Dr. Yengyee Lor tau hais tias yog tej yam tseem ceeb heev uas tsim nyog Hmoob tej neeg zejzog thoob ntuj yuav tsum tau kub siab tig los kawm thiab xyaum kom paub tswj lawv tej nyiaj txiaj.
Peb tej laus yeej tsis tshua paub tswj nyiaj txiaj pes tsawg ces thiaj npaj tsis tau nyiaj pab rau lawv thaum lawv laus kom tau siv, kom tau los pab lawv tsev neeg, pab tej tub kis mus kawm ntaub kawm ntawv ces thiaj tseem txom nyem. Tab sis Dr. Lor xav kom phaum hluas yuav tsum tau kub siab los kawm kom paub tswj lawv tej nyiaj txiaj txhua yam thiab cia siab tias yuav pab kom haiv neeg Hmoob txhua tus ua tau lub neej tsis txhawj txog nyiaj txiaj thiab ua lub neej kaj siab muaj nyiaj li luag pej kum haiv neeg.
