Yog tias koj xav ua hauj lwm ntawm cov chaw zov me nyuam ces koj yuav tsum kawm kom tau daim ntawv pov thawj rau fab txuj kawm txog cov me nyuam yaus txoj kev loj hlob, kev xav thiab cuj pwm thiab koj yuav tsum tau daim ntawv txheeb xyuas ntawm tub ceev xwm tias koj yog ib tug neeg zoo tsis muaj teeb meem hauv lub cuab yig los yog muaj teeb meem rau tej me nyuam yaus mas koj thiaj muaj cai ua tau cov hauj lwm zov me nyuam no.
Txawm li cas los Hmoob tej neeg zejzog feem coob hauv teb chaws Australia tsis hais nyob lub xeev twg, yeej tseem tos lawv tej nkauj muam nraug nus, tos lawv niam lawv txiv, lawv pog thiab yawg mus txog rau lawv tej txheeb ze ua cov tu cov zov thiab saib xyuas lawv cov me nyuam ntau xwb, ces thiaj tsuas muaj ib txhia tsawg tsawg thiaj li mus siv los yog ntiav lwm tus zov yus tej me nyuam xwb.
Tab sis cov kev siv childcare services no yeej kim heev thiab yuav tau them rau ib teev rau ib hnub twg xwb. Tsis tas li no tseem muaj cov cub yig khwv tau nyiaj tsawg, nyiaj nrab thiab khwv tau nyiaj ntau siv nyiaj los them lwm tus zov me nyuam sib txawv thiab. 
Raws li tsab ntawv xov xwm tau cej luam tau qhia ces nws txheeb tau tias ib yim neeg twg yuav tau siv nyiaj ze txog li AUD 300,000 (AUD 297,600) mas thiaj tu tau ib tug me nyuam mus txog rau thaum nws muaj hnoob nyoog 17 xyoo diam. Vim pib txij li thaum yug los uas tseem yau ces yuav tau siv nyiaj txiag rau ntau yam tsis hais yog zaub mov, khaub ncaws, ntawv, twj ua si, ntaub hloov thaum tso quav tso zis, thiab coj mus kawm Kindergarten hos thaum loj lawm los kuj muaj ntau yam yuav tau them xws li, nqe kawm ntawv, khaub ncaws, kev lom zem, zaub mov noj haus, technology li labtop, smartphone, kev sib txuas lus, them nyiaj caij tsheb mus los ces thiaj tau them kim zog thaum tus me nyuam tseem yau. Tab sis nyob ntawm seb koj muaj pes tsawg tus me nyuam xwb.
Hom kev zov me nyuam thiab them pes tsawg-Careforkids Source: Careforkids
Vim cov kev ntiav lwm tus zov me nyuam los yog cov kev siv childcare services no kim heev, los tsoom hwv teb chaws Australia yeej tsim ib cov kev pab cuam coj los pab rau zej tsoom Australia thiab xws li cov kev pab cuam hu ua uas coj los hloov cov qub uas yog Child Care Benefit and the Child Care Rebate payments kom thiaj li pab tau tej niam txiv ob leeg tib si txhob txhawj xeeb vim lawv tau txais kev pab cuam zov me nyuam los ntawm tsoom hwv teb chaws kom tau tes rov qab mus ua hauj lwm thiab khwv noj khwv haus coj los pab rau lub cuab yig thiab pab Australia tej lagluam.
Yog li ntawd txij hnub tim 2 lub 7 hli ntuj xyoo 2018 dhau los no tsoom hwv teb chaws Australia twb tau siv cov kev pab cuam tshiab hu ua thiaj yeej tau pub sij hawm rau cov niam txiv xav npaj thiab siv cov kev zov me nyuam tshiab no yuav tsum tau mus teev zwm lawv npe tshiab nrog cov system tshiab no kom thiaj tau cov childcare services tshiab no siv txuas ntxiv rau yav tom ntej.
Yav tag los mas nom tswv Australia yeej tso cai rau ib tug neeg uas muaj cai zov thiab tu tau me nyuam txog li 5 tug me nyuam tsis hais lawv muaj hnoob nyoog tsawg xyoo li yog tias lawv tseem yau. Tab sis tam sim no nom tswv tsuas tso cai pub zov 2 tug me nyuam muaj hnoob nyoog 2 xyoos ntawm tag nrho 5 tug ntawd xwb. Yus muaj peev xwm zov thiab suav yus cov me nyuam koom nrog 5 tug me nyuam uas yus zov no tau thiab raws li lub koom haum tau qhia.#
Mloog tau xov xwm ua lus Hmoob ntawm xov tooj cua SBS Radio Hmong program lub vas sab rau 2 hnub xws li zwj Teeb (Thursday) sij hawm 6 thaus tsaus ntuj raws sij hawm sab hnub tuaj ntawm teb chaws Australia (6 pm Australian Eastern Standard Time -AEST) thiab mloog tau rau hnub zwj Hnub (Sunday) sij hawm 11 thaus sawv ntxov (11am AEST).
Thiab mloog tau ntawm yog koj download los nruab rau koj lub xov tooj ntawm tes (Smartphone) uas koj rub tau ntawm App Store tso rau cov Apple phone los yog tablets thiab PCs los yog Labtops ntawd los sis rub tau ntawm Google Play .tso rau koj cov smartphones, tablets, PCs thiab Labtops uas siv cov Android software ntawd.
Tsis tas li no koj tseem mloog thiab download tau cov xov xwm kaw ua suab (Podcasts) ua lus Hmoob thiab lus Askiv tau ntawm uas koj subscribe thiab mus mloog tau ntawm iTunes store ntawm los sis mloog tau ntawm tau tib yam.
Thiab koj tseem tuaj koom tau SBS Radio Hmong Program tau ntawm #SBSHmong Facebook page lub vas sab . Tuaj nyem nyiam (Click like), subscribe, faib xov xwm rau koj tej phooj ywg (share), tuaj tawm tswv yim (comments) thiab nrog SBS Radio Hmong Program tham tau yog koj hu rau tus xov tooj + 61 3 9949 2259 los yog xa koj zaj dab neeg rau lub xov tooj cua no tshaj tawm rau ib tsoom Hmoob thoob ntuj mloog ntawm los sis xa koj cov lus tawm tswv yim tuaj tau rau tus email tau.
