Raws li tau muaj Australia ib co kws tshawb fawb tau mus txheeb cov kev teeb txheeb 73 cov dhau los txog tej kab tej ntsaum, ces lawv tau kwv yees tseg tias tej zaum yuav muaj ntiaj teb tej kab tej ntsaum tuag txog li 40% ntawm tag nrho 75% hauv ntiaj teb no thiab tej zaum yuav ua rau lub ntiaj teb no tu noob tau.
Tos ho yuav muaj tau tej teeb meem no los tim tib neeg tau siv tej tshuaj tua kab thiab tej chiv txuag rau tej qoob loo thiab tua kab tua ntsaum, ntxiv ntawd los tsis muaj tej chaw rau tej tsiaj no nyob vim siv tej av los tsim nroog thiab tseem muaj tej teeb meem hloov quag ntuj (Huab cua pauv hloov) ntxiv thiab, ces tej zaum thiaj yuav muaj tau tej teeb meem tu noob rau lub ntiaj teb no tau. Vim tej kab tej ntsaum no yog ib cov zaub mov rau lwm hom tsiaj tau noj, thiab tseem yog cov pab kom tej qoob loo ua tau noob qoob noob loo. Yog tsis muaj tej kab tej ntsaum no los pab lawm ces yeej yuav ua rau lub ntiaj teb cov ecosystem puas tsuaj xwb.
Yog li Australia cov kws tshawb fawb thiaj tau kwv yees tseg tias tej zaum lub sij hawm li 10 ntxiv no yog ntiaj teb tsis kub siab los tsim cai pov puag tej kab tej ntsaum thiab thiab los nqes tes nrog daws tej teeb meem no ces yuav ua rau ntiaj teb raug cov teeb meem tu noob ua zaum 6 ntxiv tom ntej no los tau.
Txawm li cas los peb tseem muaj cov kev cia siab thiab raws li Australia cov kws tshawb fawb tau qhia, yog tias peb kub siab los nrog xyuas thiab daws tej teeb meem no ces peb yuav cheem tau los yog thim kom ntiaj teb txhob raug tej teeb meem no tau thiab, tab sis yuav tsum tau kub siab nqes tes los daws kiag tej teeb meem no tam sim no mas thiaj tau.
