Nyob teb chaws Australia no muaj tej tsheb yuav laug txog 2 roob lub thiab muaj 100 roob (million) lub tsheb thoob qab ntuj uas tseem niaj hnub siv tom tej kev muaj teeb meem rau cov hnab cua uas tej zaum yuav tsim tau teeb meem rau tus neeg tsav thiab caij cov tsheb no.
Thiaj ua rau nom tswv lub tuam chav tswj cov lagluam tsheb (Chamber of Automative Industries) thiab Australia lub tuam txhab tswj cai kom tej lagluam sib lagluam tau thiab pov puag cov neeg yauv khoom siv (Australian Competition and Consumer Commission-ACCC) tau ceeb toom kom pej xeem Australia kub siab ceev nrooj coj lawv tej tsheb mus hloov kiag cov hnab cua tshiab tam sim no yog lawv tau txais ntawv ntawm tej tuam txhab tsim lawv cov tsheb uas lawv tseem siv thiab caij tam sim no.
Vim lub tuam txhab Takata twb raug muab kaw ua lagluam mus tsis taus thiab tseem raug nplua nyiaj vim nws cov hnab cua Takata hom Alpha no tau tawg thiab muaj tej txhais hlau ya tuaj raug neeg tas sim neej thaum tsheb sib nrau thoob ntiaj teb no lawm.
Ib lub xyoos dhau los no xwb Australia cov tsheb 930,000 lub twb raug hloov cov hnab cua Takata airbags txog li 1.1 roob lub lawm. Thiab tseem tshuav cov hnab cua txog li 1.8 roob lub ntawm tag nrho cov tsheb 1.6 roob tseem tsis tau coj mus hloov thiab dho cov hnab cua tshiab rau li.
Cov tsheb Toyota thiab nws cov tsheb kim uas yog Lexus muaj teeb meem rau tej hnab cua hais no txog 582,000 lub tsheb diam. Txuas ntxiv ntawd yog hom tsheb Honda uas muaj txog 436,000 lub, thiab mam txuas rau cov tsheb Holden txog li 330,000 sib law liag.
Delia Rickards uas yog tus lwm coj ntawm ACCC tau qhia tias tseem muaj cov hnab cua Takata airbag hom Alpha no txog li ntawm 20,000 lub hauv tej tsheb uas tej neeg Australia tseem niaj hnub tsav tom tej kev uas tsis tau coj mus hloov thiab dho dua cov tshiab rau. Thiab yog lub tsheb twg muaj tej hnyab cua no es ho ua tsheb sib tso thiab cov hnab cua no tawg ces tej zaum tus neeg tsav thiab cov neeg caij lub tsheb ntawd yuav raug mob sab heev, yog li thiaj xav kom tej neeg sawv daws kub siab nrog xyuas thiab txheeb seb puas yog lawv cov tsheb raug nruab tej hnab cua no rau.
Tag nrho ntawm ntau hom tsheb ces Mazda twb tau hais kom tej neeg yuav cov tsheb no coj cov tsheb no txog li 84% coj rov qab mus hloov thiab dho cov hnab cua tshiab rau tag lawm.
Txuas ntawd los yog hom tsheb Honda uas twb tau hais kom cov customers yuav cov tsheb no txog li 74% coj mus hloov tej hnab cua tshiab tag lawm thiab.
Toyaota thiab Lexus tau hloov txog li 67% lawm hos muaj qeev cov tsheb li BMW thiab Ford ces yeej tseem poob qab deb heev.
Yog li Tsoom hwv Australia lub koom haum tswj cov lagluam tsheb thiaj xav taw qhia thiab nqua hu kom pej xeem kub siab tiag tiag thiab kawv tsij ceev nrooj coj lawv cov tsheb mus hloov tej hnab cua tshiab.
Txawm yog koj nyob lub teb chaws twg los kav tsij kub siab mus txheeb xyuas thiab nug lub tuam txhab tsheb uas koj yuav lawv cov tsheb los caij seb puas muaj teeb meem los yog seb lawv puas xa ntawv tuaj qhia koj li cas, ces kub siab coj mus hloov kom sai li sai tau.
Yog tias koj nyob teb chaws Australia no, ces xav kom koj mus txheeb xyuas ntawm lub vas sab tau. #
Listen to SBS Radio Hmong program at on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from App Store at and from Google Play at or you can download podcasts news in Hmong and English from . and listen to Hmong news in iTunes at
Besides, you can follow us, click like, share and comments at #SBSHmong website at .
Call to have a chat with SBS Radio Hmong Program on + 61 3 9949 2259 or sent your comments to .
