Teb chaws Australia muaj cov kev tshuam ntsuam hu ua National Screening Program uas pab txheeb tej neeg seb puas tau cov kab mob cancer muaj peev xwm pab cawm tau ntau cov neeg mob ntau yam kab mob cancer lawm.
Raws ku lub koom haum The Australian Institute of Health and Welfare tsab ntawv cej luam tau qhia, cov kev txheeb no twb pab cawm tau tau 11% ntawm cov neeg mob cancer rau tej plab hnyuv, 44% ntawm cov neeg mob cancer mis thiab 5% ntawm cov neeg mob cancer rau tsev me nyuam rau xyoo 2012 dhau los lawm. Hos cov poj niam mus txheeb tias seb lawv puas mob cancer rau tsev me nyuam no yuav ciaj thiab dim ntawm cov cancer no txog li 87% diam yog piv rau cov tsis mus txheeb xyuas ntawd.
Yog tias koj muaj hnoob nyoog tshaj 50 xyoo ces koj mua txheeb xyuas tau koj tej mis los yog plab hnyuv dawb xwb seb koj ho puas mob cov kab mob cancer.
Tab sis txawm siv dawb xwb los zoo li yeej tsis tshua xav muaj neeg mus sim li hais tsi ntsees rau cov keeg cag neeg hauv teb chaws Australia no. Ces thiaj ua rau lawv yog cov neeg tas sim neej ntau dua los ntawm cov kab mob cancer.
Vim Dr. Viviene Milch ntawm lub koom haum Cancer Australia hais tias Australia cov keeb cag neeg Aboriginal and Torress Strait Islanders yuav raug teeb meem phom sij mob cancer txog li 40% thiab tas sim neej los ntawm cov kab mob cancer ntau dua cov tuaj lwm teb chaws tuaj nyob hauv teb chaws Australia no. Thiab muaj cov neeg no coob zuj zus tuaj tau mob cov cancer lawm.
Justin Harvey uas yog tus coj tswj cov kev sim Cancer Screening Unite ntawm lub koom haum The Australian Institute of Health and Welfare tseem qhia tias kev nyob yaj sab deb nroog thiab cov teeb meem txom nyem nrog rau tej cuj pwm ua lub neej tsis zoo li haus luam yeeb thiaj tau ua rau ib txhia neeg mob cov kab mob cancer no. Yog li thiaj xav kom tej neeg kub siab mus koom thiab txheeb xyuas seb lawv puas tau cov kab mob cancer thiaj yuav pab cawm tau thiab kho tau lawv thaum tseem ntxov.
Tam sim no ces tus poj niam hu ua Behroze Bilimoria tseem ua neej cus plaws vim nws tau mus koom txheeb ces thiaj paub tias nws nyuam qhuav mob cancer thaum ntxov tab sis yog hom cancer mob nyaum thiab loj sai heev tab sis kuj muaj peev xwm kho tau nws lawm thiab ces txawm nws muaj hnoob nyoog 79 xyoos lawm los nws tseem ua neej nyob qhuas ntxhia thiab nws xav qhia rau tej neeg paub tias kom kav tsij mus koom cov kev txheeb xyuas no tsuas mob me ntsis xwb thiab pab cawm tau yus uas yuav zoo dua qhov tsis mus txheeb es ua rau yus tas sim neej ntawd.#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis download tau ntawm thiab ntawm iTunes tuaj koom ua tub koom siab thiab koom mloog tau tau ntawm #SBSHmong lub Facebook page tau.
