Xov xwm lub tshaj tawm rau hnub zwj Quag (Tuesday newsflash 09.04.2024):
Thawj pwm tsav Anthony Albanese no tau qhia tias teb chaws Nyibpoojn (Japan) yog ib lub teb chaws zoo uas tej zaum yuav muaj peev xwm los koom tes rau cov hauj lwm AUKUS theem ob txuas ntxiv. AUKUS ces thaum ntxov xyoo 2021 ces yog teb chaws Askiv, Meskas thiab Australia yog cov teeb tsa thawj thawj theem, tsim coj los ua tib zoo xyuas kom teb chaws Australia tau cov nkoj nuclear power submarine no siv. Yog li ntawd theem ob thiaj li yuav ua tib zoo kub siab los xyuas seb faib puas tau tej technology tub rog, thiab muaj cov kev koom tes rau cov quantuam computer, thiab cov artificial intelligence los yog cov cyber technology no rau lwm lub teb chaws siv ntxiv.
Tus coj tub ceev xwm ntawm xeev New South Wales no tseem tab tom los nrhiav ib tug neeg ua hauj lwm sib txuas lus nrog rau zej tsoom, vim rau qhov tias tus dhau los tau tawm tom qab ua hauj lwm tau ob lub xyoos. Tus nom Rod Robert ntawm lub tsev kis xeev siab uas yog ib tug nom ywj pheej no tau txheeb txog tej xwm txheej no ces txheeb tau hais tias tus neeg uas tau muab rho tawm txoj hauj lwm no dhau los no tau siv nyiaj rau tus neeg no yuav laug txog li 688,000 dollars. Steve Jackson uas yog tus neeg tshaj xov xwm rau lub chaw nthuav xov xwm tshooj 7 dhau los thiaj li tsis tau ua nws txoj hauj lwm no lawm tom qab txheeb tau tias cov kev teeb tsa nws los ua txoj hauj lwm no muaj teeb meem sib cov nyom.
Kyle Langford uas yog tus neeg sib tw ncaws pob pem hauv ntej rau pab Essendon tau tsis pom zoo rau Port Adelaide tus neeg ncaws pob hu ua Jeremy Finlayson cov lus nws tsis pom zoo uas tau hais nrog rau cov neeg same sex rau cov kev sib tw hmo zej Kuab (Friday) thaum sib tw ntawm Adelaide Oval.
Israel tus thawj pwm tsav Benjamin Netanyahu tau qhia tias nws tau xaiv tau ib hnub lawm tias yuav mus tawm tsam Rafah uas yog sab qab teb ntawm Gaza, txawm li cas los Mr Rafah kuj tsis qhia tias yog thaum twg kiag thiaj li yuav mus tawm tsam. America kuj tau tsis pom zoo nrog nws cov kev yuav mus tawm tsam lub nroog Rafah no thiab thiaj tau ua rau Meskas ib tug kis ntawm lub tuam chav tiv thaiv teb chaws hais tias yuav ua rau muaj teeb meem txhawj xeeb rau tej neeg txom nyem thiab yuav ua rau muaj tej neeg Palestinian tej pej xeem ntau tshaj li 1 million tus uas nyob rau ntawm thaj chaw no ntsib teeb meem.
Tsoom fwv teb chaws tau qhia tias tau hloov dua cov coj tshiab rau Australia cov defence force. Thiaj tau xaiv Vice Admiral David Johnston los ua tus coj ADF tshiab thiab xaiv Air Marshall Robert Chapman los ua tus lwm coj uas yuav pib ua txoj hauj lwm tshiab txij lub 7 hli ntuj xyoo no (2024) no mus.
Tau muaj ib lub koom haum uas pab cuam zej tsoom tau nqua hu kom yuav tsum nce cov nyiaj social security payment los yog cov nyiaj welfare no ntau tuaj ntxiv rau tej neeg Australia. Raws li tau muaj cov kev teeb txheeb tshiab qhia ces pom tau tias tej neeg uas tau cov nyiaj no siv no yog cov neeg uas tsis muaj peev xwm yuav them tau tej nuj nqes siv ua lub neej tshaj plaws rau lub sij hawm ntau caum lub xyoo no. Anglicare Australia no kuj txheeb tau tias lub sij hawm 20 xyoo dhau los no tej nqe them tsev nyob no twb raug txog li ntawm 22 feem pua, hos tej nqe zaub mov, tej nqe khoom noj khoom haus no twb kim tuaj ntxiv txog li ntawm 17 feem pua, thiab nqe hluav taws xob no twb kim tuaj ntxiv txog li ntawm 17 feem pua.
Kuj tau muaj ib cov kev teeb txheeb tshiab qhia tias kuj txheeb tau cov chemical hu ua PFAS uas yog ib co chemical uas yog thaum siv lawm ces yuav tsis muaj peev xwm yaj los yog dua ntawm tej ib puag ncig mus li, raws li tau muaj cov kev teeb txheeb tshiab los ntawm lub tsev kawm qib siab University of New South Wales no tau qhia.
Vatican kuj tau coj ib tsab ntawv uas muaj 20 nplooj los qhia tias cov kev pheej muab tej neeg same sex tej caiv phais hloov ntawm txiv neej mus ua poj niam los yog ntawm poj niam mus ua txiv neej no yog zoo tib yam li cov xwm txheej uas pheej rho me nyuam los yog tua tej neeg (Euthanasia), uas yog ib lub tswv yim uas tsis lees paub tswv ntuj tej tswv yim uas tso cai rau tib neeg ua lub neej thiab yog tej yam uas ua rau puas lub neej mom ntawm leej tib neeg.
Lub koom haum Climate Council no tau qhia tias xav kom muab cov tsheb uas siv roj petrol thiab disel no txwv tsis txhob pub muag ntxiv rau xyoo 2035, thiab qhia tias yog tias teb chaws Australia muaj peev xwm ua tau li hais no ces yuav muaj peev xwm txo tau ib nrab ntawm tej tej pa tsis huv paug tsuas rau tej ib puag ncig txog ib nrab rau xyoo 2030. Yog li no lub koom haum no thiaj nqua hu kom tsoom fwv kub siab tshaj no los nrog xyuas kom tsim tau tej tsheb taxi uas siv hluav taws xob, cov tsheb ride-share, tej tsheb uas tsoom fwv siv, siv tsheb ciav hlau los thauj tej khoom lagluam, kom kom tej public transport siv tau zoo tshaj qub ntxiv, kho kom tej neeg taug kev thiab caij tau tsheb kauj vab ntau tuaj ntxiv.
Pab nom koom tswj thiab pab nom Greens tsis pom zoo rau cov kev teeb txheeb uas mus txheeb txog cov kiab khw lagluam supermarkets. Thiaj tau muaj kev nqua hu kom tsim cai kom nruj tuaj ntxiv los tswj tej lagluam no. Craig Emerson uas yog ib tug nom ntawm pab nom Labor dhau los yog tus coj cov kev mus teeb txheeb no, uas txheeb txog tej tuam txhab no tej cai uas lawv tsim coj los siv hais tias tsim nyog yuav yog ib co cai uas nom tswv yuav tau yuam kom lawv siv. Thiab yog tias lawv tsis ua raws li tej cai uas tau teev tseg ntawd, ces yuav raug nplua txog li ntawm 10 feem puas ntawm lawv tej nyiaj uas lawv khwv tau ib lub xyoos twg ntawd.
Vientiane Times kuj tau tshaj tawm tias tau muaj lub rooj sab laj txog Information and Communication Technology (ICT) nyob rau ntawm Nplog lub tsev tos txais qhua Crowne Plaza hauv tuam ceeb Vientiane rau hnub Wednesday (Zej Feej) dhau los. Uas tau muaj lub koom haum Dariu Foundation thiab Nplog lub tuam chav tswj kev kawm tau mus koom. Cov hauj lwm no yuav los qhia tej txuj ICT ob xyoo txij xyoo 2024 txog 2026 rau Nplog tej tub kawm Senior Highschool, Vocational College thiab kom Nplog tej neeg paub ua cov lagluam digital economy li yuav qhia cov coding, programing thiab digital economy.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
