Cov nuj nqes HECS HELP

Lub caij uas America tus President Joe Biden tau los qhia txog nws tej tswv yim yuav zam USD 10,000 tsis hais kom ntau million tus neeg America uas qev coj los siv kawm ntawv uas lawv yog cov neeg khwv tau nyiaj nrab thiab tej cuab yig ua hauj lwm ntawd them, tau muaj Australia tej koom haum sawv cev rau tej tub kawm tau nqua hu kom txo tej nqe ntiav kawm ntawv vim lawv txom nyem rau lub caij tej nuj nqes siv ua lub neej kim tuaj no.

HECS HELP Student Loan Credit: Tertiary Education

Tej nuj nqe nyiaj txiaj qev los ntiav kawm qib siab (HECS HELP):

Lub caij uas America tus President Joe Biden tau los qhia txog nws tej tswv yim yuav zam USD 10,000 nuj nqe nyiaj txiaj rau ntau million tus neeg America uas qev siv kawm ntawv uas yog cov neeg khwv tau nyiaj nrab thiab tej cuab yig ua hauj lwm ntawd tau muaj Professor Bruce Chapman hais tias kom tsis txhob siv lub tswv yim li America siv ntawm teb chaws Australia, vim tej zaum yuav ua rau tsoom fwv poob nyiaj puag xyoo (budge) txog li ntawm 4 los 5 billion Australian dollars ces tej zaum yuav tsim tsis tau cov kev pab cuam li peb siv tam sim no los yog yuav ua rau tej zaum yuav nce se ntau ntxiv. Txawm li cas los tej koom haum sawv cev rau tej tub kawm qib siab hais tias tej tub kawm txom nyem heev thiab xav kom txo tej nqe ntiav kawm qeb siab kom tsawg.

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App thiab SBS Hmong podfollow kom koj mloog tau SBS Hmong.