Txoj kev tus tsom kwm lwm tus yeej yog ib txoj dej num tseem ceeb tab sis tej zaum kuj yuav yog ib cov teeb meem ua rau cov neeg tu nyuaj siab thiab sab lawv lub cev heev thiab.
Yuav pib li cas?
Cov neeg tu tsom kwm lwm tus neeg ces yeej yog ib tug neeg ntawm tsev neeg tsis hais yog tej leej niam, leej txiv, me nyuam yaus los yog tej pog thiab yawg. Tab sis vim tej hauj lwm no nyuaj heev ces tej neeg no thiaj yuav tsum tau mus kawm thiab mus xyaum kom txawj lis cov dej num no.
Khanh Le, uas yog ib tug neeg nrhiav cov neeg tus lwm tus los pab rau tej neeg ntawm lub koom haum hais tias:
Carer-Getty Images Source: Getty Images
“Cov kev yog ib tug neeg tu ib tug neeg puas cev ntawm ib yim neeg twg mas yus yuav tsum tau txheeb xov xwm kom ntxaws txog cov kev puas cev ntawm tus neeg ntawd. Tsis tas li no los lawv tseem yuav tau kawm ib cov xov xwm tshiab kom lawv paub nyiaj ntxeem thiab paub daws ntau yam teeb meem nyuaj cuam tshuam txog cov kev tu ib tug neeg pas cev ntawm ib yim neeg twg ntxiv thiab."
Tab sis yog tias koj xav muab cov kev tu tsom kwm ib tug neeg twg coj los ua kiag koj txoj hauj lwm full-time lawm ces koj yuav tsum tau mus kawm cov sob kawm disability course ntawm cov teej kawm TAFE College.
Karina Tran uas yog ib tug neeg ua hauj lwm rau lub koom haum . tau hais tias:
“Yog ib tug twg xav muab cov kev tu tsom kwm saib xyuas lwm tus los ua nws txoj hauj lwm kiag lawm, ces nws yuav tsum tau mus kawm kom tau daim ntawv pov thawj qib 3 los yog qib 4 rau cov txuj disability services ces maj mam ua hauj lwm nce qeb zuj zus ntxiv. Tej zaum cov kawm tiav yuav xub xub pib ua hauj lwm pab cov neeg tu lwm tus ua ntej, ntxiv ntawd mam li tau ua tus coj saib xyuas cov neeg ua hauj lwm no, ces mam li tau ua tus coj ntawm pab neeg koj ua hauj lwm ntawd thiab mam li nce qib zuj zus ntxiv lawm xwb."
Source: Getty Images/Hero Images
“Vim rau qhov yeej muaj ib txhia neeg yuav tau xyaum kom paub mus koom lwm tus, xyaum kom paub caij tsheb mus tau los yooj yim, xyaum ua noj ua haus, xyaum tu tus kheej kom ib ce huv si du dai, xyaum tsim kev sib raug zoo thiab tsim kev phooj ywg los yog sib txuas lus sib tham nrog lwm tus neeg. Yog tias peb pab kom cov neeg no muaj peev xwm ua tau lub neej yooj yim thiab ho muaj cov neeg pab lawv hais tau lawv cov lus thiab mas haj yam zoo thiab tseem ceeb heev rau lawv npaum li ntawd xwb."
Cov teeb meem nyuaj ntau yam
Cov kev yog ib tug neeg tutsom kwm lwm tus neeg mas yuav tau ua ntau yam dej num pab lwm tus neeg thiab tej zaum yuav ua rau cov neeg no qaug zog heev. Yog li lub koom haum Ethnic Community Services Co-operative thiaj yuav tau los ua tib zoo xyuas thiab muab txoj kev noj qab nyab xeeb ntawm cov neeg ua hauj lwm saib ua cov hauj lwm tseem ceeb heev.
Le hais tias "Peb lub koom haum yeej muaj cov sob kawm qhia tej xov xwm txog neg ua hauj lwm no kom paub txog lawv txoj cai thiab pab kom lawv tau muaj feem koom nrog tej neeg zejzog. Peb yeej txhawb nqa kom cov neeg tutsom kwm lwm tus yuav tsum tau kawm cov sob kawm coj los pab kom lawv tau txais kev noj qab nyab xeeb thiab tau tawm rooj kom lawv muaj kev zoo siab rau lawv lub neej thiab."
Thiaj yog ib qho tseem ceeb heev cov neeg tu tsom kwm lwm tus yuav tsum nco qab ntsoov los tus lawv tus kheej kom tau txais kev noj qab nyob zoo thiab muaj txoj kev zoo sb rau lawv lub neej rau lub caij lawv tseem tus thiab saib xyuas los yog pab lwm tus neeg ntawd. Tsis tas li no los cov neeg tu thiab tsom kwv saib xyuas lwm tus tseem mloog tau tias zoo li lawv raug cai nyob tib leeg kho siab khuav, tab sis kom nkawv nkag siab tias yeej zoo tib yam li lwm cov hauj lwm uas yeej ua rau lawv tsis tshua muaj sij hawm mus ntsib cuag thiab pom lwm tus los yog tau ua yam lawv nyiam ntawd pes tsawg thiab.
Ljiljana Zruic twb tau tus nws tus tub muaj 26 xyoo vim nws tau cov kab mob down syndrome.
Nws hais tias “Kuv ntshai tsam nws tsis muaj peev xwm koom ua tau lub neej nrog lub ntiaj teb no, kuv ntshai tsam tsis muaj neeg lees thiab txais tos nws, yog li ntawd tam li yog ib tug leej niam, ces yus thiaj pheej yuav tau pab nws kom ntau li ntau tau vim yus yeej xav kom yus yog txhua tsav yam thiab yog txhua leej txhua tus rau nws. Yog li xyoo no thiaj yog thawj xyoo ntawm 25 lub xyoos uas nws tau tu nws tus tub uas nws muaj caij so rau nws tus kheej tau mus ncig ua si 2 lub plua nrug ntawm nws tus tub ib ntus xwb."
Muaj ntau zaus, cov neeg tus thiab saib xyuas lwm tus neeg yeej meem txom heev thiab tau ua rau lawv muaj teeb meem rau lawv txoj kev sib raug zoo nrog lwm tus neeg.
Ljiljana Zruic y su hijo Nick Source: Supplied
Ljiljana Zruic hais ntxiv tias " Yeej muaj teeb meem rau tej txij nkawm thiab vim raws li peb tau nrog cov nkawm niam txiv tham ces lawv yeej yws kawg nkaus tias cov ua niam yog cov pheej tau los tus lawv tus neeg puas cev hauv lawv tsev neeg tas mus li xwb, ces thiaj ua rau lawv mloog tau tias lawv tsis muaj sib hawm mus koom nrog lawv tsev neeg ua dab tsi li los yog tau koom los tsuas yog thaum lawv twg tu thiab saib xyuas tus neeg puas cev ntawd tiav lawm xwb."
Tsis tas li no cov kev tu cov neeg puas cev uas yog lawv tej txheeb ze ntawm tseem yog ib cov teeb meem nyuaj heev rau cov neeg thoj nam tawg tsov tawg rog thiab cov neeg tsiv teb tsaws chaw tuaj ua lub neej tshiab uas tsis paub lus Askiv zoo ntawd kawg nkaus li thiab.
“Ces thiaj ua rau haj yam muaj teeb meem ntau yam tuaj ntxiv rau lawv vim rau qhov cov neeg twb paub thiab siv tau lus Askiv zoo li kuv lawm uas yus xav tias yus paub ntau yam lawm yeej tseem ntsib teeb meem nyuaj thiab. Tab sis yog yus ho mus nyob rau lub teb chaws tshiab es ho tsis paub hom lus ntawm lub teb chaws ntawd los yog tsis paub tej cai tswj hwm zoo thiab tsis paub tias ho muaj kev pab cuam dab tsi rau yus ces yus yeej yuav ntsib ntau yam teeb meem nyuaj xwb xwb li."
Yeej muaj ib cov neeg coob heev raug lwm tus tsub muj tsim txom thiab raug lwm tus yuam lawv txoj cai loj heev. Tej xwm txheej no thiaj yuav ua rau muaj teeb meem rau rau ib txhia neeg tuaj ua lub neej tshiab ntawm ib lub teb chaws tshiab tej siab ntsws,txoj kev xav thiab rau lawv lub cev ntaj ntsug. Yog li peb thiaj xav tau cov neeg ua hauj lwm pab lwm tus uas paub thiab muaj peev xwm hais thiab siv tau cov neeg lawv pab ntawd hom lus uas yeej totaub zoo txog tej xwm txheej no dua ntawm cov kev muaj peev xwm siv tau lus Askiv ntawd lawm.
Source: Getty Images/Maskot
Yog ib co hauj lwm tsis yooj yim tab sis kuj tau txais txij ntsim ntau yam rau yus thiab
Txawm tias cov hauj lwm tu thiab pab cuam lwm tus neeg no tsis yooj yim los yeej yog ib co hauj lwm pab kom yus tau txais txiaj ntsim ntau yam kawg li thiab. Le hais tias kev tau pom nws cov neeg tu thiab saib xyuas lwm tus thiab tej neeg lawv pab tsim kev phooj ywg thiab kev sib raug zoo zoo tuaj ntxiv ntawd yog ib cov khoom plig tseem ceeb tshaj plaws rau nws.
Le hais tias “Yeej muaj ntau zaus kuv zoo siab heev thaum kuv pom thiab peb cov neeg no yeej txawj rov qab tig los sib pab heev, es thiaj ua rau yus pom tau tias zoo li lawv yog phooj ywg los yog zoo li ib tse neeg lawm xwb. Thiab lawv yeej kub siab heev txog ib tug twg. Lawv yeej tau tawm rooj mus ua ib yam ua ke los yog koom kev zoo siab rau ib tug twg lub hnub yug los sis tawm mus ua si ib qho chaw qhov twg rau 2 hnub so ua ke. Yog li kuv thiaj zoo siab heev tias tej dej num kuv ua no yeej tau txais txiaj ntsim ntau yam rau tej neeg hauv tej zejzog thiab."
Yog koj xav paub thiab xav tau xov xwm kom ntxaws ntxiv txog cov neeg tu tsom kwm thiab saib xyuas cov neeg puas cev los sis pab tsis tau lawv tus kheej thiab lawv tej dej num ces mus txheeb tau ntxiv rau nawm lub vam sab no: Carers Australia website tau.#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis download tau ntawm thiab ntawm iTunes los yog mloog tau ntawm tuaj koom ua tub koom siab thiab koom mloog tau tau ntawm #SBSHmong lub Facebook page tau.
