Hlee Lee tau hais tias tom qab nws kawm tias los ua ib tug tub tshaj xov xwm thiab nrhiav xov xwm lawm, nws tau ua hauj lwm tshaj xov xwm hauv TV los tau ib ntus. Tab sis nws ho xav tias nws nyiam tsim cov documentary ces nws thiaj tawm nws txoj hauj lwm TV broadcaster los teeb tsa nws ib lub tuam txhab ua hauj lwm nrog cov koom haum Non-Government Organizations (NGOs) los qhia lawv cov dab neeg uas tej chaw nthuav xov xwm loj tsis tshua kub siab txog ntawd.
Tab sis nws yuav tau kawm ntau yam txuj hauv youtube thiab kawm los ntawm cov neeg kam qhia nws (mentors). Piv txwv qee cov txuj nws yuav tau kawm yog Adobe Photoshop, photography, ntau cov software, film editing thiab video editing kom nws thiaj muaj peev xwm los tsim tau cov film los yog video ua cov documentary uas qhia lwm tus cov dab neeg nrog rau cov kev yees duab nrog tib si. Tab sis kuj muaj hmoo uas nws tus txiv kuj yog ib tug neeg ua hauj lwm tam li videographer us pab tau nws kawg nkaus li thiab.
Nws qhia tias txoj hauj lwm no yog ib txog yuav tau ua ntau yam hauj lwm, uas nws nyiam ua heev. Nws yuav tau mus koom cov koom haum tej koom txoos, yees duab, yees yeeb yaj duab thiab interview lawv ces mam coj los txiav thiab txuas thiab kho kom tau zoo raws siab xav. Yog li nws thiaj qhia tias yog leej twg tsis nyiam ces kom txhob ua txoj hauj lwm no. Vim yuav tau lis ntau yam hauj lwm heev. Tab sis nws nyiam heev, nws yeej txheeb thiab teev txhua yam hauj lwm kheej thiab tseem tau txheeb xyuas nws tej ntaub ntawv teev nyiaj txiaj rau nws lub tuam txhb uas nws tsim tsa tib si. Yog li tej tub kawm uas nws qhia tej txuj ci no rau thiaj tsuas xav kawm ua si kom lom zem los yog kom paub ua ib yam dab tsi rau lbu caij lawv khoom xwb.
"Yus yog ib tub ntxhais Hmoob los yog ib tug poj niam Hmoob ces lwm tus yeej saib ntsoov yus tias seb yus puas kawm tau ntawv zoo, thiab yus puas yuav ras los ua tau ib tug nyab zoo, thiab thaum sib yuav muaj cuab yig lawm ces tej laus yeej xav kom yuav thiab muaj me nyuam xwb. Tab sis Hli Lis hais tias nws tsis nyiam lub tswv yim no, thiab tsis xav yuav me nyuam kom thiaj ua tau raws li cov hom phiaj nws npau suav."
Hlee Lee, a photographer-Coutesy of Hlee Lee Source: Courtesy of Hlee Lee
Tab sis tom qab nws tau teeb tsa nws lub lagluam no thiab tau hauj lwm ua, muaj neeg paub nws coob ntxiv tuaj lawm ces nws niam nws txiv thiaj tsis tshua hais nws lawm xwb, vim thaum xub ces tseem tsis sib haum rau tej hauj lwm nws ua vim lawv xav kom nws tau ib txoj hauj lwm ruaj ua.
Ms. Lee tau hais tias nws yog ib tug neeg xav paub xav pom thiab xav kawm yam txuj cij tshiab heev, thiab yeej qhib siab tos txais thiab kawm. Nws kuj muaj hmoo uas muaj tej neeg coob leej ntau tus paub txog ntau fab txuj kam thiab txaus siab qhia ntau yam txuj pub rau nws.
"Kuv xav kom peb cov ntxhais paub txog tias peb muaj nqi thiab tsim nuj, thiab peb muaj peev xwm ua tau zoo tshaj plaws raws li peb lub tsab peev xwm, ua yam peb nyiam ua txawm tias peb niam thiab txiv yuav tsis pom zoo los tsis ua li cas," Hli Lis tau hais tias yog ib nqe tseem ceeb tshaj plaws nws xav qhia rau Hmoob tej ntxhais.
Film making-Courtesy of Hlee Lee Source: Courtesy of Hlee Lee
Ib nqe tseem ceeb uas Ms. Hlee Lee xav hais ces nws xav paub tias seb Hmoob tej ntxhais nyob thoob ntuj tsis hais yog cov teb chaws vam meej uas Hmoob tau mus nyob los yog cov tseem nyob ntuj qub qab puas muaj zoo cib fim rau lawv txoj kev ua lub neej li nws muaj peev xwm ua tau raws li nws txoj kev npau suav.#
Listen more news in Hmong and English at SBS Radio Hmong Program on Thursday at 6pm AEDT-Australian Eastern Standard Time and Sunday at 11 am AEDT.
You can download SBS Radio App from App Store at and from Google Play at or you can download podcasts news in Hmong and English from.
Besides, you can follow us, click like, share and comments at #SBSHmong website at
Call to have a chat with SBS Radio Hmong Program on + 61 3 9949 2259 or sent your comments to .
