Lub koom haum KidExpress txheeb tau tias ib nkawm ntawm peb nkawm niam txiv twg ntawm Australia yeej tsis paub tias muaj tej cim zoo li cas thiaj qhia tau tias lawv tej me nyuam ntsib teeb meem nyuaj siab ntxov plawv.
Dr Iain Perkes uas yog ib tug kws paub daws kev nyuaj siab rau tej me nyuam thiab tej hluas nto nkauj nto nraug ntawm tsev kawm qib siab University of New South Wales thiab lub tsev kho mob Sydney Children's Hospital Network hais tias yeej muaj qee yam cim qhia tias ib tug me nyuam twg ntsib teeb meem nyuaj siab.
''Yog thaum ib tug me nyuam twg pheej pw tsis tsaug zog, tsis tau pw txaus los yog pheej muaj teeb meem rau lawv tsis tau pw, ua rau lawv hloov tej cwj pwm noj zaub mov, tsis qab los noj mov, thiab ua rau lawv tsis xav mus kawm ntawv los yog kawm tsis tau ntawv zoo li qub, ces tej zaum tej no kuj yuav yog ib co cim qhia tias tus me nyuam ntawd ntsib teeb meem nyuaj siab ntxhov plawv lawm.''Child and Adolescent Psychiatrist Dr Iain Perkes, University of New South Wales and Sydney Children's Hospital Network
Tej xov xwm tshiab tau los ntawm lub chaw teeb txheeb txog tej statistic - Australian Bureau of Statistic (ABS) tau qhia tias yeej muaj ib tug me nyuam ntawm xya tus twg uas muaj hnoob nyoog txij 4 xyoos txog 11 xyoos ntawm Australia no yog cov me nyuam muaj teeb meem nyuaj siab ntxhov plawv, thiab muaj tej teeb meem nyuaj siab ntxhov plawv no txog li ib nrab tau muaj rau tej me nyuam ua ntej lawv yuav muaj hnoob nyoog 14 xyoos. Thiab tsuas muaj tej me nyuam txog li 25 feem pua uas raug txheeb tau tias muaj kev nyuaj siab no thiaj tau txais kev pab cuam - uas yog ib co neeg tau txais kev pab cuam tsawg tshaj plaws yog piv rau Australia tej pej xeem.
Muaj tej me nyuam hnoob nyoog 14 xyoos los yog qes dua ntawd txog li 37 feem pua yog cov hu mus thov kev pab cuam nrog lub koom haum no. Vim yog ib lub chaw uas lawv muaj peev xwm tham txog lawv tej kev nyuaj siab thiab lub koom huam no tau txhawb nqa kom lawv piav thiab tham qhia thiab yog lub mloog txog lawv tej kev nyuaj siab.Virtual Services Manager at Kids Helpline, Tony Fitzgerald
Tsis tas li ntawd los cov kev siv social media, peer pressure, financial pressure, tej ib puag ncig, thiab kab mob sib kis los kuj yog tej uas pheej ua rau tej me nyuam yaus los yog tej hluas ntsib kev nyuaj siab ntxhov plawv thiab.
Ces Kids Helpline thiaj xav kom tej niam txiv qhib siab dav thiab mloog lawv tej me nyuam tham txog lawv cov kev nyuaj siab uas yuav yog tej yam pab tau.
Dr Iain Perkes thiaj xav kom tsoom fwv nqe peev nyiaj txiaj kom ntau tuaj ntxiv los nrhiav cov neeg ua hauj lwm school counsellors ua hauj lwm kom ruaj kiag rau ntawm tej teej kawm los yog tsim ib co program uas haum thiab siv tau hauj lwm zoo coj los pab tej me nyuam yaus daws lawv tej kev nyuaj siab ntxhov plawv, tsis li ntawd ces tej no yuav raws los ua ib cov teeb meem nyuaj siab ntxhov plawv rau lawv rau lub caij lawv ras los ua tej neeg laus thiab.
Yog tias koj los yog ib tug twg xav tau txais kev pab cuam ces hu rau lub koom haum Lifeline tus xov tooj 13 11 14 los yog hu rau lub koom haum Kids Helpline tus xov tooj 1800 55 800.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
