Cov txiaj ntsim tau txais los ntawm cov hauj lwm yeem thaj (Benefits of volunteering)

Tseem muaj ib txhia muab cov hauj lwm yeem thaj no saib tsis rau nqe pes tsawg, tab sis cov neeg tau ua hauj lwm yeem thaj pab cuam rau lwm tus yuav tau txais txiaj ntsim nau tshaj qhov lawv xav thiab.

Volunteering Australia CEO Adrienne Picone Source: Courtesy of Adrienne Picone

 Hnub tim 21-27 lub 5 hlis ntuj ces yog lub plua National Volunteering Week (NVW). Lub koom haum Volunteering Australia tus coj Adrienne Picone thiaj qhia tias nws lub koom haum no yog ib qhov chaw rau tej neeg mus txheeb txhiab nrhiav tau ntau yam hauj lwm yeem thaj (Volunteer) hauv nws lub vam sab  https://www.volunteeringaustralia.org/ ces yeej muaj ntau txheeb txoj hauj lwm rau tej neeg ua, tsis hais koj yuav yog tus neeg muaj sij hawm ntau los tsawg, yog hom neeg caj ceg dab tsi, ua hauj lwm dab tsi, muaj txuj cij seem twg los koj yeej muaj peev xwm ua tau ib yam hauj lwm dab tsi coj los pab rau koj tej neeg zejzog kom tau lub neej zoo dua tuaj ntxiv.

Ms. Picone hais tias lub plua NVW no nws xav kom tej neeg mus txheeb xyuas lub vam sab no thiab mus rau qhov sau tias go volunteer ces yeej muaj txhua yam hauj lwm rau koj xaiv ua tau. Nyob rau ntawm tej xeev txhua lub hauv Australia los yeej muaj nom tswv tej koom haum volunteer thiab muaj tej chaw qhia txog tej xov xwm kom yog koj xav mus ua hauj lwm pub dawb pab koj tej zejzog ces koj mus nrhiav thiab mua ua pab tau.

Adrienne Picone hais tias ”Yeej muaj tej neeg uas tau mus ua hauj lwm yeem tham (volunteer) pub dawb pab rau lwm tus tau qhia rau peb paub tias, lawv tau txais txiaj ntsim ntau tshaj tej kev pab cuam ua lawv tau pab rau lwm tus ntawd. Hos kuj muaj ib txhia qhia tias lawv muaj ntau yam laj thawj sib txawv ua rau lawv mus ua cov hauj lwm no xws li, mus ua kom paub neeg coob ntxiv tuaj, mus ua kom tsim tau kev phooj ywg, thiab kom kawm tau ib yam txuj ci txuj tes dab tsi tshiab coj los teev zwm rau yus daim ntawv nrhiav hauj lwm ua (Curriculum vitae).''

Mloog tau cov lus SBS Radio Hmong Program tau nrog Adrienne Piconey uas yog tus coj ntawm lub koom haum Volunteering Australia tham uas lus Askiv (English) tau ntawm no:

Nws qhia ntxiv tias tseem muaj ib txhia neeg saib cov hauj lwm volunteer no tsis tshua tseem ceeb tab sis tej hauj lwm koj ua pab koj tej neeg zejzog ntawd txawm me me xwb los yeej tseem ceeb heev li.

Xyoo no lub koom haum Volunteering Australia tau siv los lus "Give Little. Change a lot", los sis yog pab me ntsi xwb tau tsis koj cov kev pab muaj peev xwm hloov tau ntau yam zoo coj los txhawb nqa cov neeg kom mus ua hauj lwm pub dawb pab lwm tus, coj los nco txog tej neeg cov txiaj ntsim, thiaj coj los ua kev zoo siab txhawb rau tej neeg sawv daws.

Raws li lub koom haum Volunteering Australia thiab Australian Bureau of Statistics tau qhia ces muaj neeg Australia txog li 6 roob tus tau mus ua hauj lwm pub dawb coj los pab txhim kho lawv tej neeg zejzog kom zoo tuaj ntxiv, txhob txwm mus pab lwm tus xwb. Muaj ib nrab ntawm cov neeg tshaj 64% uas tau mua ua hauj lwm pab lwm tus twb ua tau tej hauj lwm yeem thaj (Volunteer) los tau tshaj 10 lub xyoo. Thiab yog muab tej kev pab cuam no xam ua nyiaj txiag ces twb raug nyiaj txog AUD 290 billion dollars diam, los yog txhua txhua ib dollar pab twg tau txais txiaj ntsim txog 450% diam.

Yog li txog lub plua National Volunteering Week tim 21-17 lub 5 hlis ntuj no nws thiaj xav kom tej neeg kub siab los nco txog tej txiaj ntsim ntawm cov neeg volunteer no thiab ho coj cov kauj npaj txiv kab ntxwv ntawm lub koom haum SES (State of Emergency Service) no.

Qhov tseem ceeb tshaj ntawd nws hais tias txawm yus ua tej hauj lwm no hauv zejzog xwb los yeej pab tau thiab tseem ceeb heev rau ntiaj teb no, vim yog ib feem ntawm UN cov hom phiaj 17 nqe uas yog United Nations' Sustainable Development Goals https://www.un.org/sustainabledevelopment/sustainable-development-goals/.

Tab sis nws hais ntxiv tias vim tej neeg tseem tsis tau pom txog tej txiaj ntsim no ces ntshe yuav ua tsis tau tej hom phiaj no kom tiav raws li UN tau teeb tseg rau xyoo 2030.

Txawm li cas los Adrienne Picone uas yog tus coj ntawm lub koom haum Volunteering Australia yeej tau hais tias

"Peb yeej paub tias peb tsis muaj peev xwm ua tau vim yog tsis muaj neeg pab, rau qhov cov hauj lwm volunteer no yog peb tej zejzos lub zog tseem ceeb".

Mloog tau xov xwm ua lus Hmoob thiab lus Askiv ntawm SBS Radio Hmong Program lub vasab www.sbs.com.au/hmong  rau hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) sij hawm 11 am AEDT.

Koj muaj peev xwm  download  tau SBS Radio App ntawm App Store at https://apple.co/2pLgvCX  thiab nd from Google Play at http://bit.ly/2GuIRv or you can download podcasts news in Hmong and English from www.sbs.com.au/podcasts/yourlanguage/hmong.

Ntxiv ntawd, koj muaj peev xwm ua tub koom siab, tuaj nyem nyiam - Clik Like, Share, Comments thiab koom nrog SBS Radio Hmong Program ntawm #SBSHmong mloog xov xwm tau hauv Facebook ntawm lub vam sab www.facebook.com/sbshmong tau tib yam.

Hos yog koj xav hu xov tooj nrog SBS Radio Hmong Program tham ces hu tau rau tus zauv xov tooj + 61 3 9949 2259 tau.

Yog koj nyob hauv teb chaws Australia koj muaj peev xwm mloog tau ntawm digital TV tshooj 38 los yog mus txheeb tau ntawm

Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio

HOBART = 105.7FM

MELBOURNE = 93.1FM / 1224 AM

CANBERRA = 105.5FM / 1440 AM

SYDNEY = 97.7FM / 1107 AM

WOLLONGONG = 1413AM

BRISBANE = 93.3 FM

CAIRNS = 90.5 FM

DARWIN = 100.9FM

PERTH = 96.9FM

SA = 106.3 FM