol Konspiresi theory we oli talem se ol QR code long ol klos hemi wan wei blong trakem mo kontrolem ol pipol.
Tinktink behaen long theory ia hemi blong mekem fashion indastri blong kam mo environmental friendly, hemi wan scheme we World Economic Forum, ol bank mo ol kavman blong wol oli mekem blong kontrolem ol man.
“Hemia hemi wrong mo hemi no tru. QR code hemi kivim yu ol infomesen aboatem klos o wan samting, olsem wea ples oli mekem, ol infomesen long hao blong washem klos ia, moo l material we oli yusum blong mekem klos ia. Be I gat samfala man we oli stap talem se ol samting ia oli mekem blong trackem yu.”
Impak blong Misinfomesen
Dr. Darren Coppin hemi wan Sydney based behaviroal scientist mo hemi se misinfomesen hemi stap since long beginning blong lanwij.
Beh, hemi kam wan isiu tede we I gat impact long sosaeti. Long taem bifo, ol pipol oli karem ol trufala toktok mo bilif long ol lokol komuniti, famili mo kalja.
Be tede, yumi karem ol infomesen long evri ples long wol mo difren kae sos.
“Universiti blong Canberra I mekem wan stadi we I showem se ol Ostrelians oli stap long grup blong olgeta we oli stap sharem ol dodgy pepa. 80 percent oli sharem pepa we plante oli tink se hemi giaman. So hemi mekem problem blong giaman nius mo misinfomesen I go mo wos.”
Taem yumi serem misinfomesen hemi save gat wan rapis impact long sosel mo politikol storian.
Dr Darren Coppin hemi talem.
“Taem misinfomesen o giaman nius I confirmem wan bilif we I stap finis, hemi save afektem bigwan behavior blong pipol. I save afektem ol samting olsem long saet blong vot, mo pablik polisi we kavman I stap traem blong putum aot. Olsem long taem blong COVID-19, I gat wan misinfomesen long saet blong virus. Mo hed blong World Helt Organisation hemi se yumi no stap faet akensen wan epidemic nomo, yumi stap faet akensem wan ‘infodemic’ tu.”
Dr Coppin hemi luk fo fala risen we ol pipol oli save spredem ol giaman nius.
Yumi ol human being yumi wantem filim mo save se yumi safe ol taem, so taem yumi no save wanem we I stap happen, yumi stat blong lukaotem ol ansa. Mo sapos yumi no save faenem ol ansa, yumi mekem ol assumption blong fulum-ap ol gaps we I stap. Fulap taem yumi save faenem eni infomesen, even sapos hemi no tru.Behavioural Scientist, Dr Darren Coppin
Giaman nius hemi tekem advantage long wan man taem hemi fraet mo no save wanem I stap happen. Yumi wantem feelim mo save se yumi safe ol taem, so taem yumi no save wanem we I stap happen, yumi stat blong lukaotem ol ansa. Mo sapos yumi no save faenem, yumi mekem ol assumption blong fulum ap ol gaps we I stap. So yumi save faenem eni infomesen, even sapos hemi no tru. Mo ol pipol oli wantem focus mo long ol nogud samting bitim olgeta we I gud.
Misinformation can come from various sources, such as genuine mistakes, biased reporting, sensationalism, and intentional political, ideological, or economic manipulation. Source: iStockphoto / nicoletaionescu/Getty Images
Luk Save mo Faet Akensem Giaman Nius
Hemi talem tu se ol human oli kam negative ova long taem from nomo se olgeta we oli tekem plante care mo oli wari long ol nogud samting oli save manej blong laef yet.
“Sapos yu toktok wan long Ostrelian taem yu stap long nara kantri, bae oli fokas mo long ol spida, snek, mo shark we I stap long Ostrelia, be oli no tokbaot ol naesfala samting moo l gudfala opportuniti we kantria I save kivim.”
Nara tinktink blong atraktem ol giaman nius o misinfomesen hemi blong konfimem ol giaman toktok mo teknoloji we oli yusum blong pusum kiaman nius ia.
Dr Coppin I explained
“Sapos yumi pat blong wan grup we I no laekem vaksin, I gat wan bigfala janis se bae yumi lukaotem ol infomesen we I sapotem tinktink blong yumi. Ol brain blong yumi hemi tinkbaot ol samting ia we I confimem wan samting we yumi bilif long hem. So yumi save gat wan strong tinktink long bilif ia. Mo tu, giaman nius I save kam wan samting we I tru, from I no olsem we yu mit fes-to-fes mo yu save luksave taem wan man I stap kiaman mo I save mekem yumi blong no bilifim wanem we oli stap talem.”
Ol expert oli bilif se bae I kam mo hard long fiuja blong faet akensem ol kiaman infomesen from hemi stap gro hariap wetem AI. Credit: We Are/Getty Images
Fiuja Plan
So hemi gud blong save luk save nius we I tru wetem misinfomesen we I stap kam bigwan tumas tede.
Sushi Das hemi share mol top strategy blong hem blong luk save ol tru nius ova long ol giaman nius.
“Yu save faenem samfala key toktok taem yu luk onlaen long ol search engine. Yu save addem tu ‘fact check’ blong luk sapos I gat sam pepa o article we I tokbaot ol giaman infomesen. Sapos yu no save faenem aot sapos wan pikja I tru o no, yu save raet klik long hem long Google mo jusum opsen blong lukaotem pikja ia wetem help blong Google.”
Dr Coppin I se I gud blong jekem gud evri infomesen we yu kasem onlaen.
Stop mo tinktink, hemia wan samting we mi wantem sharem, o talem long wan man long pablik? Sapos yu ansa no long hemia, then hemi mo gud blong yu no sharem nomo from hemi save go blong bildim ap misinfomese nomo.”
Naoia we teknoloji I stap kam antap bikwan, misinfomesen tu bae hemi inkris. Profesa Timothty Graham hemi explainem abaot ol fiuja jalens we yumi mas pripea from long wan fast digital wol.
Wan bigfala jalens hemi Ai, from hemi save create wan content we i save mekem yu tink se wan man I mekem, mo I save convincim yu bigwan. Hemia I no ol mesej nomo be pikja tu. Yumi stap long wan taem we yumi gat plante Ai content we I stao go raon, mo hemi stap kam mo had blong save wanem we I tru mo wanem we I no tru.
Long taem blong yumi tede we misinfomesen I fulap, hemi impoten blong yumi mas luk save ol samting.
Olsem long Sushi Das, wan rod blong stope mo giaman infomesen hemi blong yumi storian, no yusum ol rapis toktok, mo putum aot ol stret infomesen.
It is essential to realise that change is a gradual process that requires patience.
Hemi impoten tu blong luk save se jenis hemi wan proses, so yumi mas tekem taem blong stadi gud long hem.
