Xov xwm luv tshaj tawm hnub zwj Quag (Tuesday newsflash 02.04.2024):
Tsoom fwv teb chaws tau coj nws cov tswv yim Draft Autism Strategy tshiab los qhia tias yuav kub siab los xyuas kom kho tau 4 co hauj lwm pab rau tej neeg Austism ntawm Australia. Cov hauj lwm no ces yog yuav nrog xyuas kom tej neeg no muaj feem khoom nrog teb chaws thiab ua hauj lwm, muaj peev xwm txheeb tau tej mob no kom zoo tshaj qub ntxiv, tsim kom tau cov kev pab cuam no kom zoo tshaj qub ntxiv thiab xyuas kom tej neeg no tau txais kev noj qab nyob zoo.
Tej kws lij choj ntawm NT lub koom haum tub ceev xwm qhia tias tej zaum tsoom fwv xeev Norther Territory cov kev txwv tej hluas ntawm Alice Springs yog ib cov kev ua txhaum cai. Tus tsoom fwv no tau siv cov kev txwv 12 teev txij 6pm-6am rau lub caij ob limtiam thiab Eva Lawler uas yog tus hau xeev no hais tias yog muaj plaub ntug ces nws yuav nrog hais thiab tseem xav tias seb puas yuav siv cov kev txwv no txuas ntxiv thiab.
Kuj tau muaj tsoom fwv xeev Victoria ib tsab ntawv cej luam tau txheeb tau tias muaj ntau txheeb lub qab lawj ntawm tej tsev uas tau ua rau lub caij 15 xyoos dhau los yuav vau vim raug nag tsim kev puas tsuaj rau. Raws li Cladding Safety Victoria tsab ntawv cej luam tau coj los qhia rau thaum lig tsiab no ces txheeb tau tias muaj ntau puas lub tsev uas lawv mus txheeb tias seb puas siv tej khoom coj los tsim uas yuav ua rau tsev kub hnyiab ntawd ces pom tau tias nag tau ua rau tej qab lawj no muaj teeb meem loj.
Tau muaj cov kev donate nyiaj pab cov hauj lwm 2023 Voice to Parliament Referendum ntau tshaj $62 million. Paul Ramsay Foundation yog tus pab nyiaj ntau tshaj plaws txog $7 million rau cov Yes campaign.
Australia plaub lub txhab nyiaj loj tej nyiaj pab sib sau ua ke tshaj $7 million rau cov Yes campaign thiab. Hos Australians for Unity los kuj pab yuav laug txog li $10 million rau cov No campaign thiab.
Muaj xov xwm qhia tias tau muaj ib tug poj niam neeg Australia yog ib tug ntawm ntau tus neeg ua hauj lwm pab tej neeg txom nyem ntawm Gaza uas raug Israel ib lub dav hlau tua rog tua tuag thiab. Nom tswv Gaza lub chaw nthuav xov xwm hasi tias muaj tej neeg ua hauj lwm yam tsawg li tsib tug ntawm World Central Kitchen raug Israel ib lub dav hlau tua tuag. Tej neeg tshaj xov xwm ntawm Gaza thiaj tau coj peb daig duab passport Australia, ib daig ntawm Askiv thiab ib daig ntawm Poland uas los ntshav coj los tso rau sawv daws saib.
Lub koom haum Royal Life Saving hais tias tsim nyog tsim ib cov tswv yim los tswj kev nyab xeeb rau tej tsev tos qhua tej pa dej tom qab tau muaj ib tug txiv neej thiab nws txiv uas tseem tab tom pab cawm ib tug me nyuam tau poob rau ib lub pas dej ntawm Gold Coast tau tas sim neej.
Victoria lub tuam chav tswj tej xwm txheej ti tes ti taw tab tom nqua hu kom zej tsoom tsis txhob caij tsheb mus rau tej kev raug dej nyab rau lub caij huab cua phem ua rau los nag thoob lub xeev no rau lub sij hawm ib hnub dhau los thiab ua rau lawv yuav tau cawm 4 tug neeg kom tsis txhob poob deg.
Nplog phau ntawv xov xwm The Laotian Times tau tshaj tawm tias tus coj ntawm Thaib lub tuam txhab AiroThai tseem tab tom npaj tswv yim tias seb puas yuav tsim kom tau ib co fij dav hlau kom ntau tuaj ntxiv coj los siv rau peb lub teb chaws Suav, Nplog thiab Thaib teb.
Nplog phau ntawv xov xwm Vientiane Times tau tshaj tawm tias lub txhab nyiaj Asia Development Bank tau pab nyiaj tshaj $24 million coj los tsim cov kev pab cuam kho mob coj los pab rau Nplog cov xeev nyob npuab ciam teb.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
