Kev muaj feem koom rau koj tej me nyuam cov teej kawm thiab cov kev kawm

Kev muaj feem koom nrog koj tus me nyuam txoj kev kawm thiab lawv lub teej kawm yuav pab kom lawv kawm tau ntawv zoo thiab tseem tau txais lwm yam txiaj ntsim thiab.

An Asian mother and daughter are indoors in a library. The mother is helping the daughter learn to read. Source: Getty Images

Tau muaj cov kev teeb txheeb tau qhia tias thaum tej niam txiv muaj feem koom nrog lawv tej me nyuam cov kev kawm thiab tej teej kawm lawm, ces lawv cov me nyuam yuav kawm tau ntawv zoo dua, kawm ntawv ntev dua thiab muaj txoj kev zoo siab dua.

Lub koom haum Australian Parents Council tus coj Shelley Hill qhia tias kuj tau txiaj ntsim rau tej niam txiv thiab. "Nws pab kom lawv tsim kev phooj ywg tshiab, nkag siab tias qhia thiab kawm ntawv li cas hauv Australia thiab pab kom lawv paub tias lawv tej me nyuam ho puas kawm tau ntawv zoo li cas los yog tseem muaj teeb meem dab tsi es thiaj paub nug lawv tej me nyuam tom tsev."

Source: Getty Images

Yeej tsis yog tag nrho tej niam txiv hauv ntiaj teb no tau txais kev txhawb nqa kom muaj feem koom rau lawv tej me nyuam tej teej kawm li, txawm li cas los Shelley Hill yeej xav qhia meej rau tej niam txiav tias ntawm teb chaws Australia no yeej zoo siab tos txais thiab xav kom tej niam txiv muaj feem koom.

Nws hais tias "Ntawm teb chaws Australia no tej teej kawm thiab tej lees kais yeej zoo siab txais tos tes niam txiv. Vim lawv yeej xav paub yus tsev neeg thiab yus tus me nyuam kom zoo kom lawv thiaj muaj peev xwm ua tau hauj lwm ua ke zoo nrog yus thiab tsim tau kev sib raug thiab sib pab los xyuas seb yus tus me nyuam ho kawm tau ntawv zoo li cas thiab ho xav tau kev pab cuam dab tsi ces thiaj paub sib pab los nrog daws ua ke, uas yog tej yam tseem ceeb heev hauv Australia tej teej kawm."

Yuav tsum nrhiav sij hawm kom khoom tom tsev los pab yus tej me nyuam

Ua ntej yus yuav muaj feem koom ntawm tej teej kawm ces xav kom yus yuav tsum nrhiav sij hawm kom khoom los pab yus tej me nyuam tom tsev tso. Nug seb lawv ho kawm ntawv li cas rau ib hnub twg, thiab lawv ho kawm tau dab tsi. Qhia kom lawv paub tias yus kub siab thiab xav paub txog lawv  thiab txhawb nqa thiab qhua lawv rau tej yam ua lawv tau ua tiav thiab ua tau zoo ntawd.Before going into the school, you can start by being available for your children at home. Ask them questions about their day at school and what they’ve learnt. Show interest and encouragement about what they've achieved.

Yog tias koj ho muaj peev xwm pab ua tau lawv tej homework, ces yog ib qhov zoo heev. Tab sis txawm tias yus pab tsis tau los yus yeej tseem txheeb xyuas tau tias lawv ua dab tsi thiab kawm thiab ua dab tsi tom teej kawm thiab hauv lawv tej ntawv sau.

Lauren Ireland, uas yog Education Project officer ntawm lub koom haum Centre for Multicultural Youth hais tias “Pab nrhiav kom tau ib qho chaw ntsiag to rau yus tej me nyuam tau kawm ntawv los yog ua lawv cov homework yog tej yam tseem ceeb heev. Peb sawv daws yeej paub tias tej zaum ntshe yuav tsis muaj peev xwm ua tau li hais ntawd yog tias tsev neeg ntawd ho muaj coob tus me nyuam, tsev ti los yog ntshoo heev, ces xav kom coj me nyuam mus kawm los yog ua homework ntawm teej kawm lub chav khaws ntawv los yog hauv zejzog lub chaw khaws ntawv tau tib yam. Los sis mus koom cov pawg neeg uas pab tej me nyuam ua lawv cov homework los yog koom cov family learning clubs kuj yog tej yam zoo."

Hispanic mother watching son practicing writing alphabet Source: Getty Images

Kuj tseem ceeb heev thiab uas yuav tau los txhawb nqa lawv tej me nyuam kom kawm lawv thawj hom lus thiab.

Ireland hais tias "Kev nyeem ntawv los yog qhia dab neeg nrog yus tej me nyuam yog tej yam tseem ceeb heev li, tsis tas yuav nyeem ua lus Askiv es thiaj tau txais txiaj ntsim xwb lawm hom lus thiab ntawv los yeej tau tib yam. Tsis hais cia li muab cov phau ntawv Askiv es coj los saib duab thiab tham tias tej duab ntawd qhia txog dab tsi los sis muaj dab tsi tshwm sim es twv seb yog li cas ntawd tej no yeej yog ib cov kev pab koj tej me nyuam txoj kev kawm lawm."

Mus koom tej teej kawm.

Yog tias koj tsis paub lus es ua rau koj mus koom tsis tau koj tus me nyuam lub teej kawm, los koj yeej muaj peev xwm sib txuas lus nrog cov neeg ua hauj lwm tom tsev kawm ntawv thiab thov kom lawv nrhiav neeg txhais lus pab koj los tau.

Ireland hais tias "Xav kom tej niam txiv mus koom sab laj rau lub caij tej lees kais sab laj nrog cov niam txiv thiab thov kom lawv nrhiav neeg txhais lus pab rau lawv ua ntej yuav mus ntsib lees kais yog ib txoj xub kev yuav pab kom yus paub tias yus tus me nyuam ho kawm ntawv li cas tom tej teej kawm. Tej niam txiv yeej nug tau tej lees kais tias seb tsim nyog yuav tau pab yus tus me nyuam dab tsi tom tsev ntxiv rau tej yam lawv kawm tsis tshua tau zoo kom ho kawm tau zoo tuaj ntxiv. Thiab txawm tej niam txiv tsis muaj peev xwm yuav pab tau tej hais no, los yam tsawg lawv tsim nyog sab laj tej no nrog lawv tej me nyuam.''

A teacher discusses his student's accomplishments with her father during a conference at school. Source: Getty Images

Txawm tias cov kev sib ntsib ntawm tej niam txiv thiab lees kais yog ib co tseem ceeb heev los yeej muaj lwm cov hauv kev yuav pab kom koj muaj peev xwm koom tau nrog koj tej me nyuam tej kev kawm thiab tej teej kawm thiab. Koj yeej mus koom tau lub caij teej kawm sib sau ua ke los yog mus ua hauj lwm yeem tham muag khoom noj, mus koom thiab pab tej chav kawm los yog mus koom tej teej kawm rau lub caij lawv coj tej me nyuam mus ncig ntawd tau tib yam thiab.

Yog tias koj xav tias nyuaj rau koj heev koj yeej tseem coj tau koj tus txij nkawm los yog koj tej phooj ywg nrog koj mus pab koj thiab mus ntsib lawv uas yog thawj kauj ruam tseem ceeb; ces tej lees kais thiab tej neeg ua hauj lwm hauv teej kawm mam pab koj ntxiv.

Follow us on SBSHmong or SBS Hmong Facebook page or listen to or download our podcasts.