Yeej tsis muaj ib tus niam txiv twg xav hno ib tsab xo ntawm tub ceev xwm tias lawv tus me nyuam raug ntes li. Tab sis yog muaj tej xwm txheej tshwm sim li hais no tiag los kuj yuav tsis yog ib cov xwm txheej phem npaum li koj xav thiab.
Thawj yam tsim nyog koj paub ces yog cov youth justice system hauv teb chaws Australia no lawv yeej ua cov saib xyuas txog tej hluas txoj kev noj qab nyob zoo thiab txoj kev txhim kho rau lawv, tsis yog pheej yuav rau txim rau lawv nkaus xwb.
"Anoushka Jeronimus uas yog tus program manager uas tswj cov hauj lwm Youth Crime Program ntawm lub koom haum Victoria Legal Aid tau qhia tias "Yog ib cov kev lees paub tias lawv yeej ua tau tej yam txhaum cai thiab, tab sis kuj muaj lub hom phiaj pub cib fim rau lawv kom tso tseg txhob tsim teeb meem rau lawv tus kheej los yog rau lwm tus ntxiv lawm thiab."
Source: Getty Images
Thov tau ib tug kws lij choj ntawm Legal Aid pab koj
Thaum tej hluas cuam tshuam txog tub ceev xwm ces lawv thiaj kis cuam tshuam txog cov youth justice system.
Yog ib tug me nyuam raug txhom lawm ces tub ceev xwm yuav coj lawv mus nug. Tab sis yog tias lawv hnoob nyoog qes dua 14 xyoos ces yuav tsum kom lawv niam los sis txiv ib tug, los yog tus neeg tu saib xyuas lawv yuav tau nrog lawv ua ke mus ntsib tub ceev xwm. Hos yog tias lawv ho muaj hnoob nyoog txij 14-17 xyoo lawm ces lawv muaj cai txiav txim siab tias xav kom ib tug neeg muaj hnoob nyoog twg nrog lawv mus. Tej zaum tus neeg ntawd yuav yog ib tug hauv lawv tsev neeg, yog ib tug kws lij choj los sis yog lawv ib tug phooj ywg hnoob nyoog tshaj 18 xyoo rov sauv los yog cov neeg ua hauj lwm pab tej hluas.
Jeronimus hais tias thiaj tseem ceeb heev uas tus me nyuam ntawd los yog lawv tsev neeg yuav tau sab laj nrog thiab thov ib tug kws lij choj ntawm lub koom haum Legal Aid ntawm lub xeev koj nyob ntawd, () ua ntej yuav mus nrog tub ceev xwm tham.
Policeman questioning witnesses during crime investigation. Source: Getty Images
"Tus kws lij choj ntawd yuav ua qee yam dab tsi xws li nug seb tus hluas ntawd ho zoo li cas lawm, tshab txhais txog tsev hais plaub thiab tub ceev xwm tej txheej txheem kom lawv totaub. Tsis tas li no nws yuav qhia tias seb tej zaum tub ceev xwm puas yuav tsub txim zoo li cas rau tus hluas ntawd thiab ho muaj cai li cas mus nrog hais tej plaub ntawd."
Thiab yog tias tus hluas los yog nws niam nws txiv xav tau neeg txhais lus, ces lawv yeej thov kom tub ceev xwm nrhiav neeg txhais lus rau lawv tau. Thiab yog lawv nrhiav tsis tau neeg txhais lus ces tub ceev xwm yeej tsis nrog tus hluas ntawd tham li.
Tab sis ho muaj dab tsi tshwm sim txuas ntxiv thiab?
Yog tus hluas ntawd ho tau ua txhaum cai thawj zaug xwb thiab ho tsis txhaum loj, ces tej zaum tub ceev xwm kuj tsuas .
Tab sis tub ceev xwm kuj yuav txiav txim siab tsub txim rau tej hluas no los tau thaib, qhov no txhais tau tias lawv yuav raug xa ntawv mus caw kom yuav tsum mus sib hais ntawm tej hluas lub tsev hais plaub ntawd. Tab sis yog tub ceev xwm pom tias tus hluas ntawd ua txhaum loj thiab yuav muaj tau teeb meem pheej hmoo rau tej neeg zejzog ces tub ceev xwm yuav muab tus hluas ntaws ceev tseg thiab yuav coj mus hais plaub kiag rau ib hnub tom qab ntawd lawm.
Txawm yus tsis tau thov kws lij choj mus koom rau lub caij tub ceev xwm nug yus tus me nyuam, los yus yeej muaj cai thov tau ib tug pab yus thaum mus hais plaub ntawd tau thiab. Yog tias yus tsis muaj sij hawm ua tau li hais ntawd, los yeej tseem muaj peev xwm thov tau ib tug kws lij choj ua haum ntawm lub tsev hais plaub pab yus rau hnub yus yuav mus hais plaub ntawd tau thiab.
Thaum mus txog hauv tsev hais plaub lawm, ces seb ho txhaum loj los me ces mam li raug teem txim raws qhov sib thiab hnyav raws li cov kev tau ua txhaum ntawd xwb. Tej zaum kuj tsuas raug txib kom mus pab tej neeg zejzog () los yog raug nplua thiab raug txwv tsis pub ua ib yam dab tsi xwb (). Tab sis nqe kawg ces tej zaum kuj yuav raug coj mus kaw ntawm tej chaw kaw cov hluas (Youth Detention Centres) tau thiab.
An attorney discusses evidence with his client in a courtroom. Source: Getty Images
Katherine McFarlane yog ib tug Associate Professor ntawm lub chaw qhia cai lij choj thiab kev ncaj ncees hais tias cov system no yeej xav tsim coj los pab kom tej me nyuam txhob raug coj mus kaw hauv tsev loj cuj.
"Qhov no yeej txais tsis tau tias lawv yuav tsis raug txim. Tab sis cov kev raug muab ceev tseg ntawm tej chaw kaw tej hluas no haj yam tsim teeb meem phem tshaj plaws ntxiv raws li peb paub. Tau muaj cov kev teeb txheeb yeej tau qhia lawm tias, yog ib tug me nyuam muaj feem cuam tshuam txog cov justice system thiab raug mus hais plaub thiab raug ceev ntxov npaum li cas ces yuav muaj tau teeb meem phem tshaj plaws tshwm sim tau npaum li ntawd thiab. Tus hluas ntawd los tseem yuav rov qab mus ua txhaum dua ntxiv, thiab nws yuav tsis tau txais kev pab cuam pab rau nws tsis tas li no los thaum lawv muaj hnoob nyoog tuaj lawm los lawv tseem yuav ua txhaum cai ntxiv thiab."
Source: Getty Images
Yuav nrhiav tau kev pab cuam qhov twg?
Yog tias koj tus kheej los yog koj ib tug me nyuam muaj feem cuam tshuam txog cov youth justice system lawm ces xav kom koj sib txuas lus thiab nrog tej kws lij choj ntawm lub koom haum Legal Aid ntawm lub xeev koj nyob ntawd tham kom ntxov li ntxov tau ().
