Txog xyoo 2040 xav txo kom tsis txhob muaj plastic txog li 60 feem pua

Litter, dominated by plastic waste, covers a riverbank, in Banda Aceh, Indonesia, 18 April 2024. Source: AAP / HOTLI SIMANJUNTAK/EPA

Get the SBS Audio app

Other ways to listen

Tseem tab tom muaj ib lub rooj sab laj ntawm teb chaws Canada los sib tham seb tsim puas tau cov kev pom zoo los tsim cai siv kom txog rau xyoo 2040 tom ntej no txo tsis txhob tsim roj hmab (plastic) siv kom tsawg txog li 60 feem pua.

Tam sim no ces ntiaj teb tab tom tsim tej roj hmab (plastic) coj los siv ze txog li ntawm 400 million metric tonnes coj los ua khoom seem txeej (waste) txhua xyoo, thiab tsuas muaj 10 feem pua ntawm tej roj hmab no xwb thiaj li raug coj rov qab mus nchuav coj los siv dua xwb.

Yog li txog rau ntiaj teb hnub 'Eearth Day' UN thiaj tseem muaj lub rooj sab laj tham txog tej roj hmab raws sob lus 'Planet vs Plastics' ntawm tb chaws Canada ntawm cov teb chaws ntau tshaj li 50 lub seb tsim puas tau tej cai pom zoo tswj cov kev tsim tej roj hmab no coj los siv. Uas UN muaj lub hom phiaj xav txo kom tej tej roj hmab no kom tsawg txog li 60 feem pua rau xyoo 2040. Txawm li cas los cov teb chaws muag roj ntau tshaj plaws li Saudi Arabia kuj tsis pom zoo nrog lub tswv yim no uas yuav maj mam tso tseg tsis txhob tsim roj hmab los siv ntxiv lawm, tab sis nws hais tias kom siv cov tswv yim recycling rov qab coj los ncuav ua dua cov tshiab los siv thiab rov qab siv dua tej roj hmab uas tseem zoo siv xwb.

Thiab txawm tias tej neeg yuav khoom siv yeej tau hais kom tej khw muab khoom tsis txhob siv tej roj hmab coj los ntim thiab qhwv khoom ntau lawm, thiab tej neeg kuj tau tso tseg tsis tshua yuav cov khoom uas xuas roj hmab qhwv thiab ntim zujzus tuaj ntxiv lawm los yeej tseem tsis tau muaj tej cai pom zoo uas ntiaj teb pom zoo tsim coj los siv twj tej teeb meem roj hmab paug tsuas rau tej hiav txwv thiab tej ib puag ncig li.

Raws li tau muaj ib cov kev teeb txheeb tsis ntev los no, ces yeej pom tias muaj tej roj hmab paug tsuas rau tej av, tej dej, tej cua peb ua pa thiab tsev me nyuam. Tsis tas li ntawd los kuj pom tau tias muaj tej roj hmab tau tog rau qab thus dej ntau heev li thiab.

Txawm li cas los tsis ntev los no Australia kuj tau tsim ib co cai los txwv tsis pub siv ib co roj hmab li tej hnab uas siv ib zaug pov tseg, tej riam, tej diam tej phaj roj hmab, thiab kuj tau tig los tso tseg cov kev siv tej hnab roj hmab thiab tig los siv cov hnab uas siv tau ntau zaus lawm.