Yeej Huam Vaj uas yog tus coj lub koom haum Hmong Brisbane Culture Inc., tau qhia rau SBS Hmong tias ''tos kuv tsim lub koom haum Hmong Brisbane Culture Inc no coj los qhia ntawv Hmoob thiab qhia Hmoob tej txuj ntau yam rau Hmoob tej hluas los vim kuv muaj kev hnyav siab heev tias Hmoob tej me nyuam los tsis paub ntaub ntawv Hmoob thiab tej hluas uas twb kawm qib siab university kiag los twb tsis muaj peev xwm yuav suav tau ntawm ib txog kaum lawm.''
Nws hais tias ''kom tej niam txiv yuav tau kub siab nrog qhia thiab hais luv Hmoob rau yus tej me nyuam kom lawv thiaj paub thiab thiaj txawj lus Hmoob.''
Yog tias peb tsis kub siab los qhia ntawv Hmoob rau peb tej me nyuam ces ntshe peb tej lus yuav plam thiab ploj tsis muaj ntxiv lawm.Yeej Huam Vaj
Yeej Huam Vaj tseem tau hais ntxiv tias dua ntawm qhov tej niam txiv nrog lawv tej me nyuam tham ua lus Hmoob lawm, ces peb yuav tau nrog xyuas kom siv tau ntau yam txuj pab tej tub kawm kom tau tham ua lus Hmoob, siv ntau lub tsiv yim los pab li cov kev rag txuj Hmoob: nkauj, yeeb yaj kiab (movie), paj huam, los yog ua tej yam uas kom muaj kev lom zem kom tej me nyuam thiab tej hluas thiaj xav kawm ntawv Hmoob.
Nws kuj tau tsim ib phau ntawv Hmoob tso rau hauv online tis npe tias 'Wb yog Hmoob' ntawm fliphtml5.com. Tsis tas li ntawd los nws kuj tsim tau ib tshooj YouTube hu tias 'Wb yog Hmoob - Kawm ntawv Hmoob' uas qhia ntawv Hmoob thiab hu nkauj ua lus Hmoob, uas nws hais tias yog leej twg muaj peev xwm mloog tau tej nkauj no txog li 30 zaj lawm ces yuav paub lus Hmoob ntau pua lo lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
