Xav ua hauj lwm txawv teb chaws los: Nod yog txhua yam tsim nyog koj paub txog cov digital nomad visas

Muaj neeg coob zujzus tuaj yeej tau txais lub cib fim mus ua hauj lwm qhov twg los tau hauv ntiaj teb no. Nod yog tej uas tsim nyog koj paub txog cov kev ras los ua ib tug neeg digital nomad.

Dozens of countries around the world offer digital nomad visas. Source: Getty / Jon & Taja / Ascent Xmedia

Yog tias koj xav ua hauj lwm ntawm ib qho chaw koj nyiam, ces teh zaum cov kev thov ib daim digital nomad visa siv kuj yuav yog tej yam pab tau koj thiab.

Tab tsis txawm koj muaj peev xwm muab koj cov kev ua hauj lwm sib xyaw nrog koj cov kev ntoj ncig uas zoo li yog ib cov kev npau suav uas tej zaum yuav ua tau thiab, los yeej muaj ntau yam txuam tshawj uas koj yuav tau txheeb txog ua ntej koj yuav ib daig yuaj (pib) dav hlau mus rau ib qho chaw twg siv.

Nod yog tej uas tsim nyog koj paub txog.

Digital nomad visa yog dab tsi?

Digital nomad visas ces yog tej ntaub ntawv tso cai rau ib tug neeg nyob ruaj ib ntus uas tso cai rau tej neeg ua hauj lwm ntawm tsev rau ntawm ib lub teb chaws txawv teb chaws twg.

Kuj tsuas nyog rau ntawm ib lub teb chaws twg seb ho tsim tej visas siv tau ntev sib txawv li cas xwb, tab sis yeej ib txwm siv tau cov visas no yam tsawg li ntawm 6 hlis mus txog 1 xyoos.

Thiab txawm tias muaj ntau lub teb chaws yeej pub koj txuas tau tej visas no siv txuas ntxiv, los yeej muaj ib txhia tsis pub thiab.

Tej teb chaws twg thiaj muaj cov digital nomad visas siv?

Yeej muaj ntau caum lub teb chaws pub cov digital nomad visas rau Australia tej pej xeem siv.

Nod yog qee lub ntawm tej teb chaws ntawd:

Source: SBS

Hos lwm cov teb chaws li Germany, ces kuj muaj ib co visas thiab txawm li cas los kuj tsis yog tsim rau cov neeg digital nomads siv, tab sis tej neeg txawv teb chaws kuj muaj peev xwm siv ua tau hauj ntawm lwm qhov chaw yam tsis tas mus ua kiag ntawm tej chaw ua hauj lwm thiab.

Cov neeg zoo li cas thiaj muaj cai thov tau ib daig digital nomad visa siv?

Kuj muaj cov kev sib txawv ntawm tej teb chaws tias lawv xav tau cov neeg zoo li cas thiab, tab sis feem ntau mas tsuas yog tus neeg ntawd yog ib tug neeg txawv teb chaws muaj hnoob nyoog 18 xyoo los yog siab tshaj ntawd thiab yuav ua hauj lwm rau ib lub tuam txhab nyob rau lwm lub teb chaws ces yog cov neeg uas yuav thov tau ib daig digital nomad visa siv. Tab sis kuj muaj qee zaus uas tej neeg tej neeg ua hauj lwm rau yus tus kheej (self-employed freelancers) kuj muaj cai thov tau siv thiab.

Ces thiaj li tsuas nyob rau ntawm seb yus ho txuag tau nyiaj npaum li cas/los yog khwv tau nyiaj npaum li cas yuav ua cov txiav txim tias seb yus puas muaj cai thov tau siv xwb. Piv txwv li teb chaws Japan ces tsuas pub cov digital nomad visa rau tej neeg uas khwv tau nyiaj yam tsawg li ¥10 million ($101,450) siv xwb.

Kuj muaj ib co teb chaws ces tej zaum tseem yuav kom tej neeg ua cov hauj lwm digital nomads no yuav tau yuav cov nyiaj tuav pov hwm kho mob (Private health insurance) thiab.

Thiab kuj tsuas nyob rau ntawm seb koj thov cov visa no siv qhov twg ces yuav tau them raws li thaj chaw ntawd tus nqe sau xwb thiab. Norway yog lub teb chaws sau tus nqe visa no kim tshaj plaws hauv ntiaj teb txog li €600 (los yog AUD$988).

Tej neeg ua hauj lwm digital nomads ho yuav ntsib teeb meem nyuaj dab tsi?

Raws li qhov tsim nyog tiag mas yeej tsim nyog yus yuav tau tej internet khiav ceev heev siv, ib qho chaw rau yus ua hauj lwm, thiab tau txais kev pab cuam yog yus yuav kho yus lub xov tooj los yog lub computer kom thiaj li siv tau kiag tam sid los yog yuav tau hloov dua lub tshiab siv.

Thiab yeej muaj ib txhia tswv lagluam yeej cia yus xaiv yus lub sij hawm ua hauj lwm, tab sis lwm cov ces yeej xav kom yus ua hauj lwm hauv online raws tib lub caij li lwm tus neeg ua hauj lwm thiab — txhais tau tias tej zaum yuav yuav tau sawv ib tag hmo los koom nrog yus pawg neeg lub rooj sab laj thaum 9 teev sawv ntxov ntawm lub teb chaws uas lawv ua hauj lwm thiab.

Cov kev nyob thiab ua hauj lwm rau ib qho chaw uas nrug deb ntawm yus tsev neeg thiab tej phooj ywg los yog tej neeg koom ua hauj lwm ua ke los yog tej kev pab cuam tej zaum kuj yuav ua rau yus mloog tau tias yus cai tsis tau koom nrog lwm tus los yog tsis tau koom ua hauj lwm ua ke nrog lwm tus thiab.

Tsis tas li ntawd los tej zaum kuj yuav ua rau yus tsis muaj peev xwm tswj tau lub neej ua hauj lwm thiab yus txoj kev ua lub neej thiab tias yuav kem kom meej li cas, vim yog tej yam ua tsis tau yooj yim thiab.

Ntxiv ntawd los yus tseem yuav tau yoog raws li tej cai ntawm thaj chaw yus nyob ntawd thiab, kuj tsuas nyob rau ntawm seb yus nyob rau qhov twg xwb, uas tej zaum kuj yuav nyob nrug deb dua tej uas yus ib txwm swm ntawm teb chaws Australia no thiab.

Tej cai ntawd kuj yuav yog ib co lus zoj khi uas teev rau hauv yus daim visa ntawd thiab, txhais tau tias cov lagluam ntawd yuav tsis pub yus ua hauj lwm nrog lub tuam txhab lagluam uas nyob ntawm lub teb chaws yus nyob ntawd thiab.

Koj puas tau them se rau lub caij koj ua hauj lwm tam li yog ib tug digital nomad?

Tej neeg ua hauj lwm tam li yog digital nomads ces yeej ib txwm tsuas tau them se rau ntawm lub teb chaws uas tej tswv lagluam ntiav lawv ua hauj lwm xwb — tsab sis kuj muaj cov kev sib txawv thiab tsuas nyob rau ntawm tias seb yus ho ua hauj lwm qhov twg xwb.

Cov teb chaws li Barbados, Croatia, United Arab Emirates ces yog qee lub ntawm ntau lub uas tsis hais kom yus them se rau tej nyiaj hauj lwm yus khwv tau thaum tseem ua hauj lwm rau ntem tej teb chaws no.

Thiab tej neeg ua hauj lwm digital nomads uas txawm yuav tau them se los yeej tau them tsawg dua tej neeg ua hauj lwm ntawm lub teb chaws ntawd.

Muaj ntau lub teb chaws yeej tsis hais kom tej neeg ua hauj lwm digital nomads them se rau tej nyiaj hauj lwm uas lawv khwv tau ntawm lub teb chaws uas lawv ua hauj lwm ntawd. Source: Getty / Tatiana Meteleva

Yog yus thov tau daim digital nomad visa yus puas muaj peev xwm coj yus tsev neeg nrog yus?

Yus yeej muaj peev xwm thov tau ib daig digital nomad visa uas pub yus coj yus tus poj niam, tus partner thiab yus tej me nyuam hnoob nyoog qes dua 18 xyoo nrog yus thiab.

Thiab yog tias tseem tsis tau sib yuav ua txwj nkawm nrog tus neeg yus coj nrog yus thiab, ces yus yuav tau nrhiav ntaub ntawv los qhia tias yus yeej muaj txoj kev sib raug zoo tau nyob ua ke qhia rau nom tswv.

Thiab piv txwv tias yog yus tab tom npaj yuav mus rau teb chaws Hungary, ces yus tus partner yuav tau thov nws ib daim digital nomad visa rau nws siv.

Thiab txawm tias yus yog txwj nkawm lawm, los teb chaws Hungary yeej tseem xav kom ob tug neeg sib yuav no nyias yuav tau xav nyias daim ntawv thov daim digital nomad visa rau nyias siv thiab.

Hos yog tham txog lwm tus neeg ntawm yus tsev neeg li yus niam yus txiv, yus tej viv ncaus los yog kwv tej, ces tej teb chaws feem coob yeej tsis tso cai rau yus teev lawv npe nrog yus daim ntawv thov daim visa no siv.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.