Raws li tau muaj cov kev teeb txheeb tsis ntev los no, ces txhua txhua ib tug me nyuam ntawm 500 tus uas yug hauv teb chaws Australia los yog muaj cov neeg no txog li 40,000 tus yog cov tau cov kab mob lub hlwb puas los yog ua hauj lwm tsis zoo hu ua Cerebral Palsy.
Tab sis yog tham txog cov kev thov nyiaj los yog nrhiav nyiaj coj los pab cov neeg no lawm, ces lub koom haum September yeej tau ua ib co kev teeb txheeb thiab tshawb fawb tau tias muaj cov neeg txog li 2 feem 3 yeej qhia tias yog lawv mus ib pab coob tus mus thov nyiaj donation ces yuav thov tau nyiaj ntau dua.
Mark Liberatore uaa yof ib tug neeg qhia txog txoj kev noj qab haus huv rau lwm tus ntawm lub koom haum September thiab yog tus tswj cov hauj lwm noj qab nyob zoo (Wellbeing) thiab kev sib tw ntawm lub koom haum .
Mark Liberatore tau hais tias lawv lub koom haum cov kev pab cuam feem ntau uas pab rau cov neeg tau cov mob cerebral paulsy no ces yeej yog tau los ntawm zej tsoom cov kev pab cuam xwb, ntxiv ntawd lawv kuj tau mus thov cov nyiaj grants los ntawm tsoom hwv zos, los ntawm tsoom hwv xeev thiab tej neeg thov tau tsoom hwv Australia cov kev pab cuam rau cov neeg puas cev hu ua Australian’s government National Disability Insurance Scheme (NDIS). Thiab yeej nyuaj kawg vim tsis muaj peev txheej txaus ces lawv thiaj yuav tau mus thov kev pab cuam los ntawm zejtsoom, thiab tej nyiaj thov tau los ces yeej coj mus tsim ntau cov kev pab cuam ntau yam pab cuam los yog kho cov neeg no, coj los yuav twj rau lawv siv, thiab siv coj los teeb txheeb thiab coj tsim cov vaj tse rau tej neeg no nyob thiab nrhiav hauj lwm pab rau tej neeg raug cov teeb meem no. Yog li no ces lub koom haum September thiaj li tau npaj cov neeg coob heev los thov zej tsoom nyiaj coj los pab cov neeg tau hom mob no.
Tab sis cov neeg uas muaj lawv ib tug twg hauv tsev neeg los yog tej phooj ywg uas tau cov kab mob no ne ho yuav mus nrhiav tau kev pab cuam li cas ntawm qhov twg.
Mark Liberatore hais tias peb yeej tsis tau txais kev pab cuam ncaj nqa los ntawm tsoom hwv yog tham txog cov nyiaj pab cuam lawm, tab sis cov neeg muaj cov teeb meem no muaj peev xwm siv peb lub koom haum sawv cev rau lawv thov tsoom hwv cov kev pab cuam NDIS programs, uas yog ib cov kev pab cuam uas tsoom hwv Australia pab rau cov neeg puas cev.
Tab sis yog thaum tham txog tias tau ua dab tsi coj los daws los sis kho cov mob no ne ho ua txog twg lawm no ces, Mark Liberatore kuj txhab txhais ntxiv tias yeej tau ua tau ntau yam zoo.
Mark hais tias tau muaj cov neeg tau cov mob no ib nyuag tsawg zog lawm, yog tham txog cov kev teeb txheeb ces kuj ua tau zoo thiab vim cov kev tshuaj ntsuam zoo dua tuaj ntxiv txog cov kab mob cerebral palsy no xws txheeb tau cov mob no thaum ntxov thiab thaum cov neeg no tseem yau tseem hluas kom ho tau jus kho ntxov los yog paub txog cov kab mob no ntxov kom thiaj li pab tau tej neeg no lub cev tig tau mus los yooj yim thiab kom lawv muaj peev xwm sib txuas lus tau zoo dua uas yog qee yam cov chaw teeb txheeb tau ua zoo ntawm ntau yam ntawd.
Mark Liberatore tau qhia tias muaj cov neeg tau koom lawv cov kev teeb txheeb ntawm 2600 tus txog li 68% qhia tias yog lawv mus ib pab coob tus mus thov nyiaj no yuav thov tau nyiaj ntawm zej tsoom los pab cov hauj lwm no zoo dua.
Mark tau qhia ntxiv tias “ Kuv ntseeg tias cov kev siv lub tswv yim no thov kom tau nyiaj yog ib qhov tseem ceeb heev ntawm lub koom haum September. Vim peb yeej tau teev zwm ib pab neeg thiab pab neeg ntawd tau mus ua hauj lwm ua kev los daws ib yam teeb meem dab tsi ua ke. Muaj cov ntxhais hluas txog li 52% yog cov nyiam mus sib ntsib sib cuag thiab koom nrog lwm tus ntawm tej koom txoos ces lawv kuj tau siv lub cib fim no thov nyiaj ntawm tej neeg lawv ntsib thiab hais kom tej neeg uas lawv paub no los yog lawv cov phooj ywg ho thov thiab qhia rau lawv tsev neeg los yog lawv cov phooj ywg ib tom ntxiv thiab kom thov tau nyiaj coj los pab rau cov neeg tau cov kab mob cerebral palsy rau lub koom haum Cerebral Palsy Alliance (CPA).”
Tab sis thaum tej neeg coj nyiaj mus pab los yog donate ne ho puas muaj teeb meem cuam tshuam txog txoj kev nyab xeeb thiab kev ruaj ntseg txog lawv ntiag tej xov xwm nyiaj txiag thiab.
Nqe no ces Mark Liberatore tau qhia tias kom tej neeg tso siab vim cov txheej txheem lawv siv coj los thov tej neeg tej nyiaj coj mus pab cuam cov neeg tau cov kab mob no yeej muaj ntsib zoo tib yam li tej tuam txhab nyiaj uas siv hauv online thiab yeej muaj kev tswj kev ruaj ntseg zoo heev los pov puag tej neeg cov xovxwm ntiag tug lawm, thiaj tsis xav kom tej neeg sawv daws txhawj xeeb, tab sis xav kom lawv swm thiab ua zoo xyuas kom tso siab tau rau cov kev donation no kom zoo xwb.
Listen to SBS Radio Hmong program at on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from and from or you can download news in Hmong and English, and also listen to Hmong podcasts at .
Besides, you can follow us, click like, share and comments at #SBSHmong website at .
Call to have a chat with SBS Radio Hmong Program on + 61 3 9949 2259 or sent your comments to .
