Hungry ghosts yog ib zaj dab neeg hais txog cov dab muaj fwj chim heev uas yog muaj 4 toom ua cov TV drama series yoog raws cov keeb kwm ntawm tsov rog Nyab Laj (Vietnam War) uas tseem muaj tej dab tej xyws thiab tej ntsuj plig los looj koov thiab tsim teeb meem rau cov neeg zejzog Nyab laj hauv teb chaws Australia no los tau ntau phaum neeg.
Screen Australia yog tus tau tshwm nyiaj los ua cov yeeb yaj duab (drama series) Hungry Ghosts no thiab tau muaj kev koom tes thiab pab los ntawm Film Australia rau SBS kom los tsim tau cov yeeb yaj duab no thiab yuav coj los tso rau sawv daws saib rau thaum yav lig rau xyoo 2019 no. Txuas ntxiv ntawd ces lub koom haum NBC Unversal Inernational Distribution mam li ua tus muab cov yeeb yaj duab no faib kom thoob tso rau ntiaj teb no tau saib txuas ntxiv.
Timothy Hobart uas yog ib tug tau koom sau zaj dab neeg no nrog ntau tus uas muaj Michelle Lee nrog thiab nws tseem yog tus los tswj cov kev yees cov yeeb yaj duab no thiab tau hais tias, yog ib zaj dab neeg qhia txog tej xwm txheej phom sij tau tshwm sim rau lub caij muaj tsov rog Nyab Laj (Vietnam War) uas tej xyw tej ntsuj plig tau ploj qaug no tseem los ntoj los thuv thiab los hem ntau phaum neeg Nyab laj hauv teb chaws Australia rau lub caij uas tseem yuav ua lub koom txoos Dab Tshaib Plab (Hungry Ghosts Festival) ntawm nroog Melbourne no.
Mloog tau Nchaiv Khwb Xyooj uas yog Hmoob ib tug laus neeg paub zoo txog Hmoob tej kev cai dab qhuaas thiaj hais tias yog tsis ua ntees thiab tso plig rau tej neeg ploj qaug yuav muaj tau teeb meem dab tsi rau tsev neeg ntawd tej tub ki li cas ntawm no:
Vim tau muaj ib lub kib muaj fwj huaj heev uas kaw tej vijsub vij sw thiab tej ntsuj phem ntawd tau tawg ces tej vij dab phem thiaj dim thiab tawm los looj koov, los hem, los pauj kua zaub ntsuab paub kev chim, los nrhiav kev hlub ntawm tej neeg Nyab laj no. Yog li ntawd thiaj tau muaj ib tug ntxhais Nyab laj uas nws yeej tsis tau ua ib yam dab tsi tseem ceeb rau nws lub neej thiaj yuav tau los leg tej dej num no kom pov puag tau nws tej neeg thiab xaus tau tej xwm txheej phom sij no.
"Timothy Hobart hais tias " Yog tham txog cov neeg Cob tsib txoj kev sib cuam tshuam txog lub koom txoos Dab Tshaib Plab (Hungry Ghosts Festival) no thiab lawv cov kev cam hwm tej poj koob yawm koob lawm, ces yog thaum tau muaj ib tug twg tau nruam sim los sis ploj qaug lawm, ces yuav tsum tau los ua ntees thiab tso lawv tej ntsuj plig kom mus cuag poj cuag yawm thiab mus thawj thiab dua tshiab. Tab sis vim yog tau muaj cov tsov rog Vietnam War no, ces thiaj ua rau muaj tej poj niam, txiv neej tsis hais laus los hluas thiab tej me nyuam tau raug ploj raug tuag rau yas ncua yas ke yam tsis tau ua ntees rau lawv kom raws li qhov tsim nyog, ces tej tsuj no thiaj tau ras los ua cov Dab Tshaib Plab (Hungry Ghosts) lawm."
Mr Hobart hais tias pob yeeb yaj duab no yeej yees cov tseem ceeb ntawm nroog Melbourne lawm, tab sis tseem yuav tau yees qee cov ntxiv rau ntawm far-north Queensland ntxiv vim zaj dab neeg no cuam tshuam txog tej xwm txheej tau tshwm sim rau teb chaws Nyab Laj uas tsis muaj peev xwm mus yees tau, ces thiaj yuav tau yees rau thaj chaw li Cairns thiab Innisfail uas yuav pib yees txij li hnub tim 24.06.2019 no mus lawm.
Yog li thiaj xav txhawb nqa kom cov neeg zejzog Hmoob thiab Nyab laj ntawm 2 lub zos no, yog leej twg xav mus koom cov extras casting roles uas tsis ua dab tsi ntau, tej zaum mus nyob hauv cov backgrounds kom cov neeg ua pob movie no zoo ua movies xwb mus koom.
Mr Hobart qhia tias yog leej twg xav mus koom ces xav kom sau ntawv sib txuas lus tau nrog Sian William uas tswj cov ExtrasCasting tus email: .
Nws tseem tau qhia ntxiv tias cov neeg ua pob movie no yuav them nyiaj ntiav nqe tsheb tau kev, nqe noj thiab them cov nqe rau lawv mus koom ua pov movie Dab Tshaib Plab (Hungry Ghosts) no thiab.
Txawm li cas los Timothy Hobart yeej tau qhia ntxiv tias, vim SBS yeej yog ib lub chaw nthuav xov xwm uas yeej txhawb nqa Australia ntau haiv neeg uas coj ntseeg ntau yam kev cai dab qhuas thiab hais ntau hom lus ntawd nrog rau txhawb nqa lub tswv yim multiculturalism uas xav kom txhua cov pej xeem tau mus muaj feem koom ua yeeb yaj duab ntawd thiab.
