Ntsiab lus tseem ceeb:
- Tej neeg ntiav tsev nyob yuav tau siv nyiaj nrab tshaj li $31,000 rau ib xyoos twg los them nqe tsev thiaj ntiav tau tsev nyob.
- Sydney yog lub nroog uas tus nqe ntiav tsev nyob kim tshaj plaws txog li $745 ib limtiam twg.
- Lub koom haum Homelessness Australia thiaj tau nqua hu kom Thawj pwm tsav Anthony Albanese pab tej neeg tsis muaj peev xwm ntiav tsev nyob.
Australia tej nqe ntiav tsev nrab uas them rau ib limtiam twg ces twb tau nce los ua $601, rau lub caij uas muaj kev txhawjx eeb heev tias muaj tej neeg tsis muaj vaj tse nyob mus thov kev pab cuam ntau tuaj ntxiv lawm.
Raws li tej xov xwm ua CoreLogic tau coj los qhia ntawd ces rau lub caij uas tej neeg ntiav tsev nyob yuav tau siv nyiaj nrab txog li $31,252 rau ib lub xyoos twg mas thiaj ntiav tau tsev nyob.
Nqe ntiav tsev los kuj tau nce kim ntxiv txog li $164 thiaj ua rau tus nqe ntiav tsev kim txog li Rent has $601 rau ib limtiam twg thaum lub 12 hlis ntuj xyoo 2023, uas tau nce ntawm $437 ib limtiam twg lub 8 hli ntuj xyoo 2020 lawm. Ces ib xyoos twg tej nqe ntiav tsev nyob thoob teb chaws no thiaj tau nce kim tuaj ntxiv txog li 8.3 feem pua lawm.
Sydney tau ras los ua lub nroog ntiav tsev nyob kim tshaj plaws txog li $745 rau ib limtiam twg lawm.
Canberra ces yog lub nroog ob uas ntiav tsev kim heev txog li $651 rau ib limtiam twg, thiab Perth ces yog lub nroog zum peb uas tej neeg ntiav tsev nyob yuav tau them nqe ntiav tsev txog li $630 lawm.
Brisbane yog lub nroog nqe ntiav tsev kim ua zum plaub ntawm ib limtiam twg txog li $627, thiab Darwin ces yog lub nroog muaj tej nqe ntiav tsev nyob kim ua zum tsib txog li $611 rau ib limtiam twg.
Melbourne thiab Adelaide ces tseem them $565 rau ib limtiam twg xwb.
Hobart thiaj yog lub nroog nqe ntiav tsev pheej yig tshaj plaws, uas tus nqe ntiav tsev nrab tsuas them $535 rau ib limtiam twg xwb.
Ces thiaj uas rau tej nyiaj nrab uas ib yim neeg twg khwv tau coj los them tsev nyob tau nce ntawm 26.7 feem pua lub 3 hlis ntuj xyoo 2020 mus ua yuav laug txog ib feem peb (33.33 feem pua) rau lub 9 hli ntuj tsaib no lawm.
CoreLogic tsab ntawv cej luam thiaj hais tias ''Cov kev tsis muaj tej social housing tam li yog ib feem ntawm tag nrho tej vaj tse txaus rau tej neeg nyob rau lub caij ntau caum xyoo los no thiaj tau ua rau muaj teeb meem rau tej lagluam ntiav tsev lawm, thiab ua rau muaj tej neeg yuav tsev tsawg lawm.''
Ua ke no los lub koom haum Productivity Commission tsab ntawv cej luam (report) uas qhia txog tsoom fwv cov kev pab cuam uas sau ib xyoo ib zaug uas teev txog tej neeg uas tsis thov cov kev pab cuam vim tsis muaj vaj tse nyob ntawd los kuj tau ras los ua cov tsis muaj vaj tse nyob uas pw rau ub rau no los kuj muaj ntau tuaj ntxiv yuav laug txog 25 feem pua lawm thiab.
Tsis tas li ntawd los kuj muaj neeg thov teev npe kom tau tsev nyob, thiab yeej muaj neeg coob txog li 57,519 txheeb tus uas raug teev tias yog cov neeg xav tau tsev nyob tab sis tsis muaj tsev rau nyob thiab.
Lub koom haum Homelessness Australia thiaj tau nqua hu kom thawj pwm tsav Anthony Albanese pab tej neeg tsis muaj peev xwm ntiav tsev nyob rau lub caij uas.
Nws cov ncauj lug thiaj hais tias "Tej teeb meem tsis muaj vaj tse txaus nyob no tau ua rau muaj teeb meem loj heev rau tej neeg Australia coob heev,''
"Ces tej chaw ntiav tsev/tej neeg ntiav tsev thiaj tsis kam ntiav tsev rau tus niam tsev muaj tej me nyuam tseem yau uas ntsib teeb meem kub ntxhov hauv lub cuab yig nyob.''
"Tej xwm txheej no thiaj ua rau txhua leej txhua tus nyuaj siab thiab txhawj xeeb thiab tsis tsim nyog muaj tej xwm txheej no tshwm sim rau lub teb chaws nplua nuj li Australia no li.''
Lub koom haum Homelessness Australia kwv yees tias yuav siv nyiaj txog li $450 million ntxiav mas thiaj yuav daws tau tej teeb meem tsis muaj vaj tse txaus rau sawv daws nyob no.
Txawm li cas los tsoom fwv teb chaws Australia (Tsoom fwv Albanese) cov nyiaj Housing Australia Future Fund $10 billion thiab tej cai national housing accord yeej yuav los xyuas kom tsim kom tau 40,000 lub tsev social housing uas pheej yig thiab muaj peev xwm ntiav tau nyob rau tej neeg ntiav nyob thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
