Cov xwm txheej uas tej zaum cuam tshuam txog Hmoob cov tsev yeeb ntawm Wat Thamkrabok, Saraburi,Thailand

Tau muaj ib co xwm txheej ntawm Wat Thamkrabok, Saraburi ua rau tsev neeg Hmoob muaj kev txhawj xeeb.

Hmong grave issue at Wat Thamkrabok, Saraburi, Thailand Source: Sao Yang, Nao Tou Lor

SBS Hmong Radio Program tau nrog Kim Saub Yaj thiab Kim Nom Tub Lauj tham rau 2 hnub so (Saturday thiab Sunday tim 10-11/03/2018) ces nkawv qhias tias tam sim no tsis xav kom Hmoob ntshai thiab txhawj xeeb dab tsi txog Hmoob cov tsev yeeb zais ze ntawm lub Wat Thamkrabok, Saraburi ntawm Thaib teb ntxiv lawm.

Koj mus saib tau yees daim video clip 2 rau hnub tim 09/03/2018 uas Kim Saub Yaj yes Kim Nom Tub Lauj mus xyuas cov ntoo hauj sam luau ntawm lawv thaj av thiab qhia tias tsis luaj tsis nrau mus rau thaj chaw muas muaj Hmoob cov tsev yeeb tau ntawm no: https://www.facebook.com/100017868857412/videos/190911498181144/

Hub tim 04/03/2018 dhau los, Kim Saub Yaj thiab Kim Nom Tub Lauj uas yog ob yawm yij thiab dab laug tseem sam sim mus ua hauj lwm. Tab sis mus txog tog kev ze ntawm lub Wat Thamkrabok ces txawm muaj ib tug hauj sam los hais rau nkawv tias yog nkawv yog Hmoob thiab paub Hmoob tej txheeb ze uas muaj lawv cov neeg coj mus zais rau thaj av ze lub Wat Thamkrabok rau sab hnub tuaj ces kav tsij qhia thiab tshaj rau tej neeg ntawd kom tuaj nrog xyuas seb puas muab lawv tej neeg lub cev tshem mus rau lwm qhov vim hauj sam yuav muab hauj sam thaj av no luaj, muab tej ntoo txiav thiab khawb cov ntxa no tawm coj mus hlawv tso rau ntawm lub Wat no yog tsis muaj neeg los nrog txheeb xyuas. Vim hauj sam xav siv thaj av no ua lwm yam.

Yog li nkawv thiaj txiav txim siab los mus yes thawj dam video https://www.facebook.com/saub.yaj/videos/973607599462201/  los tseb thiab tshaj qhia rau hauv Facebook qhia ray tsev need Hmoob thoob ntuj tau paub. Ces thiaj muaj neeg shared thawj daim video clip no tshaj 2000 zaus thiab muaj neeg saib txog li 70,000 tus. Thiaj muaj tsev neeg Hmoob hu xov tooj rau nkawv tus hais li cas los muaj, ces nkawv thiaj tau hais kom thawj hauj sam txhob maj thiab yuav tsum hu tub ceev xwm thiab cov neeg ntsuas ciam av mus nrog txheeb seb hauj sam av txog twg. Thaum kawg thiaj paub meej tias tshuav li 30 metre ces txiav ntoo mus txog kiag lwm tus neeg thaj av ntiag tug uas muaj cov kwv tij Hmoob tau tshwm nyiaj yuav cov av no zais lawv tej txheeb ze, ces thiaj xau cov xwm txheej no tseg li no lawm xwb.

Raws li Kim Nom Tub Lauj tau qhia, news yog us suav tau cov ntxa seem zoo txog 16 lub thiab muaj cov sau tau lub yog am aces tshaj 20 tom lub. #

Koj muaj peev xwm mloog tau cov xov xwm ua lus Hmoob thiab lus Askiv tau ntawm lub vas sab www.sbs.com.au/hmong thiab download tau tej xov xwm kaw ua suab (Podcasts) tau ntawm lub vam sab www.sbs.com.au/podcasts/yourlanguge/hmong and thiab taut ua tub koom sib nrog xov tooj cua SBS Hmong Program tau haul Facebook ntawm www.sbs.com.au/sbshmong. Tuaj nyem nyiam (Click like us), share tej xov xwm ray koj tej phooj ywg mloog los yog koom tawm tswv yim thiab qhia koj zaj dab neeg rau xov tooj cua SBS Radio Hmong Program tshaj tawm rau ib tsoom Hmoob thoob qab ntuj tau mloog. Yog koj xav nrog cov neeg ua hauj lwm ntawm SBS Radio Hmong Program tham ces hu tau rau tus zauv xov tooj [phone] los sis xa xov rau [phone].