Hnub tim 19 lub 4 hlis ntuj xyoo 2024 no ces yuav muaj tej neeg India txog 970 million tus mus xaiv tej nom tag nrho 543 lub rooj nom ntawm tag nrho 545 lub ntawm India lub tsev kis xeev qes (Lower house -Lok Sabha). Thiab yuav siv sij hawm ntev tshaj 44 hnub mus txog hnub tim 4 lub 6 hli ntuj mam qhia tias pab nom twg yeej.
Kuj tau muaj kev kwv yees lawm tias Narendra Modi uas yog India tus thawj pwm tsav tam sim no thiab yog tus coj pab nom Bharatiya Janata Party (BJP) yuav yog tus yeej. Thiab nws yeej tau tawm los qhia tias nws xav kom nws pab nom yeej 400 lub rooj nom. Tej hauj lwm nws ua ces yog los tsim tej haus paus txhim kho, pab noob qoob loo rau India tej pej xeem txom nyem, xyuas kom muaj taub gas siv, tsim tsev plob siv, thiab tsim cov direct cash transfers siv. Thiab lub caij Mr Modi tau ua nom no tau pab kom India ras los ua lub teb chaws lagluam zoo tshaj plaws hauv ntiaj teb no ua zum 5 yeej teb chaws Askiv lawm thiab.
Majoj Joshi ntawm lub koom haum Observer Research Foundation hais tias ''BJP tau siv lub tswv yim Hinduism - uas yog siv cov kev ntseeg ua ib co twj coj los pab kom tau txiaj ntsim rau nws tej hauj lwm nom tswv.''
Hos kuj muaj ntau tshaj 12 pab nom ntawm lub koom haum Indian National Developmental Inclusive Alliance (INDIA) suav lwm pab nom tseem ceeb Indian National Congress Party nrog uas yog cov pab nom yuav los sib tw tej rooj nom no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
