Hmoob lub khw kho rau tes thiab zuaj ib ce

Cov tswv yim ntawm ib tug poj niam Hmoob uas cov lagluam rau tes thiab beauty thiab rho plaub zuaj ib ce uas xav qhia rau koj yog koj xav ua cov lagluam no thiab ua cov hauj lwm no yuav tau npaj dab tsi.

Pacific Beauty Studio-Hmong Brisbane Beauty Salon Source: Niam Ntxoov Ntxawg Vwj Thoj

Ms. Viengsavang Lorbliayao yog tus tswv lub beauty salonhu ua Pacific Beauty Studio ntawm nroog Brisbane xeev Queensland ntawm teb chaws Australia.

Nws tau qhia rau xov tooj cua SBS Hmong Program tias nws yeej nyiaj cov beauty no thiab ces nws thiaj kawm thiab los qhib lub khw no vim pab tau nws tsev neeg thiab tsis tau mus ua hauj lwm rau lwm tus tswv lagluam.

Ms. Lorbliayao tau hais tias nws twb tau kawm tiav Certificate III tam li yog ib tug beautician uas nws yeej qhib tau khw ua lagluam thiab muaj cai qhia tau nws cov neeg ua hauj lwm kom txawj ua cov hauj lwm no tau.

Nws kuj muaj ntau cov services li txuas rau tes, rho plaub, zuaj plhu thiab ntsej muag nrog rau zuaj ib ce thiab muag cov khoom beauty products ntawd.

Niam Ntxoov Ntxawg Vwj Thoj qhia tias muaj ib cov poj niam Hmoob uas kawm tiav cov kev txuas rau tes ces kuj ua cov hauj lwm txuas rau tes no xwb hos cov neeg ua hauj lwm 2-3 leeg uas seem ntawd ces mam nrog nws xyuas lwm yam hauj lwm.

Ms. Lorbliayao hais tias yog leej twg xav qhib khw ua cov lagluam no ces yuav tsum kawm kom tiav los ua ib tug beautician, yuav tsum nyiam cov hauj lwm no tiag, mus thov ntawv tso cai ua cov lagluam no ntawm nom tswv zejzog thiab nom tswv xeev kom muaj cai ua tau cov luam no thiab yoog raws tej cai tswj cov lagluam no, ntxiv ntawd ces nyob ntawm seb yus ho xav nqes peev lagluam npaum li cas rau cov lagluam no xwb.

Nws tau hais ntxiv tias cov hauj lwm no tsis yog poj niam thiaj ua tau xwb txiv neej los yeej muaj peev xwm ua tau thiab yog yus nyiam tiag.#

Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab www.sbs.com.au/hmong rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store https://apple.co/2pLgvCX thiab ntawm Google Play http://bit.ly/2GuIRv los yog download xov xwm kaw ua suab (Podcasts) ua lus Hmoob thiab lus Askiv tau ntawm www.sbs.com.au/podcasts/yourlanguage/hmong los sis download tau ntawm https://www.stitcher.com/podcast/sbs-radio/sbs-hmong thiab ntawm iTunes https://itunes.apple.com/us/podcast/sbs-hmong/id814724207?mt=2  los yog mloog tau ntawm https://feedpress.me/sbs-hmong tuaj koom ua tub koom siab thiab koom mloog tau tau ntawm #SBSHmong lub Facebook page www.facebook.com/sbshmong tau.